ਰਾਮ ਗੋਪਾਲ ਰਾਏਕੋਟੀ
ਰਾਏਕੋਟ, 14 ਦਸੰਬਰ
ਨੇੜਲੇ ਪਿੰਡ ਸਾਹਜਹਾਨਪੁਰ ਵਿੱਚ ਪੁਰਾਣੀ ਮਸਜਿਦ ਵਾਲੇ ਸਥਾਨ ’ਤੇ ਨਵੀਂ ਮਸਜਿਦ ਦਾ ਨੀਂਹ ਪੱਥਰ ਰੱਖਿਆ ਗਿਆ। ਇਸ ਪੁਰਾਣੀ ਮਸਜਿਦ ਦੇ ਨੀਂਹ ਪੱਥਰ ਰੱਖਣ ਸਮੇਂ ਸਿੱਖ-ਮੁਸਲਿਮ ਭਾਈਚਾਰੇ ਦੇ ਪਿਆਰ ਮਿਲ ਰਹਿਣ ਦੀ ਵੱਖਰੀ ਮਿਸਾਲ ਦੇਖਣ ਯੋਗ ਸੀ। ਇਨ੍ਹਾਂ ਸਾਰੇ ਸਮਾਗਮਾਂ ਵਿੱਚ ਵੱਖ-ਵੱਖ ਪਿੰਡਾਂ ਤੋਂ ਸੰਗਤ ਰੂਪੀ ਲੋਕਾਂ ਨੇ ਹਾਜ਼ਰੀਆਂ ਲਗਵਾਈਆਂ। ਇਸ ਮੌਕੇ ਸੰਤ ਬਾਬਾ ਗੁਰਚਰਨ ਸਿੰਘ ਜੀ ਨਾਨਕਸਰ ਅਤੇ ਬਾਬਾ ਤੇਜਿੰਦਰ ਸਿੰਘ ਜਿੰਦੂ ਨੇ ਸਿੱਖ ਤੇ ਮੁਸਲਿਮ ਭਾਈਚਾਰੇ ਦੀਆਂ ਅਨੇਕਾਂ ਗੁਰੂ ਸਾਹਿਬਾਂ ਦੇ ਸਮੇਂ ਦੀਆਂ ਮਿਸਾਲਾਂ ਦਿੱਤੀਆਂ ਤੇ ਇਸ ਤਰ੍ਹਾਂ ਦੀ ਭਾਈਚਾਰਿਕ ਸਾਂਝ ਨੂੰ ਬਣਾਈ ਰੱਖਣ ਦੀ ਅਪੀਲ ਕੀਤੀ। ਇਸ ਦੇ ਨਾਲ ਨਵੀਂ ਮਸਜਿਦ ਦਾ ਨੀਂਹ ਪੱਥਰ ਮੁਸਲਿਮ ਭਾਈਚਾਰੇ ਦੇ ਮੋਹਤਬਰਾਂ ਨੇ ਰੱਖਿਆ।
ਇਸ ਮੌਕੇ ਬਾਬਾ ਇਰਫਾਨ ਸਾਬਰੀ, ਫਜ਼ਲਦੀਨ, ਸਰਪੰਚ ਰਾਜਵੀਰ ਸਿੰਘ, ਬੂਟਾ ਖਾਨ, ਯੂਸਫ ਖਾਨ, ਮਨਜੀਤ ਸਿੰਘ ਪੰਚ, ਅਨਿਲ ਕੁਮਾਰ ਪੰਚ, ਸੁਰਿੰਦਰ ਕੌਰ ਪੰਚ, ਨੰਬਰਦਾਰ ਸੁਖਜਿੰਦਰ ਸਿੰਘ, ਪ੍ਰਧਾਨ ਸੰਤ ਸਿੰਘ, ਮਨਪ੍ਰੀਤ ਸਿੰਘ ਬੁੱਟਰ, ਮਨਸਾ ਖਾਂ, ਮੁਸਤਾਕ ਅਲੀ, ਇਕਬਾਲ ਮੁੰਹਮਦ, ਭਾਈ ਲਖਵਿੰਦਰ ਸਿੰਘ ਦਿੱਲੀ, ਭਾਈ ਸਤਵੰਤ ਸਿੰਘ, ਸੁਖਵਿੰਦਰ ਸਿੰਘ, ਰਣਵੀਰ ਸਿੰਘ, ਦਰਸਨ ਸਿੰਘ ਫੇਰੂਰਾਈਂ, ਇੰਦਰ ਖਾਨ ਆਦਿ ਹਾਜ਼ਰ ਸਨ।