ਜੋਗਿੰਦਰ ਸਿੰਘ ਓਬਰਾਏ
ਖੰਨਾ, 19 ਅਪਰੈਲ
ਇਥੋਂ ਨੇੜਲੇ ਪਿੰਡ ਭੁਮੱਦੀ ਵਿਖੇ ਸਿਰਫ਼ 50 ਰੁਪਏ ਨਾ ਦੇਣ ਬਦਲੇ ਇਕ ਪਰਵਾਸੀ ਨੇ ਦੂਜੇ ਪਰਵਾਸੀ ਦਾ ਕਤਲ ਕਰ ਦਿੱਤਾ। ਜਾਣਕਾਰੀ ਅਨੁਸਾਰ ਅਭਿਸ਼ੇਕ ਪਿੰਡ ਰਸੂਲਪੁਰ (ਯੂ.ਪੀ) ਨੇ ਪਿੰਡ ਭੁਮੱਦੀ ਵਿਚ ਇਕ ਨਾਈ ਪਾਸੋਂ ਵਾਲ ਕਟਵਾਏ। ਜਦੋਂ ਨਾਈ ਨੇ ਅਭਿਸ਼ੇਕ ਤੋਂ ਕਟਿੰਗ ਦੇ 50 ਰੁਪਏ ਦੀ ਮੰਗ ਕੀਤੀ ਤਾਂ ਅਭਿਸ਼ੇਕ ਨੇ ਪੈਸੇ ਨਾ ਹੋਣ ’ਤੇ ਅਸਮਰੱਥਾ ਜਤਾਈ ਤੇ ਆਪਣੇ ਦੋ ਸਾਥੀ ਬੁਲਾ ਲਏ ਜਿਨ੍ਹਾਂ ਅਭਿਸ਼ੇਕ ਦੇ ਪਿਤਾ ਕ੍ਰਿਸ਼ਨ ਪਾਲ ਦੇ ਸਿਰ ਵਿਚ ਡੰਡੇ ਮਾਰੇ ਜਿਸ ਕਾਰਨ ਕ੍ਰਿਸ਼ਨ ਪਾਲ ਦੀ ਹਸਪਤਾਲ ਲਿਜਾਂਦੇ ਸਮੇਂ ਮੌਤ ਹੋ ਗਈ। ਪੁਲੀਸ ਨੇ ਕਟਾਰੀਆ, ਵਿਕਰਮ ਤੇ ਸੋਨੂੰ ਨੂੰ ਧਾਰਾ-302, 506, 34 ਅਧੀਨ ਗ੍ਰਿਫ਼ਤਾਰ ਕਰਕੇ ਅਗਲੀ ਕਾਰਵਾਈ ਆਰੰਭ ਦਿੱਤੀ ਹੈ।