ਕੁੰਦਨ ਵਿਦਿਆ ਮੰਦਿਰ ਦੀਆਂ ਸਾਲਾਨਾ ਖੇਡਾਂ ਸ਼ੁਰੂ
ਸੌ ਮੀਟਰ ਦੌੜ ਵਿੱਚ ਪਵਨੀ ਨੇ ਪਹਿਲਾ, ਪ੍ਰਿਸ਼ਾ ਗੁਪਤਾ ਨੇ ਦੂਜਾ ਅਤੇ ਪ੍ਰਿਯੰਕਾ ਜੈਨ ਨੇ ਤੀਜਾ ਸਥਾਨ ਮੱਲਿਅਾ
ਸਥਾਨਕ ਸਿਵਲ ਲਾਈਨ ’ਚ ਪੈਂਦੇ ਕੁੰਦਨ ਵਿਦਿਆ ਮੰਦਿਰ ਦੀਆਂ 81ਵੀਆਂ ਤਿੰਨ ਦਿਨਾਂ ਖੇਡਾਂ ਅੱਜ ਤੋਂ ਸ਼ੁਰੂ ਹੋ ਗਈਆਂ। ਡੀ ਸੀ ਪੀ ਇਨਵੈਸਟੀਗੇਸ਼ਨ ਹਰਪਾਲ ਸਿੰਘ ਨੇ ਸਮਾਗਮ ਵਿੱਚ ਮੁੱਖ ਮਹਿਮਾਨ ਵਜੋਂ ਜਦਕਿ ਕੁੰਦਨ ਲਾਲ ਟਰੱਸਟ ਦੇ ਦੇ ਸਕੱਤਰ ਅਸ਼ਵਨੀ ਕੁਮਾਰ, ਪ੍ਰਿੰਸੀਪਲ ਪੰਕਜ ਜੋਸ਼ੀ ਅਤੇ ਵਾਈਸ ਪ੍ਰਿੰਸੀਪਲ ਪ੍ਰਵੀਨ ਡੰਗ ਨੇ ਉਨ੍ਹਾਂ ਨੂੰ ਨਿੱਘੀ ਜੀ ਆਇਆਂ ਆਖੀ। ਸਮਾਗਮ ਦੇ ਸ਼ੁਰੂ ਵਿੱਚ ਸਕੂਲ ਦੇ ਖਿਡਾਰੀਆਂ ਦੀਆਂ ਪ੍ਰਾਪਤੀਆਂ ਦੀ ਰਿਪੋਰਟ ਪੇਸ਼ ਕੀਤੀ ਗਈ। ਜਿਸ ਵਿੱਚ ਇਹ ਦੱਸਿਆ ਕਿ ਸਕੂਲ ਨੇ ਅੰਤਰ-ਰਾਸ਼ਟਰੀ, ਕੌਮੀ ਅਤੇ ਰਾਜ ਪੱਧਰੀ ਖਿਡਾਰੀ ਪੈਦਾ ਕੀਤੇ ਹਨ। ਮੁੱਖ ਮਹਿਮਾਨ ਹਰਪਾਲ ਸਿੰਘ ਨੇ ਖੇਡਾਂ ਦੀ ਸ਼ੁਰੂਆਤ ਕਰਦਿਆਂ ਖਿਡਾਰੀਆਂ ਨੂੰ ਖੇਡ ਭਾਵਨਾ ਨਾਲ ਖੇਡਣ ਅਤੇ ਬਿਨਾਂ ਜਿੱਤ-ਹਾਰ ਦੇ ਡਰ ਤੋਂ ਆਪਣੀ ਖੇਡ ਪ੍ਰਤਿਭਾ ਦਿਖਾਉਣ ਲਈ ਪ੍ਰੇਰਿਤ ਕੀਤਾ। ਪਹਿਲੇ ਦਿਨ 100, 200, 400 ਮੀਟਰ ਦੌੜ, ਅੜਿੱਕਾ ਦੌੜ, ਰਿਲੇਅ ਦੌੜ ਆਦਿ ਦੇ ਮੁਕਾਬਲੇ ਕਰਵਾਏ ਗਏ। ਪ੍ਰਾਪਤ ਨਤੀਜਿਆਂ ਅਨੁਸਾਰ ਪ੍ਰਾਇਮਰੀ ਵਿੰਗ ਦੀਆਂ ਲੜਕੀਆਂ ਦੀ 100 ਮੀਟਰ ਦੌੜ ਵਿੱਚ ਪਵਨੀ ਨੇ ਪਹਿਲਾ, ਪ੍ਰਿਸ਼ਾ ਗੁਪਤਾ ਨੇ ਦੂਜਾ ਅਤੇ ਪ੍ਰਿਯੰਕਾ ਜੈਨ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਸੀਨੀਅਰ ਵਿੰਗ ਦੀਆਂ ਲੜਕੀਆਂ ਦੀ 1500 ਮੀਟਰ ਦੌੜ ਵਿੱਚ ਨਭੀਆ ਨੇ ਪਹਿਲਾ, ਸਾਨਵੀ ਸ਼ਰਮਾ ਨੇ ਦੂਜਾ ਅਤੇ ਭਾਵਿਆ ਸੇਠ ਨੇ ਤੀਜਾ ਸਥਾਨ, ਲੜਕਿਆਂ ਦੀ 200 ਮੀਟਰ ਦੌੜ ਵਿੱਚ ਅਰੁਸ਼ ਜੋਸ਼ੀ ਨੇ ਪਹਿਲਾ, ਰੇਵੰਸ਼ ਨੇ ਦੂਜਾ ਅਤੇ ਰਿਭਵ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।
:
