ਪ੍ਰਭੂ ਦਿਆਲ
ਸਿਰਸਾ, 23 ਫਰਵਰੀ
ਸੰਯੁਕਤ ਕਿਸਾਨ ਮੋਰਚਾ ਦੇ ਆਗੂ ਬਲਬੀਰ ਸਿੰਘ ਰਾਜੇਵਾਲਾ ਨੇ ਕਿਹਾ ਹੈ ਕਿ ਕੇਂਦਰ ਸਰਕਾਰ ਖੇਤੀ ਕਾਨੂੰਨਾਂ ਵਿੱਚ ਕਾਲਾ ਕੀ ਹੈ, ਪੁੱਛ ਰਹੀ ਹੈ ਪਰ ਕਾਨੂੰਨਾਂ ਵਿੱਚ ਚਿੱਟਾ ਕੀ ਹੈ ਦਸ ਨਹੀਂ ਰਹੀ। ਖੇਤੀ ਕਾਨੂੰਨਾਂ ਨੂੰ ਰੱਦ ਕੀਤੇ ਬਿਨਾਂ ਕਿਸਾਨ ਦਿੱਲੀ ਤੋਂ ਨਹੀਂ ਮੁੜਣਗੇ। ਇਸ ਅੰਦੋਲਨ ਨੂੰ ਹਰ ਪਾਸਿਓਂ ਸਹਿਯੋਗ ਮਿਲ ਰਿਹਾ ਹੈ। ਉਹ ਅੱਜ ਇਥੇ ਦੁਸਹਿਰਾ ਮੈਦਾਨ ਵਿੱਚ ‘ਪੱਗੜੀ ਸੰਭਾਲ’ ਦਿਵਸ ਮੌਕੇ ਕਿਸਾਨਾਂ ਦੇ ਵੱਡੇ ਇਕੱਠ ਨੂੰ ਸੰਬੋਧਨ ਕਰ ਰਹੇ ਸਨ। ਇਸ ਸਮਾਗਮ ਨੂੰ ਮਨਜੀਤ ਧਨੇਰ, ਰੂਲਦੂ ਸਿੰਘ ਮਾਨਸਾ, ਸ਼ਹੀਦ ਭਗਤ ਸਿੰਘ ਦੇ ਭਾਣਜੇ ਪ੍ਰੋ. ਜਗਮੋਹਨ ਸਿੰਘ, ਜੋਗਿੰਦਰ ਸਿੰਘ ਉਗਰਾਹਾਂ, ਕੁਲਵੰਤ ਸੰਧੂ, ਜੋਗਿੰਦਰ ਨੈਨ, ਦਿਲਬਾਗ ਸਿੰਘ ਹੁੱਡਾ ਸਮੇਤ ਕਈ ਸਥਾਨਕ ਨੇਤਾਵਨਾਂ ਨੇ ਸੰਬੋਧਨ ਕੀਤਾ।