ਹਾਕੀ ਨੇ ਕੀਤਾ ਨਿਰਾਸ਼

ਮਹਿਲਾ ਟੀਮ, ਜਿਸ ਵਿੱਚ ਪਹਿਲੀ ਵਾਰ ਵਿਸ਼ਵ ਕੱਪ ਖੇਡਣ ਵਾਲੀਆਂ ਕਈ ਖਿਡਾਰਨਾਂ ਵੀ ਸ਼ਾਮਿਲ ਸਨ, ਨੇ ਚੀਨ ਅਤੇ ਆਸਟਰੇਲੀਆ ਵਰਗੀਆਂ ਮਜ਼ਬੂਤ ਟੀਮਾਂ ਨੂੰ ਡਰਾਅ ’ਤੇ ਰੋਕ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਟੀਮ ਮਹਿਜ਼ ਕੁਝ ਫ਼ਰਕ ਨਾਲ ਸੈਮੀਫਾਈਨਲ ਵਿੱਚ ਪਹੁੰਚਣੋਂ ਖੁੰਝ ਗਈ। ਖਿਡਾਰਨਾਂ ਦਾ ਮੰਨਣਾ ਹੈ ਕਿ ਮਹਿਲਾ ਹਾਕੀ ਲੀਗ ਨੇ ਉਨ੍ਹਾਂ ਨੂੰ ਆਤਮ-ਵਿਸ਼ਵਾਸ ਅਤੇ ਵੱਡਾ ਤਜਰਬਾ ਦਿੱਤਾ ਹੈ। ਵਿੱਤੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰ ਰਹੀ ਇਸ ਲੀਗ ਨੂੰ ਬਚਾਉਣ ਦੀ ਮੰਗ ਨੂੰ ਗੰਭੀਰਤਾ ਨਾਲ ਲਿਆ ਜਾਣਾ ਚਾਹੀਦਾ ਹੈ। ਭਾਵੇਂ ਪੁਰਸ਼ ਟੀਮ ਹੋਵੇ ਜਾਂ ਮਹਿਲਾ ਟੀਮ, ਭਾਰਤੀ ਹਾਕੀ ਵਿੱਚ ਹੁਨਰ ਦੀ ਕੋਈ ਕਮੀ ਨਹੀਂ ਹੈ। ਭਾਰਤ ਵਿੱਚ ਕ੍ਰਿਕਟ ਦੇ ਮੁਕਾਬਲੇ ਪੱਛੜ ਰਹੀ ਇਸ ਖੇਡ ਨੂੰ ਜਿਸ ਅਸਲ ਚੀਜ਼ ਦੀ ਲੋੜ ਹੈ, ਉਹ ਹੈ ਇੱਕ ਮਜ਼ਬੂਤ ਪ੍ਰਬੰਧ, ਜੋ ਲਗਾਤਾਰ ਵਿਸ਼ਵ ਪੱਧਰੀ ਖਿਡਾਰੀ ਤਿਆਰ ਕਰ ਸਕੇ। ਵਿਸ਼ਵ ਕੱਪ ਤੋਂ ਮਿਲੇ ਸਬਕ ਨੂੰ 2028 ਦੀਆਂ ਓਲੰਪਿਕ ਖੇਡਾਂ ਅਤੇ ਅੱਗੇ ਦੀ ਤਿਆਰੀ ਦਾ ਆਧਾਰ ਬਣਾਉਣਾ ਚਾਹੀਦਾ ਹੈ।