ਹਾਕੀ ’ਚ ਜਗਰਾਉਂ, ਸੁਧਾਰ ਅਤੇ ਕਿਲ੍ਹਾ ਰਾਇਪੁਰ ਦੀ ਜੇਤੂ ਸ਼ੁਰੂਆਤ

ਜ਼ਿਲ੍ਹਾ ਪੱਧਰੀ ਪ੍ਰਾਇਮਰੀ ਸਕੂਲ ਖੇਡਾਂ-ਮਿਨੀ ਹੈਂਡਬਾਲ ਅਤੇ 6 -ਏ ਸਾਈਡ ਹਾਕੀ (ਅੰਡਰ - 11 ਸਾਲ) ਅੱਜ ਤੋਂ ਜਰਖੜ ਖੇਡ ਸਟੇਡੀਅਮ ਵਿੱਚ ਸ਼ੁਰੂ ਹੋ ਗਈਆਂ। ਖੇਡਾਂ ਦਾ ਉਦਘਾਟਨ ਸਿੱਖਿਆ ਕ੍ਰਾਂਤੀ ਲੁਧਿਆਣਾ ਦੇ ਕੋਆਰਡੀਨੇਟਰ ਗਿਆਨ ਸਿੰਘ ਵੱਲੋਂ ਰਿਬਨ ਕੱਟ ਕੇ ਕੀਤਾ ਗਿਆ। ਇਸ ਮੌਕੇ ਉੱਘੇ ਸਮਾਜ ਸੇਵੀ ਅਤੇ ਖੇਡ ਪ੍ਰਮੋਟਰ ਜਗਰੂਪ ਸਿੰਘ ਜਰਖੜ ਨੇ ਉਦਘਾਟਨੀ ਸਮਾਗਮ ਦੀ ਪ੍ਰਧਾਨਗੀ ਕੀਤੀ। ਡੀ ਈ ਓ (ਐਲੀਮੈਂਟਰੀ ਸਿੱਖਿਆ) ਡਿੰਪਲ ਮਦਾਨ ਅਤੇ ਡਿਪਟੀ ਡੀ ਈ ਓ ਮਨੋਜ ਕੁਮਾਰ ਦੀ ਅਗਵਾਈ ਹੇਠ ਹੋ ਰਹੀਆਂ ਇਨ੍ਹਾਂ ਖੇਡਾਂ ਵਿੱਚ 19 ਬਲਾਕਾਂ ਦੇ ਲਗਪਗ 500 ਦੇ ਕਰੀਬ ਖਿਡਾਰੀ ਹਿੱਸਾ ਲੈ ਰਹੇ ਹਨ। ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਮਨਜੀਤ ਸਿੰਘ ਗਰੇਵਾਲ ਨੇ ਦੱਸਿਆ ਕਿ ਪਹਿਲੇ ਦਿਨ ਦੀ ਖੇਡ ਵਿੱਚ ਹਾਕੀ ਮੁੰਡਿਆਂ ਦੇ ਮੁਕਾਬਲਿਆਂ ਵਿੱਚ ਜਗਰਾਉਂ ਨੇ ਰਾਮਪੁਰ ਨੂੰ 11-1 ਨਾਲ, ਕਿਲਾ ਰਾਏਪੁਰ ਨੇ ਢੰਡਾਰੀ ਨੂੰ 8-0 ਨਾਲ, ਸੁਧਾਰ ਨੇ ਸੇਕਰਡ ਸਕੂਲ ਲੁਧਿਆਣਾ ਨੂੰ 3-0 ਨਾਲ ਹਰਾਇਆ ਅਤੇ ਹਾਕੀ ਕੁੜੀਆਂ ਦੇ ਮੁਕਾਬਲਿਆਂ ਵਿੱਚ ਪੱਖੋਵਾਲ ਨੇ ਰਾਮਪੁਰ ਨੂੰ 3-0 ਨਾਲ, ਮੁੰਡੀਆਂ ਖੁਰਦ ਨੇ ਬੋਪਾ ਰਾਏ ਕਲਾਂ ਨੂੰ 4-0 ਅਤੇ ਜੀ ਐੱਨ ਐੱਮ ਦੋਰਾਹਾ ਨੇ ਢੰਡਾਰੀ ਨੂੰ 5-0 ਨਾਲ ਹਰਾਇਆ। ਮਿਨੀ ਹੈਂਡਬਾਲ ਲੜਕਿਆਂ ਦੇ ਮੁਕਾਬਲਿਆਂ ਵਿੱਚ ਮੁੰਡੀਆਂ ਕਲਾਂ ਨੇ ਮਾਛੀਵਾੜਾ ਨੂੰ, ਦਿੱਲੀ ਪਬਲਿਕ ਸਕੂਲ ਨੇ ਜੀਸਸ ਸੈਕਰਟ ਹਾਈ ਸਕੂਲ ਲੁਧਿਆਣਾ ਨੂੰ, ਢੰਡਾਰੀ ਕਲਾਂ ਨੇ ਸਰਕਾਰੀ ਪ੍ਰਾਇਮਰੀ ਸਕੂਲ ਅਲੋਡ ਨੂੰ, ਬੀ ਸੀ ਐੱਮ ਸ਼ਾਸਤਰੀ ਨਗਰ ਨੇ ਕਿੰਡਰ ਗਾਰਡਨ ਸਮਰਾਲਾ ਨੂੰ ਹਰਾਇਆ। ਮਿਨੀ ਹੈਂਡਬਾਲ ਲੜਕੀਆਂ ਦੇ ਮੁਕਾਬਲਿਆਂ ਵਿੱਚ ਦਿੱਲੀ ਪਬਲਿਕ ਸਕੂਲ ਨੇ ਕਿੰਡਰ ਗਾਰਟਨ ਸਮਰਾਲਾ ਨੂੰ, ਬੀ ਸੀ ਐੱਮ ਸ਼ਾਸਤਰੀ ਨਗਰ ਨੇ ਡੀ ਏ ਵੀ ਪੱਖੋਵਾਲ ਨੂੰ, ਦ੍ਰਿਸ਼ਟੀ ਨਾਰੰਗਵਾਲ ਨੇ ਅਲਪਾਈਨ ਵੁੱਡ ਸਕੂਲ ਨੂੰ, ਸਰਕਾਰੀ ਪ੍ਰਾਇਮਰੀ ਸਕੂਲ ਅਲੋਡ ਨੇ ਢੰਡਾਰੀ ਨੂੰ ਅਤੇ ਜੀਸਸ ਸੇਕਰਡ ਹਾਈ ਸਕੂਲ ਨੇ ਏਵੀਓਨ ਮਾਛੀਵਾੜਾ ਨੂੰ ਹਰਾਇਆ।

ਇਸ ਮੌਕੇ ਕੰਵਲਜੀਤ ਕੌਰ, ਮਨਿੰਦਰਪਾਲ ਕੌਰ, ਮਨਜੀਤ ਕੌਰ, ਮਨਿੰਦਰਪਾਲ ਸਿੰਘ ਅਤੇ ਇੰਦਰਜੀਤ ਕੌਰ (ਸਾਰੇ ਸੀ ਐੱਚ ਟੀ) ਬਲਾਕ ਖੇਡ ਕਮੇਟੀ ਮੈਂਬਰ ਜਸਵਿੰਦਰ ਸਿੰਘ ਬੁਟਾਹਰੀ, ਪਰਗਟ ਸਿੰਘ ਪੱਦੀ, ਸਤਵੀਰ ਕੌਰ ਪੋਹੀੜ, ਕਮਲੇਸ਼ ਕੌਰ ਬੀ ਐੱਸ ਓ ਡੇਹਲੋਂ-1, ਰਵਿੰਦਰ ਸਿੰਘ ਸਾਇਆ ਖੁਰਦ, ਸਤਵੰਤ ਸਿੰਘ ਪੱਦੀ, ਦਵਿੰਦਰ ਸਿੰਘ ਖਾਨਪੁਰ, ਸੁਖਦੀਪ ਕੌਰ ਜਰਖੜ, ਹਰਕੋਮਲ ਸਿੰਘ ਭੁੱਟਾ, ਗੁਰਜੰਟ ਸਿੰਘ ਬੁਟਾਹਰੀ, ਜਸਵਿੰਦਰ ਸਿੰਘ ਮੁਕੰਦਪੁਰ, ਤੇਜਿੰਦਰ ਸਿੰਘ ਸ਼ੰਕਰ ਆਦਿ ਅਧਿਆਪਕ ਨੇ ਖੇਡਾਂ ਨੂੰ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜ੍ਹਨ ਲਈ ਆਪੋ-ਆਪਣੀਆਂ ਡਿਊਟੀਆਂ ਤਨਦੇਹੀ ਨਾਲ ਨਿਭਾਈਆਂ। ਇਨ੍ਹਾਂ ਖੇਡਾਂ ਦੇ ਸੈਮੀਫਾਈਨਲ ਅਤੇ ਫਾਈਨਲ ਮੁਕਾਬਲੇ 28 ਨਵੰਬਰ ਨੂੰ ਖੇਡੇ ਜਾਣਗੇ।