Sports Quota Recruitment: ਖੇਡ ਕੋਟੇ ਦੀਆਂ 358 ਅਸਾਮੀਆਂ ਭਰੇ ਸਰਕਾਰ: ਔਜਲਾ

ਸੰਸਦ ਮੈਂਬਰ ਨੇ ਪੱਤਰ ਵਿੱਚ ਲਿਖਿਆ ਕਿ ਪੰਜਾਬ ਪੁਲੀਸ ਵਿੱਚ ਖੇਡ ਕੋਟੇ ਦੀਆਂ 358 ਅਸਾਮੀਆਂ ਹਾਲੇ ਵੀ ਖਾਲੀ ਪਈਆਂ ਹਨ। ਇਨ੍ਹਾਂ ਵਿੱਚ ਜ਼ਿਲ੍ਹਾ ਪੁਲੀਸ, ਆਰਮਡ ਪੁਲੀਸ, ਇਨਵੈਸਟੀਗੇਸ਼ਨ ਅਤੇ ਇੰਟੈਲੀਜੈਂਸ ਕੈਡਰ ਦੀਆਂ ਬੈਕਲਾਗ ਅਸਾਮੀਆਂ ਸ਼ਾਮਲ ਹਨ। ਲੰਬੇ ਸਮੇਂ ਤੋਂ ਇਹ ਅਸਾਮੀਆਂ ਨਾ ਭਰਨ ਕਾਰਨ ਯੋਗ ਖਿਡਾਰੀਆਂ ਨੂੰ ਰੁਜ਼ਗਾਰ ਦੇ ਮੌਕੇ ਨਹੀਂ ਮਿਲ ਰਹੇ। ਉਨ੍ਹਾਂ ਕਿਹਾ ਕਿ ਜਲੰਧਰ ਦਾ ਪੀ ਏ ਪੀ ਸਪੋਰਟਸ ਕੰਪਲੈਕਸ ਜਿਸ ਨੂੰ ਕਦੇ ਪੰਜਾਬ ਦੀਆਂ ‘ਖੇਡਾਂ ਦਾ ਮੱਕਾ’ ਮੰਨਿਆ ਜਾਂਦਾ ਸੀ, ਅੱਜ ਅਣਦੇਖੀ ਦਾ ਸ਼ਿਕਾਰ ਹੈ। ਇੱਥੇ ਨਿਯਮਿਤ ਭਰਤੀਆਂ ਅਤੇ ਖੇਡ ਗਤੀਵਿਧੀਆਂ ਬੰਦ ਹੋਣ ਕਾਰਨ ਇਸ ਦੀ ਪਛਾਣ ਲਗਾਤਾਰ ਕਮਜ਼ੋਰ ਹੋ ਰਹੀ ਹੈ। ਉਨ੍ਹਾਂ ਸਰਕਾਰ ਨੂੰ ਅਪੀਲ ਕੀਤੀ ਕਿ ਇਸ ਇਤਿਹਾਸਕ ਸੰਸਥਾ ਨੂੰ ਮੁੜ ਜੀਵੰਤ ਕਰਨ ਲਈ ਤੁਰੰਤ ਕਦਮ ਚੁੱਕੇ ਜਾਣ।

ਸੰਸਦ ਮੈਂਬਰ ਨੇ ਚਿੰਤਾ ਜਤਾਈ ਕਿ ਪੰਜਾਬ ਪੁਲੀਸ ਵਿੱਚ ਪ੍ਰਸਤਾਵਿਤ ਕਰੀਬ 2,600 ਜ਼ਿਲ੍ਹਾ ਪੁਲੀਸ ਅਤੇ 800 ਆਰਮਡ ਪੁਲੀਸ ਅਸਾਮੀਆਂ ਦੀ ਭਰਤੀ ਦੌਰਾਨ ਜੇਕਰ ਪਹਿਲਾਂ ਖੇਡ ਕੋਟੇ ਦੀਆਂ ਖਾਲੀ ਅਸਾਮੀਆਂ ਨਾ ਭਰੀਆਂ ਗਈਆਂ ਤਾਂ ਯੋਗ ਖਿਡਾਰੀਆਂ ਦੇ ਹੱਕ ਪ੍ਰਭਾਵਿਤ ਹੋਣਗੇ।

Gurjeet Singh Aujla, Bhagwant Mann, Sports Quota Recruitment, Punjab Police Jobs, PAP Sports Complex, Jalandhar, Amritsar MP, Punjab Sports Heritage, Backlog Vacancies, Punjab Government