ਮਨਮਹਿਕ ਕੌਰ ‘ਮਿਸ ਫੇਅਰਵੈੱਲ ਬਣੀ

ਖਾਲਸਾ ਕਾਲਜ ਸਿੱਧਵਾਂ ਖੁਰਦ ਵਿੱਚ ਫੇਅਰਵੈੱਲ ਪਾਰਟੀ

Pattar Parerak

ਮੁੱਲਾਂਪੁਰ ਦਾਖਾ, 05:39 AM May 01, 2026 IST

ਡਾ. ਸਤਿੰਦਰ ਕੌਰ ਜੇਤੂ ਵਿਦਿਆਰਥਣਾਂ ਨੂੰ ਸਨਮਾਨਿਤ ਕਰਦੇ ਹੋਏ।-ਫੋਟੋ: ਢਿੱਲੋਂ

ਖ਼ਾਲਸਾ ਕਾਲਜ ਫਾਰ ਵਿਮੈੱਨ ਸਿੱਧਵਾਂ ਖੁਰਦ ਦੀਆਂ ਆਖ਼ਰੀ ਸਾਲ ਦੀਆਂ ਵਿਦਿਆਰਥਣਾਂ ਲਈ ਫੇਅਰਵੈੱਲ ਪਾਰਟੀ ਕੀਤੀ ਗਈ। ਇਸ ਮੌਕੇ ਪ੍ਰਿੰਸੀਪਲ ਡਾ. ਸਤਿੰਦਰ ਕੌਰ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਡਾ. ਇੰਦਰਜੀਤ ਕੌਰ ਅਤੇ ਵਿਦਿਆਰਥਣ ਗੋਮਸੀ ਨੇ ਮੰਚ ਸੰਚਾਲਕ ਦੀ ਭੂਮਿਕਾ ਨਿਭਾਉਂਦਿਆਂ ਸਭ ਨੂੰ ਜੀ ਆਇਆਂ ਆਖਿਆ। ਇਸ ਮੌਕੇ ‘ਮਿਸ ਫੇਅਰਵੈੱਲ’ ਦਾ ਖਿਤਾਬ ਬੀ ਏ ਦੀ ਵਿਦਿਆਰਥਣ ਮਨਮਹਿਕ ਕੌਰ ਨੇ ਜਿੱਤਿਆ। ਪਹਿਲੀ ਰਨਅਰਅੱਪ ਬੀ ਏ ਬੀ ਐੱਡ ਦੀ ਵਿਦਿਆਰਥਣ ਮਲਿਕਾ ਅਤੇ ਦੂਜੀ ਰਨਅਰਅੱਪ ਬੀ ਏ ਭਾਗ ਤੀਜਾ ਦੀ ਵਿਦਿਆਰਥਣ ਹਰਮਨਦੀਪ ਕੌਰ ਰਹੀ। ਚੋਣ ਦੌਰਾਨ ਜੱਜਮੈਂਟ ਦੀ ਭੂਮਿਕਾ ਡਾ. ਪੁਨੀਤ ਵਧਵਾ, ਪ੍ਰੋ. ਹਰਦੀਪ ਕੌਰ, ਪ੍ਰੋ. ਹਰਵਿੰਦਰ ਕੌਰ ਅਤੇ ਡਾ. ਅਮਨਦੀਪ ਕੌਰ ਨੇ ਨਿਭਾਈ। ਇਸ ਦੌਰਾਨ ਵਿਦਿਆਰਥਣਾਂ ਸੱਭਿਆਚਾਰਕ ਵੰਨਗੀਆਂ ਗੀਤ, ਡਾਂਸ, ਗਰੁੱਪ ਡਾਂਸ ਅਤੇ ਕਵਿਤਾਵਾਂ ਪੇਸ਼ ਕੀਤੀਆਂ। ਸੰਸਥਾ ਦੀ ਪ੍ਰਿੰਸੀਪਲ ਡਾ. ਸਤਿੰਦਰ ਕੌਰ ਨੇ ਵਿਦਿਆਰਥਣਾਂ ਨੂੰ ਚੰਗੇ ਅੰਕ ਪ੍ਰਾਪਤ ਕਰਨ ਲਈ ਉਤਸ਼ਾਹਿਤ ਕੀਤਾ। ਸਮਾਗਮ ਦੇ ਕਨਵੀਨਰ ਡਾ. ਗਗਨਦੀਪ ਧਾਰਨੀ ਅਤੇ ਡਾ. ਇੰਦਰਜੀਤ ਕੌਰ ਸਨ।