Kamahi Devi ਸਕੂਲ ਦੇ 6 ਪਾੜ੍ਹੇ ਮੈਰਿਟ ਵਿੱਚ ਆਏ
ਇਸ਼ਿਤਾ ਸ਼ਰਮਾ ਨੇ 491 ਅੰਕ ਹਾਸਲ ਕਰ ਕੇ ਸੂਬੇ ਵਿੱਚੋਂ ਦਸਵਾਂ ਸਥਾਨ ਮੱਲਿਆ; ਘਰ ਤੇ ਸਕੂਲ ਵਿੱਚ ਖ਼ੁਸ਼ੀ ਦਾ ਮਾਹੌਲ
ਅੱਜ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਬਾਰ੍ਹਵੀਂ ਜਮਾਤ ਦੇ ਐਲਾਨੇ ਨਤੀਜਿਆਂ ’ਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕਮਾਹੀ ਦੇਵੀ ਦੇ 6 ਵਿਦਿਆਰਥੀਆਂ ਨੇ ਬੋਰਡ ਦੀ ਮੈਰਿਟ ਸੂਚੀ ਵਿਚ ਸਥਾਨ ਹਾਸਲ ਕੀਤਾ ਹੈ। ਸਕੂਲ ਪ੍ਰਿੰਸੀਪਲ ਰਾਜੇਸ਼ ਕੁਮਾਰ ਨੇ ਦੱਸਿਆ ਕਿ ਇਸ਼ਿਤਾ ਸ਼ਰਮਾ ਪੁੱਤਰੀ ਸੁਰਿੰਦਰ ਕੁਮਾਰ ਨੇ 491 ਅੰਕ ਹਾਸਲ ਕਰਕੇ ਪੰਜਾਬ ਭਰ ’ਚੋਂ 10ਵਾਂ, ਮਾਨਸੀ ਦੇਵੀ ਪੁੱਤਰੀ ਮਨਜੀਤ ਕੁਮਾਰ ਨੇ 489 ਅੰਕਾਂ ਨਾਲ ਬਾਰ੍ਹਵਾਂ, ਨਿੱਧੀ ਪੁੱਤਰੀ ਦਲਬੀਰ ਸਿੰਘ ਨੇ 488 ਅੰਕਾਂ ਨਾਲ 13ਵਾਂ, ਕਿੰਜਲ ਭਾਰਦਵਾਜ ਪੁੱਤਰੀ ਵਿਪਨ ਕੁਮਾਰ ਅਤੇ ਨਿਤਾਸ਼ਾ ਚੌਧਰੀ ਪੁੱਤਰੀ ਕਰਨੈਲ ਸਿੰਘ ਨੇ ਦੋਵਾਂ 486 ਅੰਕਾਂ ਨਾਲ 15ਵਾਂ, ਐਲਿਸ ਠਾਕੁਰ ਪੁੱਤਰੀ ਇੰਦਰ ਸਿੰਘ ਨੇ 485 ਅੰਕ ਪ੍ਰਾਪਤ ਕਰਕੇ ਮੈਰਿਟ ਸੂਚੀ ’ਚ 16ਵਾਂ ਰੈਂਕ ਹਾਸਲ ਕੀਤਾ ਹੈ।
ਅੰਮ੍ਰਿਤਸਰ (ਜਗਤਾਰ ਸਿੰਘ ਲਾਂਬਾ): ਸੀ ਬੀ ਐੱਸ ਈ ਜਮਾਤ 12ਵੀਂ ਦੇ ਨਤੀਜੇ ਆਉਣ ਮਗਰੋਂ ਡੀ ਏ ਵੀ ਇੰਟਰਨੈਸ਼ਨਲ ਸਕੂਲ ਦੀ ਕਸ਼ੀਸ਼ ਨਿਸ਼ਚਲ 99.6 ਅੰਕਾਂ ਨਾਲ ਜ਼ਿਲ੍ਹੇ ਵਿੱਚੋਂ ਅੱਵਲ ਤੇ ਹਿਊਮੈਨਟੀਜ਼ ਵਿੱਚ ਟਾਪਰ ਬਣੀ। ਸਪਰਿੰਗਡੇਲ ਸਕੂਲ ਦੀ ਹਿਊਮੈਨਟੀਜ਼ ਦੀ ਆਰਾਧਿਆ ਅਰੋੜਾ ਨੇ 99.4 ਫ਼ੀਸਦ ਅੰਕ ਪ੍ਰਾਪਤ ਕਰ ਕੇ ਜ਼ਿਲ੍ਹੇ ਵਿੱਚ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਸ੍ਰੀ ਗੁਰੂ ਹਰਕ੍ਰਿਸ਼ਨ ਪਬਲਿਕ ਸਕੂਲ ਜੀ ਟੀ ਰੋਡ ਤੋਂ ਮੈਡੀਕਲ ਵਿੱਚ ਜਪਜੀਤ ਕੌਰ ਨੇ 99.2 ਫ਼ੀਸਦ ਅੰਕ ਪ੍ਰਾਪਤ ਕਰਕੇ ਸਿਟੀ ਟਾਪਰ ਬਣਨ ਵਿੱਚ ਸਫਲਤਾ ਪ੍ਰਾਪਤ ਕੀਤੀ। ਸਪਰਿੰਗਡੇਲ ਸਕੂਲ ਦੇ ਸਤਯਮ ਵਸ਼ਿਸ਼ਟ 99 ਫ਼ੀਸਦ ਅੰਕਾਂ ਨਾਲ ਦੂਜੇ ਸਥਾਨ ‘ਤੇ ਤੇ ਭਵਨਸ ਸਕੂਲ ਦੀ ਸੁਹਾਨਾ ਨੇ 98 ਫ਼ੀਸਦ ਅੰਕ ਪ੍ਰਾਪਤ ਕੀਤੇ। ਸਪਰਿੰਗਡੇਲ ਸਕੂਲ ਦੀ ਨਵਲੀਨ ਕੌਰ 98.8 ਫ਼ੀਸਦ ਅੰਕਾਂ ਨਾਲ ਕਾਮਰਸ ਸਟ੍ਰੀਮ ਵਿੱਚ ਟਾਪਰ ਰਹੀ।
ਆਮ ਪਰਿਵਾਰਾਂ ਦੇ ਵਿਦਿਆਰਥੀਆਂ ਨੇ ਮੱਲਾਂ ਮਾਰੀਆਂ
ਜਲੰਧਰ (ਹਤਿੰਦਰ ਮਹਿਤਾ): ਜ਼ਿਲ੍ਹੇ ਵਿੱਚ ਪਹਿਲੇ ਨੰਬਰ ’ਤੇ ਬਲਿਸ ਪਬਲਿਕ ਸਕੂਲ ਦੀ ਕਾਮਰਸ ਵਿਦਿਆਰਥਣ ਸ਼ਰਨ ਰਾਣੀ ਨੇ 97.40 ਫ਼ੀਸਦ ਅੰਕ ਪ੍ਰਾਪਤ ਕੀਤੇ। ਉਸ ਨੇ ਮੈਰਿਟ ਸੂਚੀ ਵਿੱਚ 14ਵਾਂ ਸਥਾਨ ਪ੍ਰਾਪਤ ਕੀਤਾ। ਸ਼ਰਨ ਨੇ ਕਿਹਾ ਕਿ ਉਹ ਹੁਣ ਚਾਰਟਰਡ ਅਕਾਊਂਟੈਂਟ ਬਣਨਾ ਚਾਹੁੰਦੀ ਹੈ। ਸਰਕਾਰੀ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ, ਬੜਾ ਪਿੰਡ ਦੀ ਕਾਮਰਸ ਦੀ ਤੀਰਥ ਕੌਰ ਵੀ ਸ਼ਾਮਲ ਹੋਈ, ਜਿਸ ਨੇ ਜਲੰਧਰ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਉਸ ਦਾ ਪਿਤਾ ਡਰਾਈਵਰ ਵਜੋਂ ਕੰਮ ਕਰਦਾ ਹੈ ਜਦੋਂ ਕਿ ਮਾਂ ਦਰਜ਼ੀ ਹੈ। ਗੁਰਪ੍ਰੀਤ ਸਿੰਘ, ਸਕੂਲ ਆਫ਼ ਐਮੀਨੈਂਸ, ਕਰਤਾਰਪੁਰ ਦਾ ਵੋਕੇਸ਼ਨਲ ਸਟ੍ਰੀਮ ਦਾ ਵਿਦਿਆਰਥੀ ਸੀ, ਜਿਸ ਨੇ ਜਲੰਧਰ ਵਿੱਚ ਦੂਜਾ ਸਥਾਨ ਪ੍ਰਾਪਤ ਕੀਤਾ ਅਤੇ ਸਟੇਟ ਮੈਰਿਟ ਸੂਚੀ ਵਿੱਚ 15ਵਾਂ ਸਥਾਨ ਪ੍ਰਾਪਤ ਕੀਤਾ। ਮਜ਼ਦੂਰ ਦਾ ਪੁੱਤਰ, ਗੁਰਪ੍ਰੀਤ ਆਪਣੇ ਪਰਿਵਾਰ ਦਾ ਪਾਲਣ-ਪੋਸ਼ਣ ਕਰਨ ਲਈ ਸਕੂਲ ਦੇ ਸਮੇਂ ਤੋਂ ਬਾਅਦ ਇਲੈਕਟ੍ਰੀਸ਼ੀਅਨ ਵਜੋਂ ਕੰਮ ਕਰਦਾ ਹੈ। ਸਕੂਲ ਆਫ਼ ਐਮੀਨੈਂਸ, ਆਦਮਪੁਰ ਵਿੱਚ ਆਰਟਸ ਸਟ੍ਰੀਮ ਦੇ ਪਵਨ ਕੁਮਾਰ ਨੇ ਜਲੰਧਰ ਵਿੱਚ ਤੀਜਾ ਅਤੇ ਮੈਰਿਟ ਸੂਚੀ ਵਿੱਚ 16ਵਾਂ ਸਥਾਨ ਪ੍ਰਾਪਤ ਕੀਤਾ। ਮੈਰਿਟ ਸੂਚੀ ਵਿੱਚ ਸ਼ਾਮਲ ਜਲੰਧਰ ਦੇ ਚਾਰ ਵਿਦਿਆਰਥੀ ਦਿਹਾੜੀਦਾਰ ਪਰਿਵਾਰਾਂ ਨਾਲ ਸਬੰਧਤ ਹਨ। ਕਾਮਰਸ ਵਿਸ਼ੇ ਵਿੱਚ ਹਰਸ਼ਿਤਾ ਸੂਰੀ ਅੱਵਲ
ਪਠਾਨਕੋਟ (ਐੱਨ ਪੀ ਧਵਨ): ਜੇ ਐੱਮ ਕੇ ਇੰਟਰਨੈਸ਼ਨਲ ਸਕੂਲ ਦੇ ਸੀ ਬੀ ਐੱਸ ਈ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਦਾ ਨਤੀਜਾ 100 ਫ਼ੀਸਦੀ ਰਿਹਾ। ਕਾਮਰਸ ਸਟਰੀਮ ਦੀ ਹਰਸ਼ਿਤਾ ਸੂਰੀ ਨੇ 98.4 ਅੰਕ ਲੈ ਕੇ ਪਹਿਲਾ ਸਥਾਨ ਹਾਸਲ ਕੀਤਾ। ਸਕੂਲ ਦੇ ਚੇਅਰਮੈਨ ਅਨੁਜ ਸੂਦ ਤੇ ਪ੍ਰਿੰਸੀਪਲ ਨੀਤੀ ਕੋਚਰ ਅਨੁਸਾਰ ਹਿਊਮਨਿਟੀ ਸਟਰੀਮ ਦੀ ਅਮਿਤੋਜ ਕੌਰ ਨੇ 95 ਫ਼ੀਸਦ ਅੰਕ ਲੈ ਕੇ ਪਹਿਲਾ, ਮੈਡੀਕਲ ਸਟਰੀਮ ਵਿੱਚ ਮੰਨਤ ਕਲਕਤ ਨੇ ਅਤੇ ਮਿਊਖ ਮਹਾਜਨ ਨੇ 93.2 ਫ਼ੀਸਦ ਅੰਕ ਲੈ ਕੇ ਪਹਿਲਾ ਸਥਾਨ ਹਾਸਲ ਕੀਤਾ।
