Advertisement
ਸ਼ਾਹਕੋਟ ਦੇ ਇਕ ਕਾਲਜ ਵਿਚ ਪੜ੍ਹਦੀ ਲੜਕੀ ਨੂੰ ਦੋਸਤੀ ਲਈ ਮਜਬੂਰ ਕਰਨ ਵਾਲੇ ਲੜਕੇ ਨੇ ਲੜਕੀ ਉੱਪਰ ਪਿਸਤੌਲ ਤਾਣ ਦਿੱਤਾ। ਪੀੜਤ ਲੜਕੀ ਨੇ ਸ਼ਾਹਕੋਟ ਪੁਲੀਸ ਨੂੰ ਦਿੱਤੀ ਦਰਖਾਸਤ ਵਿਚ ਦੱਸਿਆ ਕਿ ਉਹ ਇੱਥੋ ਦੇ ਕਾਲਜ ਵਿਚ ਬੀ.ਏ ਫਾਈਨਲ ਦੀ ਵਿਦਿਆਰਥਣ ਹੈ।
ਉਹ ਜਦੋਂ ਪੇਪਰ ਦੇ ਕੇ ਕਾਲਜ ਵਿਚੋ ਬਾਹਰ ਆਈ ਤਾਂ ਉਸਦੇ ਨਾਲ ਹੀ ਪੜ੍ਹਦੇ ਪਿੰਡ ਮਾਣਕਪੁਰ ਦੇ ਲੜਕੇ ਨੇ ਉਸ ਨੂੰ ਜਬਰੀ ਰੋਕ ਕੇ ਉਸ ਉੱਪਰ ਪਿਸਤੌਲ ਤਾਣ ਦਿਤੀ। ਲੜਕੇ ਨੇ ਉਸ ਨੂੰ ਗਾਲੀ ਗਲੋਚ ਕਰਦਿਆਂ ਜਾਨੋ ਮਾਰਨ ਦੀਆਂ ਧਮਕੀਆਂ ਵੀ ਦਿਤੀਆਂ।
Advertisement
ਲੜਕੀ ਵੱਲੋਂ ਰੌਲਾ ਪਾਉਣ ’ਤੇ ਕਾਲਜ ਸਟਾਫ ਦੇ ਆਉਂਦਿਆਂ ਹੀ ਲੜਕਾ ਫਰਾਰ ਹੋ ਗਿਆ। ਜਾਂਚ ਅਧਿਕਾਰੀ ਏ.ਐਸ.ਆਈ ਤੀਰਥ ਰਾਮ ਘਟਨਾ ਦੀ ਜਾਂਚ ਕਰ ਰਹੇ ਹਨ। ਥਾਣਾ ਸ਼ਾਹਕੋਟ ਵਿਚ ਮਾਣਕਪੁਰ ਦੇ ਲੜਕੇ ਖਿਲਾਫ ਮੁਕੱਦਮਾ ਨੰਬਰ 145 ਦੀ ਧਾਰਾ 74, 126 (2) 351 (3) ਬੀ.ਐਨ.ਐਸ ਅਤੇ 25(1-ਸੀ)/27.54.59 ਅਸਲਾ ਐਕਟ (354, 341 ਅਤੇ 506) ਆਈ.ਪੀ.ਸੀ ਤਹਿਤ ਦਰਜ ਕੀਤਾ ਗਿਆ ਹੈ।
Advertisement
Advertisement
×

