ਪੱਤਰ ਪ੍ਰੇਰਕ
ਜਗਰਾਉਂ, 2 ਜੁਲਾਈ
ਪੰਜਾਬ, ਪੰਜਾਬੀਅਤ ਦੀ ਝੂਠੀ ਹਮਦਰਦੀ ਜਾਹਿਰ ਕਰਨ ਵਾਲੇ ਅਕਾਲੀ ਕਿਸਾਨ,ਮਜ਼ਦੂਰ ਅਤੇ ਸੂਬਿਆਂ ਲਈ ਹਾਨੀ ਪਹੁੰਚਾਉਣ ਵਾਲੇ ਆਰਡੀਨੈਸਾਂ ਦਾ ਖੁੱਲ੍ਹ ਕੇ ਵਿਰੋਧ ਕਰਨ ਤੋਂ ਪੈਰ ਖਿੱਚਣ ਲੱਗੇ ਹਨ। ਇਹ ਪ੍ਰਗਟਾਵਾ ਸਾਬਕਾ ਮੰਤਰੀ ਤੇ ਵਿਧਾਨ ਸਭਾ ਹਲਕਾ ਜਗਰਾਉਂ ਦੇ ਇੰਚਾਰਜ ਮਲਕੀਤ ਸਿੰਘ ਦਾਖਾ ਨੇ ਸ਼ਹਿਰ ਵਿੱਚ ਵਿਕਾਸ ਦੇ ਅਰੰਭੇ ਪ੍ਰਾਜੈਕਟਾਂ ਬਾਰੇ ਚਾਨਣਾ ਪਾਉਣ ਸਮੇਂ ਕੀਤਾ । ਊਨ੍ਹਾਂ ਕਿਹਾ ਕਿ ਅਕਾਲੀਆਂ ਨੇ ਪੰਜਾਬੀਆਂ ਨਾਲ ਦਗਾ ਕੀਤਾ ਹੈ। ਊਨ੍ਹਾਂ ਕਿਹਾ ਕਿ ਆਪਣੇ ਕਾਰਜਕਾਲ ਦੌਰਾਨ ਨਿੱਜੀ ਅਦਾਰਿਆਂ ਨਾਲ ਬਿਜਲੀ ਸਮਝੌਤੇ ਕਰ, ਕੇਂਦਰ ਤੋਂ ਲਏ ਕਰਜ਼ੇ ਦੀ ਪੰਡ ਭਾਰੀ ਕਰਨ, ਦੇਸ਼ ਦੇ ਲੋਕਾਂ ’ਤੇ ਕਰੋੜਾਂ ਰੁਪਏ ਦਾ ਭਾਰੀ ਬੋਝ ਪਾਉਣ ਵਾਲੀ ਅਕਾਲੀ ਪਾਰਟੀ ਦੀ ਅਸਲੀਅਤ ਦਾ ਭਾਂਡਾ ਕੇਂਦਰ ਦੀਆਂ ਲੋਕ ਮਾਰੂ ਨੀਤੀਆਂ ਨੇ ਅਤੇ ਅਕਾਲੀਆਂ ਵੱਲੋਂ ਉਨਾਂ ਦੇ ਹੱਕ ਵਿੱਚ ਭੁੱਗਤਣ ਨੇ ਉਜਾਗਰ ਕਰ ਦਿੱਤਾ ਹੈ । ਊਨ੍ਹਾਂ ਕਿਹਾ ਕਿ ਪੰਜਾਬ ਦੇ ਲੋਕ ਅਕਾਲੀਆਂ ਦੀਆਂ ਕੋਝੀਆਂ ਹਰਕਤਾਂ ਨੂੰ ਸਮਝ ਗਏ ਹਨ । ਇਸ ਮੌਕੇ ਸਤਿੰਦਰਪਾਲ ਸਿੰਘ ਗਰੇਵਾਲ, ਤਜਿੰਦਰ ਸਿੰਘ ਨੰਨੀ, ਗੋਪਾਲ ਸ਼ਰਮਾ ਹਾਜ਼ਰ ਸਨ ।