ਪੱਤਰ ਪ੍ਰੇਰਕ
ਭੁਲੱਥ, 24 ਜੂਨ
ਢਿੱਲਵਾਂ ਪੁਲੀਸ ਨੇ ਮੰਡ ਵਿੱਚ ਚੱਲ ਰਹੀ ਨਾਜਾਇਜ਼ ਮਾਈਨਿੰਗ ’ਤੇ ਛਾਪਾ ਮਾਰਿਆ ਤਾਂ ਪੁਲੀਸ ਨੂੰ ਦੇਖ ਕੇ ਮੁਲਜ਼ਮ ਆਪਣੇ ਟਿੱਪਰ ਟਰਾਲੀਆਂ ਛੱਡ ਕੇ ਦੌੜ ਗਏ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੁਲੀਸ ਨੇ ਦੱਸਿਆ ਕਿ ਜਦੋਂ ਉਹ ਗਸ਼ਤ ਦੌਰਾਨ ਰੇਲਵੇ ਫਾਟਕ ਨੇੜੇ ਪੁੱਜੇ ਤਾਂ ਖਾਸ ਮੁਖਬਰ ਨੇ ਇਤਲਾਹ ਦਿੱਤੀ ਕਿ ਸਰਬਜੀਤ ਸਿੰਘ ਵਾਸੀ ਮੰਡਰ ਬੇਟ ਜੋ ਬਿਲਡਿੰਗ ਮੈਟੀਰੀਅਲ ਦਾ ਕੰਮ ਕਰਦਾ ਹੈ ਜੋ ਅੱਜ ਆਪਣੇ ਨਾਲ ਕਰੀਬ 7-8 ਅਣਪਛਾਤੇ ਵਿਅਕਤੀਆਂ ਨਾਲ ਆਪਣੇ ਟਿੱਪਰ ਨੰਬਰ ਪੀਬੀ 08 – ਈਡਬਲਿਊ- 2697 ਅਤੇ ਇਕ ਟਰੈਕਟਰ ਸਵਰਾਜ 855 ਸਮੇਤ ਟਰਾਲੀ ਅਤੇ ਇਕ ਜੇਸੀਬੀ ਰੰਗ ਪੀਲਾ ਨਾਲ ਬਿਆਸ ਦਰਿਆ ਮੰਡ ਧਾਲੀਵਾਲ ਬੇਟ ਵਿੱਚੋਂ ਨਾਜਾਇਜ਼ ਮਾਈਨਿੰਗ ਕਰ ਰਿਹਾ ਹੈ। ਇਸ ਦੌਰਾਨ ਜਦ ਉਕਤ ਥਾਂ ’ਤੇ ਪੁਲੀਸ ਪਾਰਟੀ ਨੇ ਛਾਪਾ ਮਾਰਿਆ ਤਾਂ ਮਾਈਨਿੰਗ ਕਰ ਰਿਹਾ ਉਕਤ ਮੁਲਜ਼ਮ ਆਪਣੇ ਸਾਥੀਆਂ ਨਾਲ ਉੱਥੋਂ ਭੱਜ ਗਿਆ। ਇਸ ਦੌਰਾਨ ਪੁਲੀਸ ਨੇ ਉੱਥੋਂ ਨਜਾਇਜ਼ ਮਾਈਨਿੰਗ ’ਚ ਵਰਤੇ ਜਾਣ ਵਾਲੇ ਟਿੱਪਰ, ਜੇਸੀਬੀ, ਟਰੈਕਟ ਟਰਾਲੀ ਨੂੰ ਆਪਣੇ ਕਬਜ਼ੇ ’ਚ ਲੈ ਕੇ, ਉਕਤ ਮੁਲਜ਼ਮਾਂ ਖਿਲਾਫ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।