ਚੋਣਾਂ ਲਈ ਰਾਖਵਾਂਕਰਨ ਸੂਚੀ ਜਾਰੀ

ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਹਿਮਾਂਸ਼ੂ ਜੈਨ ਵੱਲੋਂ ਪੰਚਾਇਤੀ ਰਾਜ ਐਕਟ 1994 ਦੀ ਧਾਰਾ 102 ਅਤੇ ਪੰਜਾਬ ਪੰਚਾਇਤ ਸਮਿਤੀ ਅਤੇ ਜ਼ਿਲ੍ਹਾ ਪਰਿਸ਼ਦ ਰਾਖਵਾਂਕਰਨ ਰੂਲ 2018 ਦੇ ਨਿਯਮ 3 ਅਨੁਸਾਰ ਮਿਲੇ ਅਧਿਕਾਰਾਂ ਦੀ ਵਰਤੋਂ ਕਰਦਿਆਂ ਰਾਖਵਾਂਕਰਨ ਦੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਸੂਚੀ ਅਨੁਸਾਰ ਰਾਏਕੋਟ ਬਲਾਕ ਦੇ ਪੰਚਾਇਤ ਸਮਿਤੀ ਦੇ ਕੁਲ 25 ਹਲਕਿਆਂ ਵਿੱਚੋਂ ਪੰਜ ਹਲਕੇ ਸੁਧਾਰ, ਅਕਾਲਗੜ੍ਹ, ਰਛੀਨ, ਨੱਥੋਵਾਲ ਅਤੇ ਬਿੰਜਲ ਨੂੰ ਅਨੁਸੂਚਿਤ ਜਾਤੀ ਲਈ ਰਾਖਵਾਂ ਕੀਤਾ ਗਿਆ ਹੈ ਜਦਕਿ 4 ਹਲਕੇ ਤਲਵੰਡੀ ਰਾਏ, ਆਂਡਲੂ, ਬੜੂੰਦੀ ਅਤੇ ਸਹਿਬਾਜ਼ਪੁਰਾ ਹਲਕੇ ਅਨੁਸੂਚਿਤ ਜਾਤੀ ਔਰਤਾਂ ਲਈ ਰਾਖਵੇਂ ਕਰ ਦਿੱਤੇ ਗਏ ਹਨ ਜਦਕਿ 8 ਹਲਕੇ ਹਲਵਾਰਾ, ਐਤੀਆਣਾ, ਜਲਾਲਦੀਵਾਲ, ਬੋਪਾਰਾਏ ਖ਼ੁਰਦ, ਪੱਖੋਵਾਲ, ਟੂਸਾ, ਝੋਰੜਾਂ ਅਤੇ ਗੋਂਦਵਾਲ ਨੂੰ ਔਰਤਾਂ ਲਈ ਰਾਖਵਾਂ ਰੱਖਿਆ ਗਿਆ ਹੈ। ਬੁਰਜ ਹਰੀ ਸਿੰਘ, ਅੱਬੂਵਾਲ, ਡਾਂਗੋਂ, ਲੋਹਟਬੱਦੀ, ਜੌਹਲਾਂ, ਕਲਸੀਆਂ, ਤਾਜਪੁਰ ਅਤੇ ਬੱਸੀਆਂ 8 ਹਲਕੇ ਜਨਰਲ ਰੱਖੇ ਗਏ ਹਨ। ਇਸੇ ਤਰ੍ਹਾਂ ਬਲਾਕ ਡੇਹਲੋਂ ਦੇ ਭੁੱਟਾ, ਕਾਲਖ, ਆਲਮਗੀਰ ਅਤੇ ਸਹਿਜ਼ਾਦ ਹਲਕੇ ਅਨੁਸੂਚਿਤ ਜਾਤੀਆਂ ਲਈ, ਰੁੜਕਾ, ਖ਼ਾਨਪੁਰ ਅਤੇ ਜੱਸੜ ਅਨੁਸੂਚਿਤ ਜਾਤੀ ਔਰਤਾਂ ਲਈ ਰਾਖਵੇਂ ਰੱਖੇ ਗਏ ਹਨ। ਨਾਰੰਗਵਾਲ, ਧਰੌੜ, ਜੱਸੋਵਾਲ, ਕਿਲ੍ਹਾ ਰਾਏਪੁਰ, ਪੋਹੀੜ, ਰੰਗੀਆਂ ਅਤੇ ਲਲਤੋਂ ਕਲਾਂ ਔਰਤਾਂ ਲਈ ਰਾਖਵੇਂ ਹਨ। ਜਸਪਾਲ ਬਾਂਗਰ, ਖੱਟੜਾ ਚੁਹਾਰਮ, ਜਰਖੜ, ਗੁਰਮ, ਡੇਹਲੋਂ ਅਤੇ ਠੱਕਰਵਾਲ ਹਲਕੇ ਜਨਰਲ ਰੱਖੇ ਗਏ ਹਨ। ਉੱਧਰ ਮੁੱਲਾਂਪੁਰ ਬਲਾਕ ਦੇ ਰਾਊਵਾਲ, ਆਲੀਵਾਲ, ਛਪਾਰ, ਮੋਹੀ ਅਤੇ ਬਸੈਮੀ ਅਨੁਸੂਚਿਤ ਜਾਤੀ, ਭੂੰਦੜੀ, ਜਾਂਗਪੁਰ, ਰਕਬਾ, ਸੋਹੀਆਂ ਅਤੇ ਢੋਲਣ ਅਨੁਸੂਚਿਤ ਜਾਤੀ ਔਰਤਾਂ ਲਈ, ਸਲੇਮਪੁਰਾ, ਦਾਖਾ, ਫੱਲੇਵਾਲ, ਢੈਪਈ, ਛੋਕਰਾਂ, ਰੂਮੀ ਅਤੇ ਗੁੜ੍ਹੇ ਔਰਤਾਂ ਲਈ ਰਾਖਵੇਂ ਰੱਖੇ ਗਏ ਹਨ, ਜਦਕਿ ਸਿਧਵਾਂ ਬੇਟ, ਸਵੱਦੀ ਕਲਾਂ, ਮੁੱਲਾਂਪੁਰ, ਮਾਜਰੀ, ਧੂਲਕੋਟ, ਗੁੱਜਰਵਾਲ, ਬੱਦੋਵਾਲ ਅਤੇ ਮਾਨ ਜਨਰਲ ਵਰਗ ਲਈ ਰੱਖੇ ਗਏ ਹਨ।