‘ਅਨਅਕਸਟਮਡ ਅਰਥ’ ’ਚ ਮੁੱਖ ਕਿਰਦਾਰ ਨਿਭਾਏਗੀ ਫ਼ਰੀਦਾ ਪਿੰਟੋ

PTI

ਲਾਸ ਏਂਜਲਸ, 06:05 AM Jul 19, 2025 IST

ਭਾਰਤੀ ਅਦਾਕਾਰਾ ਫ਼ਰੀਦਾ ਪਿੰਟੋ ‘ਅਨਅਕਸਟਮਡ ਅਰਥ’ ਨਾਂ ਦੀ ਸੀਰੀਜ਼ ਵਿੱਚ ਮੁੱਖ ਕਿਰਦਾਰ ਵਿੱਚ ਨਜ਼ਰ ਆਵੇਗੀ। ਇਹ ਸੀਰੀਜ਼ ਝੁੰਪਾ ਲਹਿਰੀ ਦੇ ਲਘੂ ਕਹਾਣੀ ਸੰਗ੍ਰਹਿ ’ਤੇ ਆਧਾਰਿਤ ਹੈ। ਨੈੱਟਫਲਿਕਸ ਨੇ ਅੱਠ ਐਪੀਸੋਡਜ਼ ਵਾਲੀ ਇਸ ਸੀਰੀਜ਼ ਦਾ ਅਪਰੈਲ ਵਿੱਚ ਐਲਾਨ ਕੀਤਾ ਸੀ। ‘ਸਲੱਮਡੌਗ ਮਿਲੇਨੀਅਰ’, ‘ਰਾਈਜ਼ ਆਫ ਦਿ ਪਲੈਨੇਟ ਆਫ ਦਿ ਏਪਸ’, ‘ਯੂ ਵਿੱਲ ਮੀਟ ਏ ਟਾਲ ਡਾਰਕ ਸਟ੍ਰੇਂਜਰ’ ਅਤੇ ‘ਲਵ ਸੋਨੀਆ’ ਵਰਗੀਆਂ ਫਿਲਮਾਂ ਲਈ ਮਸ਼ਹੂਰ ਪਿੰਟੋ ਇਸ ਸੀਰੀਜ਼ ਵਿੱਚ ਪਾਰੁਲ ਚੌਧਰੀ ਦੀ ਭੂਮਿਕਾ ਨਿਭਾਏਗੀ। ਇਹ ਸੀਰੀਜ਼ ਜੌਨ ਵੈੱਲਜ਼ ਵੱਲੋਂ ਮਾਧੂਰੀ ਸ਼ੇਕਰ ਨਾਲ ਰਲ ਕੇ ਲਿਖੀ ਜਾਵੇਗੀ। ਜੌਨ ਵੈੱਲਜ਼ ਅਮਰੀਕੀ ਸ਼ੋਅ ‘ਸ਼ੇਮਲੈੱਸ’, ‘ਅਗਸਤ: ਓਸੇਜ ਕਾਊਂਟੀ’ ਅਤੇ ‘ਬਰਨਟ’ ਵਰਗੀਆਂ ਫਿਲਮਾਂ ਦੇ ਨਿਰਦੇਸ਼ਨ ਲਈ ਮਸ਼ਹੂਰ ਹੈ। ਇਸੇ ਤਰ੍ਹਾਂ ‘ਦਿ ਲੰਚਬਾਕਸ’ ਅਤੇ ‘ਫੋਟੋਗ੍ਰਾਫ’ ਦੇ ਨਿਰਦੇਸ਼ਕ ਰਿਤੇਸ਼ ਬੱਤਰਾ ਪਹਿਲੇ ਅਤੇ ਦੂਜੇ ਐਪੀਸੋਡਾਂ ਦਾ ਨਿਰਦੇਸ਼ਨ ਕਰਨਗੇ। ਬੱਤਰਾ ਅਤੇ ਨਿਸ਼ਾ ਗਣਤਰਾ ਫਿਲਮ ਦੇ ਕਾਰਜਕਾਰੀ ਨਿਰਮਾਤਾ ਹੋਣਗੇ। ਇਹ ਸੀਰੀਜ਼ ਵਾਰਨਰ ਬ੍ਰਦਰਜ਼ ਟੈਲੀਵਿਜ਼ਨ ਦੇ ਬੈਨਰ ਹੇਠ ਰਿਲੀਜ਼ ਹੋਵੇਗੀ।

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News