ਪੰਜਾਬੀਆਂ ਦਾ ਸੁਭਾਅ ਦਿਲਦਾਰ: ਅਰਬਾਜ਼ ਖ਼ਾਨ

ਅਦਾਕਾਰ ਨੇ ਟੀ ਵੀ ਸ਼ੋਅ ਦੀ ਸ਼ੂਟਿੰਗ ਸ਼ੁਰੂ ਕੀਤੀ

Pattar Parerak

ਭਵਾਨੀਗੜ੍ਹ, 05:04 AM Apr 04, 2026 IST

ਭਵਾਨੀਗੜ੍ਹ ਵਿੱਚ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਅਦਾਕਾਰ ਅਰਬਾਜ਼ ਖਾਨ।

ਬੌਲੀਵੁੱਡ ਅਦਾਕਾਰ ਅਰਬਾਜ਼ ਖਾਨ ਨੇ ਕਿਹਾ ਕਿ ਪੰਜਾਬੀਆਂ ਦਾ ਸੁਭਾਅ ਦਿਲਦਾਰ ਅਤੇ ਖਾਣਾ ਮਜ਼ੇਦਾਰ ਹੁੰਦਾ ਹੈ। ਉਹ ਇੱਥੇ ਹੈਰੀਟੇਜ ਪਬਲਿਕ ਸਕੂਲ ਵਿੱਚ ਆਪਣੇ ਨਵੇਂ ਟੀ ਵੀ ਸ਼ੋਅ ‘ਪੜ੍ਹੋ, ਜਿੱਤੋ, ਬਣੋ ਲੱਖਪਤੀ’ ਦੀ ਸ਼ੂਟਿੰਗ ਕਰਨ ਆਏ ਹਨ। ਅਰਬਾਜ਼ ਖਾਨ ਨੇ ਅੱਜ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਇਸ ਟੀ ਵੀ ਸ਼ੋਅ ਜ਼ਰੀਏ ਸਕੂਲਾਂ ਖ਼ਾਸ ਕਰ ਕੇ ਸਰਕਾਰੀ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਆਪਣਾ ਹੁਨਰ ਦਿਖਾਉਣ ਦਾ ਮੌਕਾ ਮਿਲੇਗਾ। ਉਹ ਪੰਜਾਬ ਦੇ ਕੁਦਰਤੀ ਦ੍ਰਿਸ਼ਾਂ ਅਤੇ ਪੰਜਾਬੀਆਂ ਦੇ ਖੁੱਲ੍ਹੇ ਦਿਲ ਵਾਲੇ ਸੁਭਾਅ ਦੇ ਕਾਇਲ ਹਨ। ਇਸੇ ਕਰ ਕੇ ਉਨ੍ਹਾਂ ਇਸ ਸ਼ੋਅ ਲਈ ਪੂਰੇ ਦੇਸ਼ ਭਰ ਵਿੱਚ ਸ਼ੂਟਿੰਗ ਕਰਨ ਦੀ ਸ਼ੁਰੂਆਤ ਪੰਜਾਬ ਤੋਂ ਕੀਤੀ ਹੈ। ਇਸ ਮੌਕੇ ਉਨ੍ਹਾਂ ਨਾਲ ਡਾ. ਜਸਵੀਰ ਸਿੰਘ ਸਣੇ ਪੂਰੀ ਟੀਮ ਹਾਜ਼ਰ ਸੀ। ਸਕੂਲ ਦੇ ਚੇਅਰਮੈਨ ਅਨਿਲ ਕਾਂਸਲ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ।