ਸੁਰਿੰਦਰ ਕੈਲੇ ‘ਸਾਹਿਤ ਸੰਪਾਦਨ’ ਪੁਰਸਕਾਰ ਨਾਲ ਸਨਮਾਨਿਤ

  ਪ੍ਰੋ. ਪ੍ਰੀਤਮ ਸਿੰਘ ਰਾਹੀ ਯਾਦਗਾਰੀ ‘ਸਾਹਿਤ ਸੰਪਾਦਨ’ ਪੁਰਸਕਾਰ ਅਣੂ ਦੇ ਸੰਪਾਦਕ ਸੁਰਿੰਦਰ ਕੈਲੇ ਨੂੰ ਦਿੱਤਾ ਗਿਆ। ਸਨਮਾਨਿਤ ਕਰਨ ਦੀ ਰਸਮ ਡਾ. ਜੋਗਿੰਦਰ ਸਿੰਘ ਨਰਾਲਾ, ਡਾ. ਸੁਰਜੀਤ ਬਰਾੜ, ਪ੍ਰੋ. ਸੁਰਜੀਤ ਜੱਜ, ਪਵਨ ਹਰਚੰਦਪੁਰੀ, ਹਰਭਜਨ ਸਿੰਘ ਖੇਮਕਰਨੀ, ਰਾਹੁਲ ਰੁਪਾਲ, ਸਾਗਰ ਸਿੰਘ ਸਾਗਰ ਆਦਿ ਨੇ ਸਾਂਝੇ ਤੌਰ ’ਤੇ ਨਿਭਾਈ। ਸ੍ਰੀ ਕੈਲੇ ਨੇ ‘ਅਣੂ’ ਨਾਂ ਦਾ ਮਿਨੀ ਰਸਾਲਾ ਕੋਲਕਾਤਾ ਤੋਂ 1972 ਵਿੱਚ ਕਹਾਣੀਕਾਰ ਗੁਰਪਾਲ ਸਿੰਘ ਲਿੱਟ ਨਾਲ ਮਿਲ ਕੇ ਸ਼ੁਰੂ ਕੀਤਾ ਸੀ। ਪਰਚੇ ਦਾ ਪਹਿਲਾ ਨਾਂ ‘ਅਣੂਰੂਪ’ ਸੀ ਜੋ ਬਾਅਦ ਵਿੱਚ ‘ਅਣੂ’ ਦੇ ਨਾਂ ਥੱਕੇ ਰਜਿਸਟਰਡ ਹੋਇਆ ਸੀ। ਇਸ ਸਾਲ ਪਰਚੇ ਦੀ ਪ੍ਰਕਾਸ਼ਨਾਂ ਦੇ 54 ਸਾਲ ਪੂਰੇ ਹੋ ਗਏ ਹਨ। ਸ੍ਰੀ ਕੈਲੇ ਨੇ ਟਰੱਸਟੀਆਂ ਦਾ ਧੰਨਵਾਦ ਕੀਤਾ। ਪ੍ਰੋ. ਪ੍ਰੀਮਤ ਸਿੰਘ ਰਾਹੀ ਯਾਦਗਾਰੀ ਟਰੱਸਟ ਦੇ ਚੇਅਰਮੈਨ ਡਾ. ਰਾਹੁਲ ਰੂਪਾਲ ਨੇ ਹਾਜ਼ਰ ਲੇਖਕਾਂ ਤੇ ਸਰੋਤਿਆਂ ਦਾ ਧੰਨਵਾਦ ਕੀਤਾ। ਸਮਾਗਮ ਦੀ ਸਮੁੱਚੀ ਕਾਰਵਾਈ ਨੂੰ ਸਾਗਰ ਸਿੰਘ ਸਾਗਰ ਨੇ ਬੜੀਆਂ ਯਾਦਗਾਰ ਘੜੀਆਂ ਦੇ ਹਵਾਲਿਆਂ ਨਾਲ ਸਫਲਤਾਪੂਰਵਕ ਨਿਭਾਇਆ। -ਖੇਤਰੀ ਪ੍ਰਤੀਨਿਧ