Governments ਖ਼ਿਲਾਫ਼ ਸਾਂਝਾ ਸੰਘਰਸ਼ ਵਿੱਢਣ ਦਾ ਸੱਦਾ

ਡੈਮੋਕ੍ਰੈਟਿਕ ਮੁਲਾਜ਼ਮ ਫੈਡਰੇਸ਼ਨ ਤਹਿਸੀਲ ਬਾਬਾ ਬਕਾਲਾ ਵੱਲੋਂ ਸਥਾਨਕ ਨਰਸਰੀ ਵਿੱਚ ਕੌਮਾਂਤਰੀ ਮਜ਼ਦੂਰ ਦਿਵਸ ਨੂੰ ਸਾਮਰਾਜ ਵਿਰੋਧੀ ਦਿਵਸ ਵਜੋਂ ਮਨਾਇਆਂ ਗਿਆ ਅਤੇ ਸ਼ਿਕਾਗੋ ਦੇ ਸ਼ਹੀਦਾਂ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ ਗਏ। ਇਸ ਮੌਕੇ ਸੂਬਾ ਪ੍ਰਧਾਨ ਜਰਮਨਜੀਤ ਸਿੰਘ ਵੱਲੋਂ ਜਥੇਬੰਦੀ ਦਾ ਝੰਡਾ ਝੁਲਾਇਆ ਗਿਆ। ਇਸ ਮੌਕੇ ਡੀ ਟੀ ਐੱਫ਼ ਦੇ ਆਗੂ ਚਰਨਜੀਤ ਸਿੰਘ ਰਜਧਾਨ, ਜੰਗਲਾਤ ਆਗੂ ਰਛਪਾਲ ਸਿੰਘ ਜੋਧਾ ਨਗਰੀ, ਆਸ਼ਾ ਵਰਕਰਾਂ ਦੀ ਆਗੂ ਪਰਮਜੀਤ ਕੌਰ ਮਾਨ, ਮਿੱਡ-ਡੇਅ ਮੀਲ ਵਰਕਰਾਂ ਦੀ ਆਗੂ ਮਮਤਾ ਸ਼ਰਮਾ, ਜਲ ਸਰੋਤ ਆਗੂ ਸੁਖਦੇਵ ਸਿੰਘ ਉਮਰਾਨੰਗਲ ਅਤੇ ਜਲ ਸਪਲਾਈ ਆਗੂ ਅਜੀਤਪਾਲ ਸਿੰਘ ਨੇ ਕਿਹਾ ਕਿ ਮਜ਼ਦੂਰਾਂ ਦਾ ਸ਼ੋਸ਼ਣ ਕਰਨ ਵਿੱਚ ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਕੇਂਦਰ ਦੀ ਮੋਦੀ ਸਰਕਾਰ ਨਾਲੋਂ ਵੀ ਦੋ ਕਦਮ ਅੱਗੇ ਹੈ ਜਿਸ ਵਿਰੁੱਧ ਸਾਰੀਆਂ ਪੀੜਤ ਧਿਰਾਂ ਨੂੰ ਸਾਂਝੇ ਸੰਘਰਸ਼ ਕਰਨ ਦੀ ਲੋੜ ਹੈ। ਇਸ ਮੌਕੇ ਵਿਪਨ ਰਿਖੀ, ਗੁਰਦੀਪ ਸਿੰਘ ਕਲੇਰ, ਹਰਪ੍ਰੀਤ ਕੌਰ ਰਜਧਾਨ, ਜਸਵਿੰਦਰ ਕੌਰ ਮਹਿਤਾ, ਬਲਦੇਵ ਕ੍ਰਿਸ਼ਨ, ਜ਼ੋਰਾਵਰ ਸਿੰਘ ਜਲਾਲਉਸਮਾ, ਰਾਜ ਮਸੀਹ ਭੋਏ ਵਾਲ, ਪ੍ਰਤਾਪ ਸਿੰਘ ਗੱਗੜ ਭਾਣਾ, ਸੁੱਖਾ ਸਿੰਘ ਲੋਹਗੜ੍ਹ, ਸੁਨੀਤਾ ਬਿਆਸ, ਬਿਮਲਜੀਤ ਕੌਰ ਬੂਲੇਨੰਗਲ, ਦਵਿੰਦਰ ਸਿੰਘ ਮਹਿਸਮਪੁਰ ਨੇ ਵੀ ਸੰਬੋਧਨ ਕੀਤਾ।