ਪਠਾਨਕੋਟ (ਐੱਨਪੀ ਧਵਨ): ਸਿਹਤ ਵਿਭਾਗ ਨੂੰ ਅੱਜ ਉਸ ਵੇਲੇ ਧੱਕਾ ਪੁੱਜਾ ਜਦ ਘਰਥੋਲੀ ਮੁਹੱਲੇ ਵਿੱਚ ਕਰੋਨਾ ਦੇ ਸੈਂਪਲ ਲੈਣ ਲਈ ਗਈ ਸਿਹਤ ਵਿਭਾਗ ਦੀ ਟੀਮ ਨੂੰ ਬੇਰੰਗ ਮੁੜਨਾ ਪਿਆ। ਮੁਹੱਲੇ ਦੇ ਲੋਕਾਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨਾਲ ਰਾਜਨੀਤੀ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਮੁਹੱਲੇ ਵਿੱਚ ਹੋਰ ਕਿਸੇ ਹਿੱਸੇ ਵਿੱਚ ਕੋਈ ਸੈਂਪਲ ਨਹੀਂ ਲਏ ਜਾ ਰਹੇ ਸਿਰਫ ਉਨ੍ਹਾਂ ਦੀਆਂ ਗਲੀਆਂ ਨੂੰ ਨਿਸ਼ਾਨਾ ਬਣਾ ਕੇ ਸੈਂਪਲ ਲਏ ਜਾ ਰਹੇ ਹਨ। ਲੋਕਾਂ ਨੇ ਵਿਰੋਧ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਵਿਭਾਗ ਨੂੰ ਉਨ੍ਹਾਂ ਲੋਕਾਂ ਦੇ ਸੈਂਪਲ ਲੈਣੇ ਚਾਹੀਦੇ ਹਨ ਜਿਨ੍ਹਾਂ ਵਿੱਚ ਕਿਸੇ ਤਰ੍ਹਾਂ ਦੇ ਲੱਛਣ ਹੋਣ। ਉਨ੍ਹਾਂ ਵਿੱਚ ਕਰੋਨਾਵਾਇਰਸ ਦਾ ਕੋਈ ਵੀ ਲੱਛਣ ਨਹੀਂ ਹੈ। ਮੁਹੱਲਾ ਵਾਸੀਆਂ ਦੇ ਵਿਰੋਧ ਦੇ ਅੱਗੇ ਪੁਲੀਸ ਵੀ ਬੇਵਸ ਹੋ ਗਈ।