ਜੋਗਿੰਦਰ ਸਿੰਘ ਓਬਰਾਏ
ਖੰਨਾ, 21 ਅਕਤੂਬਰ
ਅੱਜ ਪੁਲੀਸ ਨੇ ਇਥੋਂ ਦੇ ਨੇੜਲੇ ਪਿੰਡ ਚੱਕ ਸਰਾਏ ਦੀ ਵਸਨੀਕ ਜਸਵਿੰਦਰ ਕੌਰ ਦੀ ਸ਼ਿਕਾਇਤ ’ਤੇ ਵਿਦੇਸ਼ ਭੇਜਣ ਦੇ ਨਾਂ ’ਤੇ 17 ਲੱਖ 55 ਹਜ਼ਾਰ ਦੀ ਠੱਗੀ ਮਾਰਨ ਦੇ ਦੋਸ਼ ਹੇਠ ਤਿੰਨ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਬਲਵੀਰ ਸਿੰਘ ਵਾਸੀ ਹੁਸ਼ਿਆਰਪੁਰ, ਮਨਸਿਮਰਨ ਸਿੰਘ ਚੰਨੀ ਵਾਸੀ ਡਕੋਹਾ ਜਲੰਧਰ ਅਤੇ ਦਲਵਿੰਦਰ ਕੌਰ ਵਾਸੀ ਮਿਲਰਗੰਜ ਲੁਧਿਆਣਾ ਵਜੋਂ ਹੋਈ। ਜਸਵਿੰਦਰ ਕੌਰ ਨੇ ਕਥਿਤ ਦੋਸ਼ੀਆਂ ’ਤੇ ਵੀਜ਼ਾ ਲੈ ਕੇ ਦੇਣ ਦੇ ਨਾਂ ’ਤੇ ਝੂਠੇ ਦਸਤਾਵੇਜ਼ ਪੇਸ਼ ਕਰਨ ਦਾ ਦੋਸ਼ ਵੀ ਲਾਇਆ। ਉਸ ਨੇ ਕਿਹਾ ਕਿ ਮੁਲਜ਼ਮਾਂ ਨੇ 17 ਲੱਖ 55 ਹਜ਼ਾਰ ਰੁਪਏ ਲਏ ਅਤੇ ਗਲਤ ਵੀਜ਼ਾ ਅਪਲਾਈ ਕੀਤਾ।