ਬਾਬਾ ਜ਼ੋਰਾਵਰ ਸਕੂਲ ਨੇ ਸੱਤ ਐਵਾਰਡ ਜਿੱਤੇ
ਫੈਡਰੇਸ਼ਨ ਆਫ ਪ੍ਰਾਈਵੇਟ ਸਕੂਲਜ਼ ਐਂਡ ਐਸੋਸੀਏਸ਼ਨ ਆਫ ਪੰਜਾਬ ਵੱਲੋਂ ਫੈਪ ਐਵਾਰਡ 2025 ਚੰਡੀਗੜ੍ਹ ਯੂਨੀਵਰਸਿਟੀ, ਘੜੂੰਆਂ ਵਿੱਚ ਕੀਤਾ ਗਿਆ। ਇਸ ਸਮਾਗਮ ਵਿੱਚ ਬਾਬਾ ਜ਼ੋਰਾਵਰ ਸਿੰਘ ਫਤਹਿ ਸਿੰਘ ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ, ਮੰਜੀ ਸਾਹਿਬ ਕੋਟਾਂ ਨੇ ਬੈਸਟ ਸਕੂਲ ਸਪੋਰਟਸ ਅਚੀਵਮੈਂਟ ਐਵਾਰਡ ਅਤੇ...
ਫੈਡਰੇਸ਼ਨ ਆਫ ਪ੍ਰਾਈਵੇਟ ਸਕੂਲਜ਼ ਐਂਡ ਐਸੋਸੀਏਸ਼ਨ ਆਫ ਪੰਜਾਬ ਵੱਲੋਂ ਫੈਪ ਐਵਾਰਡ 2025 ਚੰਡੀਗੜ੍ਹ ਯੂਨੀਵਰਸਿਟੀ, ਘੜੂੰਆਂ ਵਿੱਚ ਕੀਤਾ ਗਿਆ। ਇਸ ਸਮਾਗਮ ਵਿੱਚ ਬਾਬਾ ਜ਼ੋਰਾਵਰ ਸਿੰਘ ਫਤਹਿ ਸਿੰਘ ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ, ਮੰਜੀ ਸਾਹਿਬ ਕੋਟਾਂ ਨੇ ਬੈਸਟ ਸਕੂਲ ਸਪੋਰਟਸ ਅਚੀਵਮੈਂਟ ਐਵਾਰਡ ਅਤੇ ਬੈਸਟ ਸਕੂਲ ਅਕਾਦਮਿਕ ਐਵਾਰਡ ਦੋਵੇਂ ਹੀ ਆਪਣੇ ਨਾਮ ਕੀਤੇ। ਸਕੂਲ ਪ੍ਰਿੰਸੀਪਲ ਗੁਰਦੀਪ ਸਿੰਘ ਕਾਹਲੋਂ ਨੇ ਦੱਸਿਆ ਕਿ ਫੈਡਰੇਸ਼ਨ ਵੱਲੋਂ ਐਲਾਨੀ ਪੂਰੇ ਪੰਜਾਬ ਦੇ ਟਾਪ 50 ਸਕੂਲਾਂ ਦੀ ਰੈਂਕਿੰਗ ਵਿੱਚ ਵੀ ਸਕੂਲ ਨੇ ਪਹਿਲੀ ਕਤਾਰ ਵਿੱਚ ਆਪਣਾ ਸਥਾਨ ਬਣਾਇਆ ਹੈ, ਜੋ ਸਮੂਹ ਪਰਿਵਾਰ ਲਈ ਮਾਣ ਦੀ ਗੱਲ ਹੈ। ਅਕਾਦਮਿਕ ਖੇਤਰ ਵਿੱਚ ਦਸਵੀਂ ਦੇ ਦੋ ਮੈਰਿਟ ਹੋਲਡਰ ਵਿਦਿਆਰਥੀ ਅਰਸ਼ਦੀਪ ਕੌਰ ਅਤੇ ਨਵਦੀਪ ਸਿੰਘ ਨੇ ਬੋਰਡ ਦੇ ਪੇਪਰਾਂ ਵਿੱਚ 97% ਤੋਂ ਵੱਧ ਅੰਕ ਹਾਸਲ ਕਰਕੇ ਪ੍ਰਾਈਡ ਆਫ਼ ਇੰਡੀਆ (ਅਕਾਦਮਿਕ ਕੈਟਾਗਰੀ) ਤਹਿਤ ਐਵਾਰਡ ਹਾਸਲ ਕੀਤੇ। ਇਸੇ ਤਰ੍ਹਾਂ ਸਕੂਲ ਡੀ ਪੀ ਈ ਗੁਰਵਿੰਦਰ ਸਿੰਘ ਦੀ ਅਗਵਾਈ ਹੇਠ ਜਸ਼ਨਦੀਪ, ਹਰਮਨਦੀਪ ਸਿੰਘ ਚੀਮਾਂ ਅਤੇ ਜਤਿੰਦਰ ਸਿੰਘ ਨੇ ਸਟੇਟ ਅਤੇ ਨੈਸ਼ਨਲ ਪੱਧਰ ’ਤੇ ਫੁੱਟਬਾਲ ਖੇਡ ਵਿੱਚ ਪ੍ਰਾਈਡ ਆਫ਼ ਇੰਡੀਆ (ਸਪੋਰਟਸ ਕੈਟਾਗਰੀ) ਐਵਾਰਡ ਜਿੱਤੇ।

