ਡੀ ਬੀ ਯੂ ਨੇ ਅਮਰੀਕਾ ’ਚ ਕੈਂਪਸ ਬਣਾਇਆ

ਦੇਸ਼ ਭਗਤ ਯੂਨੀਵਰਸਿਟੀ ਨੇ ਉੱਤਰੀ ਅਮਰੀਕਾ ਮਹਾਂਦੀਪ ਸਥਿਤ ਸੇਂਟ ਵਿਨਸੈਂਟ ਅਤੇ ਗ੍ਰੇਨਾਡਾਈਨਜ਼ ਵਿੱਚ ਇੱਕ ਦੂਜਾ ਕੈਂਪਸ ਦੇਸ਼ ਭਗਤ ਯੂਨੀਵਰਸਿਟੀ ਅਮਰੀਕਾਸ ਸਕੂਲ ਆਫ ਮੈਡੀਸਨ ਸਥਾਪਿਤ ਕੀਤਾ ਹੈ। ਇਹ ਨਵਾਂ ਕੈਂਪਸ ਵਿਦਿਆਰਥੀਆਂ ਨੂੰ ਮੈਡੀਕਲ ਡਿਗਰੀ (ਐੱਮ ਬੀ ਬੀ ਐੱਸ ਪ੍ਰੋਗਰਾਮ) ਨੂੰ ਅੱਗੇ ਵਧਾਉਣ ਦਾ ਮੌਕਾ ਪ੍ਰਦਾਨ ਕਰਦਾ ਹੈ।

ਇਸ ਸਬੰਧੀ ਮੀਡੀਆ ਨਾਲ ਗੱਲਬਾਤ ਦੌਰਾਨ ਦੇਸ਼ ਭਗਤ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਹਰਸ਼ ਸਦਾਵਰਤੀ ਨੇ ਕਿਹਾ ਕਿ ਦੇਸ਼ ਭਗਤ ਯੂਨੀਵਰਸਿਟੀ (ਡੀ ਬੀ ਯੂ) ਪੰਜਾਬ ਨੇ ਵਿਦਿਆਰਥੀਆਂ ਲਈ ਅਕਾਦਮਿਕ ਅਤੇ ਵਿਸ਼ਵਵਿਆਪੀ ਮੌਕਿਆਂ ਦਾ ਵਿਸਤਾਰ ਕਰਨ ਦੇ ਉਦੇਸ਼ ਨਾਲ ਦੋ ਪ੍ਰਮੁੱਖ ਵਿਦਿਅਕ ਪਹਿਲਕਦਮੀਆਂ ਕੀਤੀਆਂ ਹਨ। ਇਨ੍ਹਾਂ ਵਿੱਚ ਡੀ ਬੀ ਯੂ ਅਮੇਰਿਕਾਜ਼ ਸਕੂਲ ਆਫ ਮੈਡੀਸਨ ਦੇ ਮੌਜੂਦਾ ਬੈਚ ਲਈ ਚੱਲ ਰਹੇ ਦਾਖ਼ਲੇ, ਐੱਮ ਬੀ ਬੀ ਐੱਸ ਦੇ ਬਰਾਬਰ ਵਿਸ਼ਵ ਪੱਧਰ ’ਤੇ ਮਾਨਤਾ ਪ੍ਰਾਪਤ ਐੱਮ ਡੀ ਪ੍ਰੋਗਰਾਮ ਦੀ ਪੇਸ਼ਕਸ਼ ਅਤੇ ਦੇਸ਼ ਭਗਤ ਐਂਟਰੈਂਸ ਐਂਡ ਸਕਾਲਰਸ਼ਿਪ ਟੈਸਟ (ਡੀ ਬੀ ਈ ਐੱਸ ਟੀ) ਦੀ ਸ਼ੁਰੂਆਤ ਹੈ। ਦੇਸ਼ ਭਗਤ ਯੂਨੀਵਰਸਿਟੀ ਅਮੇਰਿਕਾਜ਼ ਸਕੂਲ ਆਫ ਮੈਡੀਸਨ ਦੇ ਸੰਚਾਲਨ ਨਿਰਦੇਸ਼ਕ ਈ ਆਰ ਅਰੁਣ ਮਲਿਕ ਅਤੇ ਅਮਿਤ ਕੁਕਰੇਜਾ ਨੇ ਕਿਹਾ ਕਿ ਅਤਿ-ਆਧੁਨਿਕ ਬੁਨਿਆਦੀ ਢਾਂਚਾ, ਆਧੁਨਿਕ ਪ੍ਰਯੋਗਸ਼ਾਲਾਵਾਂ ਅਤੇ ਚੰਗੀ ਤਰ੍ਹਾਂ ਲੈਸ ਕਲਾਸਰੂਮ ਇੱਕ ਅਨੁਕੂਲ ਸਿੱਖਣ ਮਾਹੌਲ ਦੀ ਤਲਾਸ਼ ਕਰ ਰਹੇ ਵਿਦਿਆਰਥੀਆਂ ਲਈ ਮਹੱਤਵਪੂਰਨ ਹਨ।