ਦੋ ਨਸ਼ਾ ਤਸਕਰ ਗ੍ਰਿਫ਼ਤਾਰ, 28 ਕਿੱਲੋ ਗਾਂਜਾ ਬਰਾਮਦ

ਪੱਤਰ ਪ੍ਰੇਰਕ ਨਵੀਂ ਦਿੱਲੀ, 19 ਜੂਨ ਦਿੱਲੀ ਪੁਲੀਸ ਨੇ ਡਰੱਗ ਸਿੰਡੀਕੇਟ ਦਾ ਪਰਦਾਫਾਸ਼ ਕੀਤਾ ਜਿਸ ਵੱਲੋਂ ਰੇਲ ਗੱਡੀਆਂ ਵਿੱਚ ਗਾਂਜੇ ਦੀ ਤਸਕਰੀ ਕੀਤੀ ਜਾਂਦੀ ਸੀ। ਦਿੱਲੀ ਪੁਲੀਸ ਨੇ ਦਵਾਰਕਾ ਸੈਕਟਰ 18 ਵਿੱਚ ਬੀਐੱਸਈਐੱਸ ਦਫਤਰ ਦੇ ਨੇੜੇ 24 ਸਾਲਾ ਮੰਜੂ ਹੁਸੈਨ...

Rohit

04:30 AM Jun 20, 2025 IST

ਪੱਤਰ ਪ੍ਰੇਰਕ

ਨਵੀਂ ਦਿੱਲੀ, 19 ਜੂਨ

ਦਿੱਲੀ ਪੁਲੀਸ ਨੇ ਡਰੱਗ ਸਿੰਡੀਕੇਟ ਦਾ ਪਰਦਾਫਾਸ਼ ਕੀਤਾ ਜਿਸ ਵੱਲੋਂ ਰੇਲ ਗੱਡੀਆਂ ਵਿੱਚ ਗਾਂਜੇ ਦੀ ਤਸਕਰੀ ਕੀਤੀ ਜਾਂਦੀ ਸੀ। ਦਿੱਲੀ ਪੁਲੀਸ ਨੇ ਦਵਾਰਕਾ ਸੈਕਟਰ 18 ਵਿੱਚ ਬੀਐੱਸਈਐੱਸ ਦਫਤਰ ਦੇ ਨੇੜੇ 24 ਸਾਲਾ ਮੰਜੂ ਹੁਸੈਨ ਅਤੇ ਰਕੀਬ ਮੀਆਂ ਨੂੰ ਗ੍ਰਿਫਤਾਰ ਕੀਤਾ। ਉਹ ਦਿੱਲੀ ਅਤੇ ਨੋਇਡਾ ਵਿੱਚ ਐਪ-ਅਧਾਰਤ ਬਾਈਕ ਟੈਕਸੀ ਡਰਾਈਵਰ ਸਨ। ਉਹ ਬੰਗਲਾਦੇਸ਼ ਸਰਹੱਦ ’ਤੇ ਸ਼ੁਰੂ ਹੋਏ ਨਸ਼ੀਲੇ ਪਦਾਰਥਾਂ ਦੀ ਵੰਡ ਨੈੱਟਵਰਕ ਵਿੱਚ ਮੁੱਖ ਸਰੋਤ ਸਨ। ਪੁਲੀਸ ਨੇ ਉਨ੍ਹਾਂ ਦੇ ਕਬਜ਼ੇ ਵਿੱਚੋਂ 28.781 ਕਿਲੋਗ੍ਰਾਮ ਗਾਂਜਾ ਬਰਾਮਦ ਕੀਤਾ ਜੋ ਵੱਡੇ ਥੈਲਿਆਂ ਵਿੱਚ ਪੈਕ ਕੀਤਾ ਗਿਆ ਸੀ। ਦੋਵਾਂ ਨੇ ਖੁਲਾਸਾ ਕੀਤਾ ਕਿ ਇਹ ਖੇਪ ਪੱਛਮੀ ਬੰਗਾਲ ਦੇ ਕੂਚ ਬਿਹਾਰ ਤੋਂ ਭੇਜੀ ਗਈ ਸੀ। ਕੂਚ ਬਿਹਾਰ ਤੋਂ ਇੱਕ ਲੰਬੀ ਦੂਰੀ ਦੀ ਰੇਲਗੱਡੀ ਵਿੱਚ ਕਾਰ ਪੈਂਟਰੀ ਵਿੱਚ ਆਟੇ ਦੀਆਂ ਬੋਰੀਆਂ ਜਾਂ ਮਸਾਲਿਆਂ ਵਿੱਚ ਉਹ ਨਸ਼ੀਲਾ ਪਦਾਰਥ ਰੱਖ ਕੇ ਲਿਆਉਂਦੇ ਸਨ।