ਚਰਨਜੀਤ ਸਿੰਘ ਢਿੱਲੋਂ
ਜਗਰਾਉਂ, 4 ਅਗਸਤ
ਮਾਝੇ ’ਚ ਜ਼ਹਿਰੀਲੀ ਸ਼ਰਾਬ ਪੀਣ ਨਾਲ ਹੋਈਆਂ ਮੌਤਾਂ ਤੋਂ ਬਾਅਦ ਮਾਲਵਾ, ਦੁਆਬਾ ਸਮੇਤ ਗੁਆਂਢੀ ਸੂਬਿਆਂ ’ਚ ਵੀ ਹਿੱਲਜੁਲ ਸ਼ੁਰੂ ਹੋ ਗਈ ਹੈ। ਅੱਜ ਬਾਅਦ ਦੁਪਹਿਰ ਲੁਧਿਆਣਾ ਦੀ ਦਿਹਾਤੀ ਪੁਲੀਸ ਥਾਣਾ ਸਿੱਧਵਾਂ ਬੇਟ, ਸਦਰ ਜਗਰਾਉਂ, ਥਾਣਾ ਸਹਿਰੀ ਅਤੇ ਸੀਆਈਏ ਦੀ ਪੁਲੀਸ ਨੇ ਐਕਸਸਾਈਜ਼ ਵਿਭਾਗ ਦੇ ਅਮਲੇ ਨਾਲ ਮਿਲਕੇ ਸੱਤਲੁਜ ਕਿਨਾਰੇ ਅਤੇ ਨਾਲ ਲੱਗਦੇ ਸਮੁੱਚੇ ਇਲਾਕੇ ’ਚ ਸਰਚ ਮੁਹਿੰਮ ਕੀਤੀ। ਡੀਐੱਸਪੀ ਦਿਲਬਾਗ ਸਿੰਘ ਬਾਠ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਹ ਸਰਚ ਮੁਹਿੰਮ ਸਫ਼ਲ ਰਹੀ। ਦਰਿਆ ਕਿਨਾਰੇ ਲੱਖਾਂ ਲਿਟਰ, ਕੁਇੰਟਲਾਂ ਦੇ ਹਿਸਾਬ ਦੇਸੀ ਸ਼ਰਾਬ ਤਿਆਰ ਕਰਨ ਵਾਲਾ ਲਾਹਣ ਮਿਲਿਆ ਜਿਸਨੂੰ ਮੌਕੇ ’ਤੇ ਹੀ ਨਸ਼ਟ ਕਰਵਾ ਦਿੱਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਸ਼ਰਾਬ ਲਈ ਤਸਕਰਾਂ ਨੂੰ ਸ਼ਰਾਬ ਬਣਾਉਣ ਲਈ ਗੁੱੜ ਵੇਚਣ ਵਾਲਿਆਂ ਦੀ ਪਛਾਣ ਕਰਕੇ ਉਨ੍ਹਾਂ ਖ਼ਿਲਾਫ਼ ਵੀ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਸ਼ਰਾਬ ਤਸਕਰਾਂ ਨੂੰ ਤਾੜਨਾ ਕੀਤੀ ਕਿ ਘਟੀਆ ਸ਼ਰਾਬ ਵੇਚ ਕੇ ਲੋਕਾਂ ਦੀਆਂ ਕੀਮਤੀ ਜਾਨਾਂ ਨਾਲ ਖੇਡਣਾ ਬੰਦ ਕਰਨ ਨਹੀਂ ਜੇਲਾਂ’ਚ ਜਾਣ ਲਈ ਤਿਆਰ ਰਹਿਣ ਕਿਸੇ ਵੀ ਤਸਕਰ ਨੂੰ ਬਖਸ਼ਿਆ ਨਹੀਂ ਜਾਵੇਗਾ ।