ਛੇ ਕਿਲੋ ਹੈਰੋਇਨ ਅਤੇ ਨਾਜਾਇਜ਼ ਅਸਲੇ ਸਣੇ 10 ਕਾਬੂ

ਐੱਸ ਐੱਸ ਪੀ ਡਾ. ਦਰਪਣ ਆਹਲੂਵਾਲੀਆ ਨੇ ਦੱਸਿਆ ਕਿ ਪੁਲੀਸਟੀਮ ਨੇ 6 ਜਨਵਰੀ ਨੂੰ ਅੰਗਰੇਜ਼ ਸਿੰਘ ਵਾਸੀ ਕੀੜੀ ਬੋਤਲ ਤਰਨਤਾਰਨ ਅਤੇ ਜਸ਼ਨਪ੍ਰੀਤ ਸਿੰਘ ਵਾਸੀ ਭਾਈਰੂਪਾ ਬਠਿੰਡਾ ਨੂੰ 5 ਕਿਲੋ 20 ਗ੍ਰਾਮ ਹੈਰੋਇਨ ਸਣੇ ਗ੍ਰਿਫ਼ਤਾਰ ਕੀਤਾ ਸੀ। ਪੁੱਛ ਪੜਤਾਲ ਦੌਰਾਨ ਪਤਾ ਲੱਗਿਆ ਕਿ ਉਨ੍ਹਾਂ ਹਰਸ਼ਦੀਪ ਸਿੰਘ ਵਾਸੀ ਦੀਵਾਲਾ ਸਮਰਾਲਾ ਅਤੇ ਪ੍ਰਭਜੋਤ ਸਿੰਘ ਉਰਫ਼ ਪ੍ਰਭ ਵਾਸੀ ਕਟਾਣੀ ਖੁਰਦ ਲੁਧਿਆਣਾ ਨੂੰ ਹੈਰੋਇਨ ਸਪਲਾਈ ਕੀਤੀ ਸੀ। ਪੁਲੀਸ ਨੇ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰਨ ਮਗਰੋਂ ਪੁੱਛ ਪੜਤਾਲ ਦੇ ਆਧਾਰ ’ਤੇ ਗੁਰਤੇਜ ਸਿੰਘ ਉਰਫ਼ ਗੁਰੀ ਵਾਸੀ ਅੰਮ੍ਰਿਤਸਰ, ਸੁਨੀਲ ਕੁਮਾਰ ਉਰਫ਼ ਬਚੀ ਵਾਸੀ ਸਮਰਾਲਾ, ਅਮਰੀਕ ਸਿੰਘ ਉਰਫ਼ ਵਿੱਕੀ ਮਰਾਡੋ ਵਾਸੀ ਲੁਧਿਆਣਾ, ਕੁਵਰਵੀਰ ਸਿੰਘ ਵਾਸੀ ਲੁਧਿਆਣਾ, ਮਨਪ੍ਰੀਤ ਚੌਧਰੀ ਉਰਫ਼ ਭੀਮਾ ਵਾਸੀ ਦੋਰਾਹਾ, ਅਨਮੋਲ ਸਿੰਘ ਉਰਫ਼ ਆਕਾਸ਼ ਵਾਸੀ ਕਟਾਣੀ ਖੁਰਦ, ਆਕਾਸ਼ਦੀਪ ਸਿੰਘ ਵਾਸੀ ਕਟਾਣੀ, ਪਰਮਵੀਰ ਸਿੰਘ ਉਰਫ਼ ਪਰਮ ਵਾਸੀ ਸਮਰਾਲਾ, ਪ੍ਰਭਜੋਤ ਸਿੰਘ ਵਾਸੀ ਮਾਛੀਵਾੜਾ ਸਾਹਿਬ, ਕਾਲਾ ਬਾਬਾ ਵਾਸੀ ਕਪੂਰਥਲਾ, ਅਰਸ਼ਦੀਪ ਸਿੰਘ ਵਾਸੀ ਕਪੂਰਥਲਾ, ਸਨੀ ਵਾਸੀ ਅਮਲੋਹ, ਸ਼ਰਨਜੀਤ ਸਿੰਘ, ਲਵ ਉਰਫ਼ ਕਾਲੂ ਵਾਸੀ ਜਗਰਾਓ ਨੂੰ ਨਾਮਜ਼ਦ ਕੀਤਾ ਗਿਆ, ਜਿਨ੍ਹਾਂ ਵਿੱਚੋਂ 10 ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ ਅਤੇ ਬਾਕੀਆਂ ਦੀ ਭਾਲ ਜਾਰੀ ਹੈ। ਮੁਲਜ਼ਮ ਸੁਨੀਲ ਕੁਮਾਰ ਤੇ ਗੁਰਤੇਜ ਸਿੰਘ ਕੋਲੋਂ ਦੋ ਪਿਸਤੌਲ, 95 ਗ੍ਰਾਮ ਹੈਰੋਇਨ, ਦੋ ਲੱਖ ਰੁਪਏ ਦੀ ਡਰੱਗ ਮਨੀ ਅਤੇ ਮਨਪ੍ਰੀਤ ਚੌਧਰੀ ਕੋਲੋਂ 100 ਗ੍ਰਾਮ ਹੈਰੋਇਨ ਬਰਾਮਦ ਹੋਈ।

ਇਸੇ ਦੌਰਾਨ ਸੂਹ ਦੇ ਆਧਾਰ ’ਤੇ ਗੁਰਮੀਤ ਸਿੰਘ ਵਾਸੀ ਓਡਾ ਬਸਤੀ ਫਾਜ਼ਿਲਕਾ ਨੂੰ ਬਾਈਪਾਸ ਚੰਡੀਗੜ੍ਹ ਰੋਡ ਸਮਰਾਲਾ ਦੇ ਬੱਸ ਅੱਡੇ ਤੋਂ ਇੱਕ ਕਿਲੋ ਹੈਰੋਇਨ ਸਣੇ ਗ੍ਰਿਫ਼ਤਾਰ ਕੀਤਾ।