ਸਿਰਸਾ: ਪੁੱਤ ਨੇ ਮਾਂ ਤੇ ਉਸ ਦੇ ਪ੍ਰੇਮੀ ਦੀ ਹੱਤਿਆ ਕੀਤੀ

ਇਥੋਂ ਦੇ ਪਿੰਡ ਸਿਕੰਦਰਪੁਰ ਨੇੜੇ ਥੇੜ੍ਹ ’ਤੇ ਦੇਰ ਰਾਤ ਨੌਜਵਾਨ ਨੇ ਆਪਣੀ ਮਾਂ ਤੇ ਉਸ ਦੇ ਕਥਿਤ ਪ੍ਰੇਮੀ ਦਾ ਕਤਲ ਕਰ ਦਿੱਤਾ। ਵਾਰਦਾਤ ਨੂੰ ਅੰਜਾਮ ਦੇਣ ਮਗਰੋਂ ਮੁਲਜ਼ਮ ਅੱਜ ਸਵੇਰੇ ਦੋਵੇਂ ਲਾਸ਼ਾਂ ਪਿਕਅੱਪ ਵਾਹਨ ’ਚ ਰੱਖ ਕੇ ਥਾਣੇ ਪਹੁੰਚ...

prabhu dayal

ਸਿਰਸਾ, 05:47 AM Nov 29, 2025 IST

ਇਥੋਂ ਦੇ ਪਿੰਡ ਸਿਕੰਦਰਪੁਰ ਨੇੜੇ ਥੇੜ੍ਹ ’ਤੇ ਦੇਰ ਰਾਤ ਨੌਜਵਾਨ ਨੇ ਆਪਣੀ ਮਾਂ ਤੇ ਉਸ ਦੇ ਕਥਿਤ ਪ੍ਰੇਮੀ ਦਾ ਕਤਲ ਕਰ ਦਿੱਤਾ। ਵਾਰਦਾਤ ਨੂੰ ਅੰਜਾਮ ਦੇਣ ਮਗਰੋਂ ਮੁਲਜ਼ਮ ਅੱਜ ਸਵੇਰੇ ਦੋਵੇਂ ਲਾਸ਼ਾਂ ਪਿਕਅੱਪ ਵਾਹਨ ’ਚ ਰੱਖ ਕੇ ਥਾਣੇ ਪਹੁੰਚ ਗਿਆ। ਪੁਲੀਸ ਨੇ ਲਾਸ਼ਾਂ ਕਬਜ਼ੇ ’ਚ ਲੈ ਕੇ ਪੋਸਟਮਾਰਟਮ ਲਈ ਸਰਕਾਰੀ ਹਸਪਤਾਲ ਭਿਜਵਾ ਦਿੱਤੀਆਂ ਤੇ ਮੁਲਜ਼ਮ ਨੂੰ ਹਿਰਾਸਤ ’ਚ ਲੈ ਲਿਆ ਹੈ। ਮ੍ਰਿਤਕਾਂ ਦੀ ਪਛਾਣ ਅੰਗੂਰੀ ਦੇਵੀ (50) ਤੇ ਲੇਖ ਰਾਜ ਵਜੋਂ ਹੋਈ ਹੈ। ਮੁਲਜ਼ਮ ਦੀ ਪਛਾਣ ਰਾਜ ਕੁਮਾਰ ਵਜੋਂ ਦੱਸੀ ਗਈ ਹੈ।ਡੀ ਐੱਸ ਪੀ ਰਾਜੇਸ਼ ਕੁਮਾਰ ਨੇ ਦੱਸਿਆ ਕਿ ਅੰਗੂਰੀ ਦੇਵੀ ਪਿੰਡ ਸਿਕੰਦਰਪੁਰ ਦੇ ਥੇੜ੍ਹ ’ਤੇ ਰਹਿੰਦੀ ਸੀ, ਜਿਸ ਦੇ ਲੇਖ ਰਾਜ ਨਾਲ ਕਥਿਤ ਨਾਜਾਇਜ਼ ਸਬੰਧ ਸਨ। ਨਾਜਾਇਜ਼ ਸਬੰਧਾਂ ਦਾ ਪਤਾ ਲੱਗਣ ’ਤੇ ਰਾਜ ਕੁਮਾਰ ਆਪਣੀ ਮਾਂ ਨੂੰ ਇਸ ਤੋਂ ਵਰਜਦਾ ਸੀ। ਲੰਘੀ ਦੇਰ ਰਾਤ ਉਸ ਨੇ ਆਪਣੀ ਮਾਂ ਤੇ ਉਸ ਦੇ ਕਥਿਤ ਪ੍ਰੇਮੀ ਦੀ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ ਤੇ ਅੱਜ ਸਵੇਰੇ ਪਿਕਅੱਪ ਗੱਡੀ ’ਤੇੇ ਦੋਵੇਂ ਲਾਸ਼ਾਂ ਲੈ ਕੇ ਸਦਰ ਥਾਣੇ ’ਚ ਪੇਸ਼ ਹੋ ਗਿਆ ਤੇ ਕਤਲ ਦਾ ਜੁਰਮ ਕਬੂਲ ਕਰ ਲਿਆ ਹੈ।