ਫੋਰਮ ਵੱਲੋਂ ਉਪ ਕੁਲਪਤੀ ਨੂੰ ਸਹਿਯੋਗ ਦਾ ਭਰੋਸਾ
ਸੀਨੀਅਰ ਸਿਟੀਜ਼ਨ ਫੋਰਮ ਦੀ ਚੌਧਰੀ ਰਣਵੀਰ ਸਿੰਘ ’ਵਰਸਿਟੀ ਦੇ ਉਪ ਕੁਲਪਤੀ ਨਾਲ ਮੁਲਾਕਾਤ
ਸੀਨੀਅਰ ਸਿਟੀਜ਼ਨ ਫੋਰਮ ਦੇ ਅਹੁਦੇਦਾਰਾਂ ਅਤੇ ਕਾਰਜਕਾਰੀ ਮੈਂਬਰਾਂ ਨੇ ਚੌਧਰੀ ਰਣਵੀਰ ਸਿੰਘ ਯੂਨੀਵਰਸਿਟੀ ਦੇ ਉਪ ਕੁਲਪਤੀ ਪ੍ਰੋ. ਰਾਮਪਾਲ ਸੈਣੀ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ। ਫੋਰਮ ਦੇ ਮੈਂਬਰਾਂ ਨੇ ਉਪ ਕੁਲਪਤੀ ਰਾਮਪਾਲ ਸੈਣੀ ਨੂੰ ਮਿਲੀ ਨਵੀਂ ਜ਼ਿੰਮੇਵਾਰੀ ਲਈ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਉਨ੍ਹਾਂ ਦੇ ਸਫ਼ਲ ਕਾਰਜਕਾਲ ਲਈ ਵਧਾਈ ਦਿੱਤੀ।
ਸਵਾਗਤੀ ਪ੍ਰੋਗਰਾਮ ਤਹਿਤ ਸੀਨੀਅਰ ਸਿਟੀਜ਼ਨ ਫੋਰਮ ਦੇ ਪ੍ਰਧਾਨ ਡਾ. ਏ ਕੇ ਚਾਵਲਾ ਨੇ ਯੂਨੀਵਰਸਿਟੀ ਨੂੰ ਪੂਰਾ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ ਤੇ ਕਿਹਾ ਕਿ ਸਮਾਜ ਹਿੱਤ, ਸਿੱਖਿਆ, ਸੰਸਕਾਰ ਅਤੇ ਜਨ-ਕਲਿਆਣ ਨਾਲ ਜੁੜੇ ਕਿਸੇ ਵੀ ਕੰਮ ਲਈ ਸੀਨੀਅਰ ਸ਼ਿਟੀਜ਼ਨ ਫੋਰਮ ਹਰ ਤਰ੍ਹਾਂ ਤੋਂ ਯੂਨੀਵਰਸਿਟੀ ਨਾਲ ਮੋਢੇ ਨਾਲ ਮੋਢਾ ਮਿਲਾ ਕੇ ਖੜ੍ਹਾ ਰਹੇਗਾ। ਇਸ ਮੌਕੇ ਜਨਰਲ ਸਕੱਤਰ ਐੱਸ ਪੀ ਭਾਰਦਵਾਜ, ਸੀਨੀਅਰ ਉਪ ਪ੍ਰਧਾਨ ਪੀ ਸੀ ਜੈਨ, ਸਹਿ-ਸਕੱਤਰ ਸੁਭਾਸ਼ ਪਾਹਵਾ, ਡਾ. ਮਹਾਂਵੀਰ ਮਿੱਤਲ, ਉਸ਼ਾ ਚਾਵਲਾ, ਵਰਿੰਦਰ ਲਾਠਰ, ਜੋਗਿੰਦਰ ਪਾਹਵਾ, ਇਸਵਰਦੱਤ ਕੌਸ਼ਿਕ ਅਤੇ ਰਾਜ ਕੁਮਾਰ ਸੇਤੀਆ ਆਦਿ ਹਾਜ਼ਰ ਹਨ। ਉਨ੍ਹਾਂ ਨੇ ਕਿਹਾ ਕਿ ਸਮਾਜ ਅਤੇ ਸਿੱਖਿਆ ਦਾ ਵਿਕਾਸ ਸਾਡੇ ਸਾਰਿਆਂ ਦੀ ਸਾਮੂਹਿਕ ਜਿੰਮੇਵਾਰੀ ਹੈ।
