ਨੌਜਵਾਨ ਦੀ ਹੱਤਿਆ

ਇੱਥੇ ਤੀਰਥ ਨਗਰ ਲਾਗੇ ਰੇਲਵੇ ਲਾਈਨਾਂ ਦੇ ਨੇੜੇ ਇੱਕ ਨੌਜਵਾਨ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ। ਉਸ ਦੇ ਮੂੰਹ ਵਿੱਚ ਫੈਵੀਕੋਲ ਪਾ ਕੇ ਕੱਪੜਾ ਪਾ ਦਿੱਤਾ ਅਤੇ ਦਰੱਖਤ ਨਾਲ ਬੰਨ੍ਹਣ ਮਗਰੋਂ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ। ਮ੍ਰਿਤਕ ਦੀ...

ਯਮੁਨਾਨਗਰ, 04:46 AM Mar 02, 2026 IST

ਇੱਥੇ ਤੀਰਥ ਨਗਰ ਲਾਗੇ ਰੇਲਵੇ ਲਾਈਨਾਂ ਦੇ ਨੇੜੇ ਇੱਕ ਨੌਜਵਾਨ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ। ਉਸ ਦੇ ਮੂੰਹ ਵਿੱਚ ਫੈਵੀਕੋਲ ਪਾ ਕੇ ਕੱਪੜਾ ਪਾ ਦਿੱਤਾ ਅਤੇ ਦਰੱਖਤ ਨਾਲ ਬੰਨ੍ਹਣ ਮਗਰੋਂ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ। ਮ੍ਰਿਤਕ ਦੀ ਪਛਾਣ ਨਹੀਂ ਹੋ ਸਕੀ। ਪੁਲੀਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮ੍ਰਿਤਕ ਦੀ ਇੱਕ ਜੁੱਤੀ ਲਾਸ਼ ਤੋਂ ਕੁਝ ਦੂਰੀ ’ਤੇ ਪਈ ਮਿਲੀ, ਜਦੋਂ ਕਿ ਇੱਕ ਦੁਪੱਟਾ ਲਾਸ਼ ਦੇ ਦੂਜੇ ਪਾਸੇ ਪਿਆ ਸੀ, ਪਰ ਨੌਜਵਾਨ ਦੇ ਮੂੰਹ ਵਿੱਚ ਪਾਇਆ ਗਿਆ ਦੁੱਪਟਾ ਚਿੱਟਾ ਸੀ। ਅਜਿਹਾ ਲੱਗਦਾ ਹੈ ਕਿ ਨੌਜਵਾਨ ਦਾ ਕਤਲ ਕਿਤੇ ਹੋਰ ਕੀਤਾ ਗਿਆ ਸੀ ਅਤੇ ਬਾਅਦ ਵਿੱਚ ਲਾਸ਼ ਨੂੰ ਇੱਥੇ ਲਿਆ ਕੇ ਸੁੱਟ ਦਿੱਤਾ ਗਿਆ ਸੀ। ਜਾਣਕਾਰੀ ਅਨੁਸਾਰ ਨੌਜਵਾਨ ਦੀ ਬਾਂਹ ’ਤੇ ਰਾਜੀਵ ਲਿਖਿਆ ਹੋਇਆ ਹੈ। ਪੁਲੀਸ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਭੇਜ ਦਿੱਤਾ ਹੈ। ਅਧਿਕਾਰੀਆਂ ਅਨੁਸਾਰ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।