ਨੋ-ਪਾਰਕਿੰਗ: ਨਿਗਮ ਨੇ ਦੋ-ਪਹੀਆ ਵਾਹਨ ਜ਼ਬਤ ਕੀਤੇ : The Tribune India

ਨੋ-ਪਾਰਕਿੰਗ: ਨਿਗਮ ਨੇ ਦੋ-ਪਹੀਆ ਵਾਹਨ ਜ਼ਬਤ ਕੀਤੇ

ਨੋ-ਪਾਰਕਿੰਗ: ਨਿਗਮ ਨੇ ਦੋ-ਪਹੀਆ ਵਾਹਨ ਜ਼ਬਤ ਕੀਤੇ

ਲੁਧਿਆਣਾ ਵਿੱਚ ਬੁੱਧਵਾਰ ਨੂੰ ਸੜਕ ’ਤੇ ਖੜ੍ਹੇ ਦੋ-ਪਹੀਆ ਵਾਹਨ ਜ਼ਬਤ ਕਰਦੇ ਹੋਏ ਨਿਗਮ ਦੇ ਮੁਲਾਜ਼ਮ। -ਫੋਟੋ: ਇੰਦਰਜੀਤ ਵਰਮਾ

ਗਗਨਦੀਪ ਅਰੋੜਾ

ਲੁਧਿਆਣਾ, 30 ਨਵੰਬਰ

ਇੱਥੇ ਦੇ ਦਰੇਸੀ ਇਲਾਕੇ ਵਿੱਚ ਨਗਰ ਨਿਗਮ ਦੀ ਤਹਿਬਾਜ਼ਾਰੀ ਟੀਮ ਨੇ ਸੜਕਾਂ ’ਤੇ ਹੋਏ ਨਾਜਾਇਜ਼ ਕਬਜ਼ੇ ਤੇ ਗਲਤ ਤਰੀਕੇ ਦੇ ਨਾਲ ਖੜ੍ਹੇ ਕੀਤੇ ਗਏ ਮੋਟਰਸਾਈਕਲ ਅਤੇ ਐਕਟਿਵਾ ਵਾਲਿਆਂ ਖ਼ਿਲਾਫ਼ ਕਾਰਵਾਈ ਕੀਤੀ। ਨਗਰ ਨਿਗਮ ਦੀ ਟੀਮ ਨੇ ਸੜਕਾਂ ਦੇ ਫੁੱਟਪਾਥ ’ਤੇ ਖੜ੍ਹੀਆਂ ਰੇਹੜੀਆਂ ਤੇ ਹੋਰ ਸਾਮਾਨ ਜ਼ਬਤ ਕਰ ਲਿਆ।

ਇਸ ਦੇ ਨਾਲ ਹੀ ਸੜਕਾਂ ’ਤੇ ਗਲਤ ਢੰਗ ਨਾਲ ਖੜ੍ਹੇ ਕੀਤੇ ਗਏ ਦੋਪਹੀਆ ਵਾਹਨਾਂ ਨੂੰ ਵੀ ਨਗਰ ਨਿਗਮ ਦੀ ਟੀਮ ਨੇ ਚੁੱਕ ਲਿਆ। ਇਸ ਦੌਰਾਨ ਨਗਰ ਨਿਗਮ ਦੇ ਮੁਲਾਜ਼ਮਾਂ ਦੀ ਲੋਕਾਂ ਦੇ ਨਾਲ ਬਹਿਸ ਵੀ ਹੋਈ ਪਰ ਨਗਰ ਨਿਗਮ ਦੀ ਟੀਮ ਦੇ ਨਾਲ ਪੁਲੀਸ ਪਾਰਟੀ ਸੀ, ਜਿਨ੍ਹਾਂ ਨੇ ਮਾਮਲਾ ਸ਼ਾਂਤ ਕਰਵਾਇਆ।

ਨਗਰ ਨਿਗਮ ਦੀ ਟੀਮ ਨੇ ਸਵੇਰੇ ਨਗਰ ਨਿਗਮ ਦੇ ਜ਼ੋਨ-ਏ ਦੇ ਇਲਾਕੇ ਮੀਨਾ ਬਾਜ਼ਾਰ, ਦਰੇਸੀ ਮਾਰਕੀਟ, ਘਾਹ ਮੰਡੀ, ਮਾਤਾ ਰਾਣੀ ਚੌਕ, ਰੇਖੀ ਸਿਨੇਮਾ ਚੌਕ ਤੇ ਹੋਰਨਾਂ ਥਾਵਾਂ ’ਤੇ ਪੁਲੀਸ ਪਾਰਟੀ ਦੇ ਨਾਲ ਨਾਜਾਇਜ਼ ਕਬਜ਼ੇ ਕਰਨ ਵਾਲਿਆਂ ਖ਼ਿਲਾਫ਼ ਕਾਰਵਾਈ ਕੀਤੀ। ਇਸ ਕਾਰਵਾਈ ਦੀ ਅਗਵਾਈ ਜ਼ੋਨ-ਏ ਦੇ ਜ਼ੋਨਲ ਕਮਿਸ਼ਨਰ ਨੀਰਜ ਜੈਨ ਨੇਕੀਤੀ। ਇਸ ਦੌਰਾਨ ਤਹਿਬਾਜ਼ਾਰੀ ਟੀਮ ਨੇ ਸੜਕਾਂ ’ਤੇ ਖੜ੍ਹੀਆਂ ਨਾਜਾਇਜ਼ ਰੇਹੜੀਆਂ, ਫੜ੍ਹੀਆਂ, ਬੋਰਡਾਂ ਨੂੰ ਕਬਜ਼ੇ ਵਿੱਚ ਲਿਆ। ਤਹਿਬਾਜ਼ਾਰੀ ਟੀਮ ਨੇ ਸੜਕਾਂ ’ਤੇ ਬਿਲਡਿੰਗ ਮੈਟੀਰਿਅਨ ਵਾਲਿਆਂ ਵੱਲੋਂ ਰੱਖਿਆ ਗਿਆ ਰੇਤਾ, ਬਜਰੀ ਤੇ ਇੱਟਾਂ ਵੀ ਜੇਸੀਬੀ ਮਸ਼ੀਨ ਨਾਲ ਚੁਕਵਾ ਕੇ ਕਬਜ਼ੇ ਵਿੱਚ ਲੈ ਲਈਆਂ। ਇਸ ਦੇ ਨਾਲ ਹੀ ਸ਼ਾਮ ਨੂੰ ਜੁਆਇੰਟ ਕਮਿਸ਼ਨਰ ਕੁਲਪ੍ਰੀਤ ਸਿੰਘ ਤੇ ਸਕੱਤਰ ਤਜਿੰਦਰ ਪਾਲ ਸਿੰਘ ਪੰਛੀ ਦੀ ਅਗਵਾਈ ਹੇਠ ਟੀਮ ਨੇ ਈਸਟਮੈਨ ਚੌਕ ਵਿੱਚ ਨਾਜਾਇਜ਼ ਤੌਰ ’ਤੇ ਲੱਗਦੀ ਮੱਛੀ ਮਾਰਕੀਟ ਵੀ ਖਾਲ੍ਹੀ ਕਰਵਾਈ। ਇਸ ਦੌਰਾਨ ਨਗਰ ਨਿਗਮ ਦੇ ਚਾਰੇ ਜ਼ੋਨਾਂ ਦੇ ਸੁਪਰਡੈਂਟ, ਇੰਸਪੈਕਟਰ ਤੇ ਹੋਰ ਮੁਲਾਜ਼ਮਾਂ ਮੌਜੂਦ ਸਨ।

ਸਕੱਤਰ ਤਜਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਇਸ ਮਾਰਕੀਟ ਕਰਕੇ ਇੱਥੋਂ ਲੰਘਣ ਵਾਲੇ ਲੋਕਾਂ ਨੂੰ ਕਾਫ਼ੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦ ਾਸੀ। ਇੱਥੇ ਤਕਰੀਬਨ 20 ਦੇ ਕਰੀਬ ਕਬਜ਼ੇ ਹੋ ਰੱਖੇ ਸਨ, ਜਿਨ੍ਹਾਂ ਨੂੰ ਅੱਜ ਹਟਾ ਦਿੱਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਇਲਾਵਾ ਸ਼ਹਿਰ ਦੇ 33 ਫੁੱਟਾ ਰੋਡ ’ਤੇ ਵੀ 15 ਕਬਜ਼ੇ ਹਟਾਏ ਗਏ ਹਨ। 

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਜ਼ਰੂਰ ਪੜ੍ਹੋ

ਸ਼ਹਿਰ

View All