ਵਿਕਰਮ ਬੇਰੀ ਜਗਰਾਉਂ ਬਾਰ ਐਸੋਸੀਏਸ਼ਨ ਦੇ ਪ੍ਰਧਾਨ ਚੁਣੇ

ਬਾਰ ਐਸੋਸੀਏਸ਼ਨ ਜਗਰਾਉਂ ਦੀ ਅੱਜ ਹੋਈ ਚੋਣ ਦੌਰਾਨ ਐਡਵੋਕੇਟ ਬਿਕਰਮ ਬੇਰੀ ਵੱਡੇ ਫਰਕ ਨਾਲ ਚੋਣ ਜਿੱਤ ਕੇ ਪ੍ਰਧਾਨ ਚੁਣੇ ਗਏ। ਪ੍ਰਧਾਨ ਦੇ ਅਹੁਦੇ ਲਈ ਹੋਏ ਤਿਕੋਣੇ ਮੁਕਾਬਲੇ ਵਿੱਚ ਐਡਵੋਕੇਟ ਬੇਰੀ ਨੂੰ ਕੁੱਲ 92 ਵੋਟਾਂ ਮਿਲੀਆਂ ਜਦਕਿ ਐਡਵੋਕੇਟ ਸੁਰਿੰਦਰ ਸਿੰਘ ਗਿੰਦਰਾ ਨੂੰ 33 ਅਤੇ ਐਡਵੋਕੇਟ ਪਰਵੀਨ ਕੁਮਾਰ ਮਲਹੋਤਰਾ ਨੂੰ 32 ਵੋਟਾਂ ਮਿਲੀਆਂ। ਕੁੱਲ 168 ਮੈਂਬਰਾਂ ਵਾਲੀ ਇਸ ਬਾਰ ਐਸੋਸੀਏਸ਼ਨ ਲਈ ਵੋਟਿੰਗ ਵਿੱਚ ਕੁੱਲ 159 ਵੋਟਾਂ ਪਈਆਂ, ਜਿਨ੍ਹਾਂ ਵਿੱਚੋਂ ਦੋ ਵੋਟਾਂ ਰੱਦ ਕਰ ਦਿੱਤੀਆਂ ਗਈਆਂ। ਉਪ ਪ੍ਰਧਾਨ ਦੇ ਅਹੁਦੇ ਦੀ ਚੋਣ ਵਿੱਚ ਐਡਵੋਕੇਟ ਸੁਰਿੰਦਰਪਾਲ ਸਿੰਘ ਬਰਸਾਲ ਨੇ ਇਕਤਰਫ਼ਾ ਜਿੱਤ ਦਰਜ ਕੀਤੀ। ਇਸ ਤਰ੍ਹਾਂ ਐਡਵੋਕੇਟ ਬਰਸਾਲ ਨੇ 84 ਵੋਟਾਂ ਦੇ ਵੱਡੇ ਫਰਕ ਨਾਲ ਜਿੱਤ ਦਰਜ ਕੀਤੀ। ਸੈਕਟਰੀ ਦੇ ਅਹੁਦੇ ਲਈ ਐਡਵੋਕੇਟ ਇੰਦਰਜੀਤ ਸਿੰਘ ਢਿੱਲੋਂ ਨੇ ਐਡਵੋਕੇਟ ਰੋਹਿਤ ਅਰੋੜਾ ਨੂੰ 51 ਵੋਟਾਂ ਨਾਲ ਹਰਾਇਆ। ਐਗਜ਼ਿਕਿਊਟਿਵ ਮੈਂਬਰ ਐਡਵੋਕੇਟ ਵਿਜੇ ਬਾਂਸਲ ਨੂੰ 73 ਵੋਟਾਂ ਜਦਕਿ ਜੇਤੂ ਉਮੀਦਵਾਰ ਦਸਵਿੰਦਰ ਸਿੰਘ ਨੂੰ 83 ਵੋਟਾਂ ਮਿਲੀਆਂ।