ਸਰਕਾਰੀ ਬੱਸ ਰੋਕ ਕੇ ਕੰਡਕਟਰ ਨੂੰ ਲੁੱਟਿਆ

ਸੁਲਤਾਨਪੁਰ ਲੋਧੀ ਦੇ ਮੋਠਾਂਵਾਲ ਇਲਾਕੇ ਵਿੱਚ ਅਣਪਛਾਤੇ ਨੌਜਵਾਨਾਂ ਨੇ ਜਲੰਧਰ ਡਿਪੂ-2 ਦੀ ਮਿੰਨੀ ਪਨੱਬਸ ਨੂੰ ਰੋਕ ਕੇ ਲੁੱਟ-ਖੋਹ ਕੀਤੀ। ਬੱਸ ਡਰਾਈਵਰ ਪਵਿੱਤਰ ਸਿੰਘ ਅਤੇ ਕੰਡਕਟਰ ਮਲਕੀਤ ਰਾਜ ਨੇ ਦੱਸਿਆ ਕਿ ਜਦੋਂ ਉਹ ਸਵਾਰੀਆਂ ਲੈ ਕੇ ਜਲੰਧਰ ਤੋਂ ਸੁਲਤਾਨਪੁਰ ਲੋਧੀ ਜਾ...

patar prerak

ਕਪੂਰਥਲਾ, 05:28 AM Apr 04, 2026 IST

ਘਟਨਾ ਬਾਰੇ ਜਾਣਕਾਰੀ ਦਿੰਦਾ ਹੋਇਆ ਕੰਡਕਟਰ। -ਫੋਟੋ: ਮਲਕੀਅਤ ਸਿੰਘ

ਸੁਲਤਾਨਪੁਰ ਲੋਧੀ ਦੇ ਮੋਠਾਂਵਾਲ ਇਲਾਕੇ ਵਿੱਚ ਅਣਪਛਾਤੇ ਨੌਜਵਾਨਾਂ ਨੇ ਜਲੰਧਰ ਡਿਪੂ-2 ਦੀ ਮਿੰਨੀ ਪਨੱਬਸ ਨੂੰ ਰੋਕ ਕੇ ਲੁੱਟ-ਖੋਹ ਕੀਤੀ। ਬੱਸ ਡਰਾਈਵਰ ਪਵਿੱਤਰ ਸਿੰਘ ਅਤੇ ਕੰਡਕਟਰ ਮਲਕੀਤ ਰਾਜ ਨੇ ਦੱਸਿਆ ਕਿ ਜਦੋਂ ਉਹ ਸਵਾਰੀਆਂ ਲੈ ਕੇ ਜਲੰਧਰ ਤੋਂ ਸੁਲਤਾਨਪੁਰ ਲੋਧੀ ਜਾ ਰਹੇ ਸਨ, ਤਾਂ ਕੁਲਾਰਾਂ ਤੇ ਮੋਠਾਂਵਾਲ ਦੇ ਵਿਚਕਾਰ ਇੱਕ ਕਾਰ ਸਵਾਰ ਨੌਜਵਾਨਾਂ ਨੇ ਬੱਸ ਦੇ ਅੱਗੇ ਕਾਰ ਲਾ ਕੇ ਰਾਹ ਰੋਕ ਲਿਆ। ਲੁਟੇਰਿਆਂ ਨੇ ਹੱਥਾਂ ਵਿੱਚ ਦਾਤਰ ਫੜੇ ਹੋਏ ਸਨ ਅਤੇ ਬੱਸ ਦੇ ਬੋਨਟ ’ਤੇ ਵਾਰ ਕਰ ਕੇ ਸਵਾਰੀਆਂ ਵਿੱਚ ਦਹਿਸ਼ਤ ਫੈਲਾ ਦਿੱਤੀ। ਇਸ ਦੌਰਾਨ ਉਹ ਕੰਡਕਟਰ ਤੋਂ ਕਰੀਬ 900 ਰੁਪਏ ਦੀ ਨਕਦੀ ਖੋਹ ਕੇ ਫਰਾਰ ਹੋ ਗਏ। ਘਟਨਾ ਦੀ ਸੂਚਨਾ ਤੁਰੰਤ ਪੁਲੀਸ ਨੂੰ ਦਿੱਤੀ ਗਈ, ਜੋ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।