ਪੱਤਰ ਪ੍ਰੇਰਕ
ਟੋਹਾਣਾ, 25 ਨਵੰਬਰ
ਦਿੱਲੀ-ਫਿਰੋਜ਼ਪੁਰ ਰੇਲ ਮਾਰਗ ’ਤੇ ਪਿਛਲੇ ਲੰਬੇ ਸਮੇਂ ਤੋਂ ਚਲ ਰਹੀਆਂ ਮੇਲ ਗੱਡੀਆਂ ਫ਼ਿਰੋਜ਼ਪੁਰ ਤੋਂ ਮੁੰਬਈ ਜਨਤਾ ਐਕਸਪ੍ਰੈੱਸ ਤੇ ਫ਼ਿਰੋਜਪੁਰ ਤੋਂ ਜੀਂਦ ਵਿਚਕਾਰ ਚਲਣ ਵਾਲੀ ਪੈਸੰਜਰ ਗੱਡੀ ਕਰੋਨਾ ਮਹਾਮਾਰੀ ਦੌਰਾਨ ਬੰਦ ਕੀਤੀਆਂ ਗਈਆਂ ਸਨ। ਵਪਾਰੀਆਂ, ਕਰਮਚਾਰੀਆਂ ਤੇ ਜਨਸਾਧਾਰਨ ਪਰਿਵਾਰਾਂ ਲਈ ਲਾਹੇਬੰਦ ਸਫ਼ਰ ਵਾਲੀਆਂ ਦੋਵੇਂ ਗੱਡੀਆਂ ਹਮੇਸ਼ਾਂ ਲਈ ਬੰਦ ਕੀਤੇ ਜਾਣ ਤੇ ਵਪਾਰੀ ਜਥੇਬੰਦੀਆਂ ਦੇ ਕਰਮਚਾਰੀਆਂ, ਵਿਦਿਆਰਥੀਆਂ ਨੇ ਗੱਡੀਆਂ ਦੁਬਾਰਾ ਚਾਲੂ ਕਰਨ ਦੀ ਮੰਗ ਕੀਤੀ ਹੈ। ਟੋਹਾਣਾ ਰੇਲਵੇ ਸ਼ਟੇਸਨ ਮਾਸਟਰ ਦੇਸਰਾਜ ਮੀਣਾ ਨੇ ਦੋਵੇਂ ਗੱਡੀਆਂ ਬਾਰੇ ਦੱਸਿਆ ਕਿ ਪੱਕੇ ਤੌਰ ’ਤੇ ਬੰਦ ਕਰਨ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਵਪਾਰੀ ਜਥੇਬੰਦੀਆਂ ਨੇ ਰੇਲਵੇ ਮੰਤਰੀ ਤੋਂ ਮੰਗ ਕੀਤੀ ਹੈ ਕਿ ਰੇਲਾਂ ਦੀ ਬਹਾਲੀ ਕੀਤੀ ਜਾਏ।