Explainer: ਸੱਟਾਂ, ਚੁਣੌਤੀਆਂ ਤੇ ਜਿੱਤਾਂ: 2025 ’ਚ ਭਾਰਤੀ ਐਥਲੈਟਿਕਸ ਦੀ ਸ਼ਾਨਦਾਰ ਉਡਾਣ
ਸਾਲ 2025 ਭਾਰਤੀ ਐਥਲੈਟਿਕਸ ਲਈ ਖੱਟਾ-ਮਿੱਠਾ ਰਿਹਾ, ਜਿੱਥੇ ਸਟਾਰ ਜੈਵਲਿਨ ਥਰੋਅਰ ਨੀਰਜ ਚੋਪੜਾ ਨੇ ਦੋਹਾ ਡਾਇਮੰਡ ਲੀਗ ਵਿੱਚ 90.23 ਮੀਟਰ ਦੀ ਥਰੋਅ ਸੁੱਟ ਕੇ ਆਪਣਾ ਪੁਰਾਣਾ ਸੁਪਨਾ ਪੂਰਾ ਕੀਤਾ ਅਤੇ ਭਾਰਤ ਦਾ ਨਾਂ ਰੌਸ਼ਨ ਕੀਤਾ। ਨੀਰਜ ਲਈ ਇਹ ਸਾਲ ਨਿੱਜੀ...
ਸਾਲ 2025 ਭਾਰਤੀ ਐਥਲੈਟਿਕਸ ਲਈ ਖੱਟਾ-ਮਿੱਠਾ ਰਿਹਾ, ਜਿੱਥੇ ਸਟਾਰ ਜੈਵਲਿਨ ਥਰੋਅਰ ਨੀਰਜ ਚੋਪੜਾ ਨੇ ਦੋਹਾ ਡਾਇਮੰਡ ਲੀਗ ਵਿੱਚ 90.23 ਮੀਟਰ ਦੀ ਥਰੋਅ ਸੁੱਟ ਕੇ ਆਪਣਾ ਪੁਰਾਣਾ ਸੁਪਨਾ ਪੂਰਾ ਕੀਤਾ ਅਤੇ ਭਾਰਤ ਦਾ ਨਾਂ ਰੌਸ਼ਨ ਕੀਤਾ।
ਨੀਰਜ ਲਈ ਇਹ ਸਾਲ ਨਿੱਜੀ ਤੌਰ ’ਤੇ ਵੀ ਖਾਸ ਰਿਹਾ ਕਿਉਂਕਿ ਉਨ੍ਹਾਂ ਨੇ ਟੈਨਿਸ ਖਿਡਾਰਨ ਹਿਮਾਨੀ ਮੋਰ ਨਾਲ ਹਿਮਾਚਲ ਪ੍ਰਦੇਸ਼ ਵਿੱਚ ਵਿਆਹ ਕਰਵਾ ਲਿਆ। ਹਾਲਾਂਕਿ, ਟੋਕੀਓ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਪਿੱਠ ਦੀ ਤਕਲੀਫ ਕਾਰਨ ਉਹ ਅੱਠਵੇਂ ਸਥਾਨ ’ਤੇ ਰਹੇ, ਪਰ ਨੌਜਵਾਨ ਸਚਿਨ ਯਾਦਵ ਨੇ ਚੌਥਾ ਸਥਾਨ ਹਾਸਲ ਕਰਕੇ ਭਵਿੱਖ ਦੀ ਨਵੀਂ ਉਮੀਦ ਜਗਾਈ।
ਦੂਜੇ ਪਾਸੇ, ਭਾਰਤ ਨੇ ਖੇਡਾਂ ਦੀ ਮੇਜ਼ਬਾਨੀ ਵਿੱਚ ਵੱਡੀਆਂ ਪੁਲਾਂਘਾਂ ਪੁੱਟੀਆਂ ਅਤੇ ਅਹਿਮਦਾਬਾਦ ਵਿੱਚ 2031 ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ ਕਰਵਾਉਣ ਲਈ ਦਾਅਵੇਦਾਰੀ ਪੇਸ਼ ਕੀਤੀ।
ਦੂਜੇ ਪਾਸੇ, ਡੋਪਿੰਗ ਦੀ ਸਮੱਸਿਆ ਨੇ ਸਾਲ ਭਰ ਭਾਰਤੀ ਖੇਡ ਜਗਤ ਦਾ ਪਿੱਛਾ ਨਹੀਂ ਛੱਡਿਆ।
ਓਲੰਪੀਅਨ ਸ਼ਿਵਪਾਲ ਸਿੰਘ ਅਤੇ ਦਿੱਗਜ ਸੀਮਾ ਪੂਨੀਆ ਵਰਗੇ ਵੱਡੇ ਨਾਂ ਡੋਪ ਟੈਸਟ ਵਿੱਚ ਫੇਲ੍ਹ ਹੋਣ ਕਾਰਨ ਪਾਬੰਦੀ ਦਾ ਸ਼ਿਕਾਰ ਹੋਏ। ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਇਸ ਵਾਰ ਖਿਡਾਰੀਆਂ ਦੇ ਨਾਲ-ਨਾਲ ਕੋਚਾਂ ’ਤੇ ਵੀ ਡੋਪਿੰਗ ਵਿੱਚ ਮਿਲੀਭੁਗਤ ਲਈ ਕਾਰਵਾਈ ਕੀਤੀ ਗਈ।
ਦੱਸ ਦਈਏ ਕਿ ਭਾਰਤ ਦੁਨੀਆ ਵਿੱਚ ਡੋਪਿੰਗ ਦੇ ਮਾਮਲਿਆਂ ਵਿੱਚ ਦੂਜੇ ਨੰਬਰ ’ਤੇ ਬਣਿਆ ਹੋਇਆ ਹੈ, ਜਿਸ ਕਾਰਨ ਐਥਲੈਟਿਕਸ ਫੈਡਰੇਸ਼ਨ ਆਫ ਇੰਡੀਆ (AFI) ਨੇ ਸਖਤ ਕਦਮ ਚੁੱਕਦਿਆਂ ਐਂਟੀ-ਡੋਪਿੰਗ ਸੈੱਲ ਬਣਾਇਆ ਹੈ ਅਤੇ ਸਾਰੇ ਕੋਚਾਂ ਲਈ ਰਜਿਸਟ੍ਰੇਸ਼ਨ ਲਾਜ਼ਮੀ ਕਰ ਦਿੱਤੀ ਹੈ।
ਪ੍ਰਸ਼ਾਸਨਿਕ ਪੱਧਰ ’ਤੇ ਵੀ ਬਦਲਾਅ ਹੋਇਆ, ਜਿੱਥੇ ਅਦਿਲ ਸੁਮਾਰੀਵਾਲਾ ਦੀ ਜਗ੍ਹਾ ਸਾਬਕਾ ਗੋਲਾ ਸੁੱਟਣ ਵਾਲੇ ਖਿਡਾਰੀ ਬਹਾਦਰ ਸਾਗੂ ਨੇ ਫੈਡਰੇਸ਼ਨ ਦੀ ਕਮਾਨ ਸੰਭਾਲੀ।
