ਪ੍ਰਭੂ ਦਿਆਲ
ਸਿਰਸਾ, 24 ਜਨਵਰੀ
ਜੱਟ ਭਾਈਚਾਰਾ ਵੈੱਲਫੇਅਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸੰਤ ਪ੍ਰਕਾਸ਼ ਸਿੰਘ ਦੇ ਪੁੱਤਰ ਫਤਹਿਜੀਤ ਸਿੰਘ ਦੀ ਮੰਗਣੀ ਅਮਨਜੀਤ ਕੌਰ ਨਾਲ ਕਿਸਾਨੀ ਰੰਗ ’ਚ ਹੋਈ। ਸਾਰੇ ਮਹਿਮਾਨਾਂ ਦੇ ਹੱਥ ਕਿਸਾਨ ਏਕਤਾ ਦੇ ਝੰਡੇ ਸਨ। ਇਸ ਮੌਕੇ ’ਤੇ ਕਿਸਾਨ ਆਗੂ ਲਖਵਿੰਦਰ ਸਿੰਘ ਸਿਰਸਾ ਭਾਰਤੀ ਕਿਸਾਨ ਏਕਤਾ ਦੇ ਝੰਡੇ ਲੈ ਕੇ ਪੁੱਜੇ ਅਤੇ ਸਾਰੇ ਮਹਿਮਾਨਾਂ ਨੇ ਆਪਣੇ ਹੱਥਾਂ ਵਿੱਚ ਝੰਡਾ ਲੈ ਕੇ ਬੱਚਿਆਂ ਨੂੰ ਆਸ਼ੀਰਵਾਦ ਦਿੱਤਾ। ਇਸ ਦੌਰਾਨ ਸਾਰਾ ਹਾਲ ਕਿਸਾਨੀ ਝੰਡਿਆਂ ਅਤੇ ਕਿਸਾਨੀ ਗੀਤਾਂ ਨਾਲ ਗੂੰਜ ਉੱਠਿਆ। ਜੱਟ ਭਾਈਚਾਰਾ ਵੈਲਫੇਅਰ ਐਸੋਸੀਏਸ਼ਨ ਦੇ ਸਾਰੇ ਮੈਬਰਾਂ ਨੇ ਆਪਣੇ ਹੱਥਾਂ ਵਿੱਚ ਕਿਸਾਨੀ ਝੰਡੇ ਲੈ ਕੇ ਬੱਚਿਆਂ ਨੂੰ ਅਸ਼ੀਰਵਾਦ ਦਿੱਤਾ ਅਤੇ ਪੂਰੇ ਪਰਿਵਾਰ ਨੂੰ ਵਧਾਈ ਦਿੱਤੀ।
ਇਸ ਮੌਕੇ ਉੱਤੇ ਮੰਗਣੀ ਵਾਲੇ ਮੁੰਡੇ ਅਤੇ ਕੁੜੀ ਨੇ ਵੀ ਆਪਣੇ ਹੱਥ ਵਿੱਚ ਕਿਸਾਨੀ ਝੰਡਾ ਫੜ ਕੇ ਮੰਗਣੀ ਕਰਵਾਈ।