DT
PT
Subscribe To Print Edition About The Punjabi Tribune Code Of Ethics Download App Advertise with us Classifieds
search-icon-img
search-icon-img
Advertisement

ਬਲਾਕ ਸਮਿਤੀ ਚੋਣਾਂ ਲਈ ਰਾਖਵਾਂਕਰਨ ਸੂਚੀ ਜਾਰੀ

ਮਾਛੀਵਾੜਾ ਦੇ 16 ਜ਼ੋਨਾਂ ’ਚੋਂ 6 ਜਨਰਲ, 6 ਇਸਤਰੀਆਂ ਲਈ ਅਤੇ ਬਾਕੀ ਐੱਸ ਸੀ ਵਰਗ ਲਈ ਰਾਖਵੇਂ

  • fb
  • twitter
  • whatsapp
  • whatsapp
Advertisement

ਪੰਜਾਬ ਵਿੱਚ ਬਲਾਕ ਸਮਿਤੀ ਤੇ ਜ਼ਿਲਾ ਪਰਿਸ਼ਦ ਚੋਣਾਂ ਲਈ ਸਾਰੀਆਂ ਸਿਆਸੀ ਪਾਰਟੀਆਂ ਨੇ ਸਰਗਰਮੀਆਂ ਵਿੱਢੀ ਦਿੱਤੀਆਂ ਹਨ। ਡਿਪਟੀ ਕਮਿਸ਼ਨਰ ਲੁਧਿਆਣਾ ਵੱਲੋਂ ਮਾਛੀਵਾੜਾ ਬਲਾਕ ਦੇ 136 ਪਿੰਡਾਂ ਨੂੰ 16 ਜ਼ੋਨਾਂ ਵਿੱਚ ਵੰਡਿਆ ਗਿਆ ਹੈ ਜਿਨ੍ਹਾਂ ’ਚੋਂ 6 ਜਨਰਲ, 6 ਇਸਤਰੀਆਂ ਲਈ ਰਾਖਵੇਂ ਅਤੇ 4 ਐੱਸ ਸੀ ਵਰਗ ਲਈ ਰਾਖਵੇਂ ਰੱਖੇ ਹਨ। ਡਿਪਟੀ ਕਮਿਸ਼ਨਰ ਵੱਲੋਂ ਜਾਰੀ ਸੂਚੀ ਅਨੁਸਾਰ ਮਾਣੇਵਾਲ, ਜਾਤੀਵਾਲ, ਗਹਿਲੇਵਾਲ, ਸ਼ੇਰਪੁਰ ਬੇਟ, ਬਹਿਲੋਲਪੁਰ ਅਤੇ ਭਰਥਲਾ ਜਨਰਲ ਵਰਗ ਲਈ ਰਾਖਵੇਂ ਹਨ। ਚਕਲੀ ਆਦਲ, ਹਿਯਾਤਪੁਰ, ਮਾਛੀਵਾੜਾ ਖਾਮ, ਰਤੀਪੁਰ, ਕਕਰਾਲਾ ਢਾਹਾ, ਹੇਡੋਂ ਢਾਹਾ ਇਸਤਰੀ ਵਰਗ ਲਈ ਰਾਖਵੇਂ ਰੱਖੇ ਗਏ ਹਨ। ਪੰਜਗਰਾਈਆਂ, ਖੀਰਨੀਆਂ ਦਲਿਤ ਵਰਗ ਜਦਕਿ ਤੱਖਰਾਂ ਤੇ ਹੇਡੋਂ ਬੇਟ ਦਲਿਤ ਇਸਤਰੀ ਵਰਗ ਲਈ ਰਾਖਵੇਂ ਰੱਖੇ ਗਏ ਹਨ। ਮਾਛੀਵਾੜਾ ਬਲਾਕ ਵਿੱਚ ਕੁੱਲ 77,000 ਤੋਂ ਵੱਧ ਵੋਟਰ ਹਨ, ਜਿਨ੍ਹਾਂ ’ਚੋਂ 41,035 ਪੁਰਸ਼ ਅਤੇ 36,736 ਇਸਤਰੀਆਂ ਸ਼ਾਮਲ ਹਨ। ਬਲਾਕ ਸਮਿਤੀ ਚੋਣਾਂ ਲਈ ਸ਼੍ਰੋਮਣੀ ਅਕਾਲੀ ਦਲ, ਆਮ ਆਦਮੀ ਪਾਰਟੀ, ਕਾਂਗਰਸ ਅਤੇ ਭਾਜਪਾ ਵਿੱਚ ਇਸ ਵਾਰ ਚਹੁਕੌਣਾ ਮੁਕਾਬਲਾ ਹੋਵੇਗਾ ਅਤੇ ਸਾਰੀਆਂ ਸਿਆਸੀ ਪਾਰਟੀਆਂ ਵੱਲੋਂ ਯੋਗ ਉਮੀਦਵਾਰਾਂ ਦੀ ਸੂਚੀ ਬਣਾਈ ਜਾ ਰਹੀ ਹੈ।

Advertisement

Advertisement
Advertisement
×