ਏ ਆਈ ਐੱਸ ਏ ਵੱਲੋਂ ਖ਼ਜ਼ਾਨਚੀ ਸਣੇ ਕਈ ਅਹੁਦਿਆਂ ’ਤੇ ਕਬਜ਼ਾ

ਆਲ ਇੰਡੀਆ ਸਟੂਡੈਂਟਸ ਐਸੋਸੀਏਸ਼ਨ (ਏ ਆਈ ਐੱਸ ਏ) ਵੱਲੋਂ ਏ ਯੂ ਡੀ ਐੱਸ ਸੀ 2026 ਦੀਆਂ ਚੋਣਾਂ ਦੇ ਪਹਿਲੇ ਪੜਾਅ ਵਿੱਚ 17 ਸੀਟਾਂ ਜਿੱਤੀਆਂ ਗਈਆਂ ਹਨ। ਇਸ ਤੋਂ ਬਾਅਦ ਤੇ ਏ ਯੂ ਡੀ ਦੁਆਰਾ ਬੁਲਾਏ ਗਏ ਸੰਯੁਕਤ ਪ੍ਰਗਤੀਸ਼ੀਲ ਬੈਨਰ ਹੇਠ ਕੁੱਲ 23 ਸੀਟਾਂ ਦੇ ਨਾਲ, ਪੜਾਅ ਦੋ ਦੀਆਂ ਚੋਣਾਂ ਕੌਂਸਲ ਵਿੱਚ ਮੌਜੂਦ ਪ੍ਰਮੁੱਖ ਤਾਕਤਾਂ ਵਿਚਕਾਰ ਇੱਕ ਸਖ਼ਤ ਮੁਕਾਬਲੇ ਵੱਲ ਵੱਧ ਗਈਆਂ ਹਨ।

ਏ ਆਈ ਐਸ ਏ ਨੇ ਪਹਿਲੀ ਵਾਰ ਇਸ ਚੋਣ ਵਿੱਚ ਕੇਂਦਰੀ ਤਾਲਮੇਲ ਕਮੇਟੀ ਵਿੱਚ ਪ੍ਰਵੇਸ਼ ਕੀਤਾ ਹੈ, ਜੋ ਕਿ ਪਹਿਲੇ ਪੜਾਅ ਦੀਆਂ ਚੋਣਾਂ ਵਿੱਚ ਵਿਦਿਆਰਥੀਆਂ ਦੇ ਫਤਵੇ ਦਾ ਪ੍ਰਤੀਕ ਹੈ। ਏ ਆਈ ਐਸ ਏ ਨੇ ਕਰਮਪੁਰਾ ਕੈਂਪਸ ਵਿੱਚ ਤਾਲਮੇਲ ਕਮੇਟੀ ਅਤੇ ਖਜ਼ਾਨਚੀ ਦੇ ਸਾਰੇ ਅਹੁਦਿਆਂ ’ਤੇ ਕਬਜ਼ਾ ਕਰ ਲਿਆ ਹੈ। ਐਮ ਏ ਪਰਫਾਰਮੈਂਸ ਸਟੱਡੀਜ਼ ਦੇ ਕੌਂਸਲਰ ਵਿਵੇਕ ਨੂੰ ਏ ਯੂ ਡੀ ਐਸ ਸੀ-ਕੇਪੀ ਖਜ਼ਾਨਚੀ ਚੁਣਿਆ ਗਿਆ ਹੈ, ਅਤੇ ਏ ਯੂ ਡੀ ਐਸ ਸੀ ਵਿੱਚ ਏ ਆਈ ਐਸ ਏ ਦੇ ਉਹ ਪਹਿਲੇ ਖਜ਼ਾਨਚੀ ਹਨ। ਏ ਆਈ ਐਸ ਏ ਨੇ ਤਾਲਮੇਲ ਕਮੇਟੀ ਦੇ ਸਾਰੇ ਅਹੁਦੇ ਵੀ ਜਿੱਤ ਲਏ ਹਨ, ਜਿਨ੍ਹਾਂ ਵਿੱਚ ਮ੍ਰਿਣਾਲਿਨੀ ਅਤੇ ਮੰਤਾਸ਼ਾ, ਅਦਵਿਤਿਆ ਅਤੇ ਰਾਨੀਆ ਅਤੇ ਸੌਰਭ ਸ਼ਾਮਲ ਹਨ ਖੱਬੇ ਪੱਖੀ ਧਿਰ ਨੇ ਕਿਹਾ ਕਿ ਅਖਿਲ ਭਾਰਤੀ ਵਿਦਿਆਰਥੀ ਪਰਿਸ਼ਦ (ਏਬੀਵੀਪੀ) ਇੱਕ ਵਾਰ ਫਿਰ ਵਿਦਿਆਰਥੀ ਸਮਰਥਨ ਇਕੱਠਾ ਕਰਨ ਵਿੱਚ ਅਸਫ਼ਲ ਰਹੀ, ਜਿਸ ਦਾ ਨਤੀਜਾ ਹੈ ਕਿ ਫੇਜ਼-1 ਚੋਣਾਂ ਵਿੱਚ ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਰੱਦ ਕਰਨ ਦੇ ਨਤੀਜੇ ਵਜੋਂ ਸਿਰਫ 2 ਸੀਟਾਂ ਮਿਲੀਆਂ। ਐਸ ਐਸ ਆਈ ਜੋ ਪਿਛਲੀਆਂ ਤਿੰਨ ਚੋਣਾਂ ਵਿੱਚ ਖਜ਼ਾਨਚੀ ਅਤੇ ਸੀ ਸੀ ਸੀਟਾਂ ਲਈ ਇੱਕਪਾਸੜ ਤੌਰ ’ਤੇ ਚੁਣੀ ਗਈ ਸੀ, ਕੇ ਪੀ ਵਿੱਚ ਏ ਆਈ ਐਸ ਏ ਤੋਂ ਸਾਰੀਆਂ ਸੀਟਾਂ ਹਾਰ ਗਈ।