ਗੁਰਦੇਵ ਸਿੰਘ ਗਹੂੰਣ
ਬਲਾਚੌਰ, 2 ਜੂਨ
ਥਾਣਾ ਸਿਟੀ ਬਲਾਚੌਰ ਪੁਲੀਸ ਨੇ ਦੋ ਵੱਖ ਵੱਖ ਮਾਮਲਿਆਂ ਵਿੱਚ ਕੈਨੇਡਾ ਅਤੇ ਲਬਿਨਾਨ ਭੇਜਣ ਦੇ ਨਾਂ ’ਤੇ ਠੱਗੀ ਮਾਰਨ ਦੇ ਕੇਸ ਦਰਜ ਕੀਤੇ ਹਨ। ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਪਿੰਡ ਖੋਜਾ ਬੇਟ ਨਿਵਾਸੀ ਸੋਨੀਆ ਨੇ ਦੱਸਿਆ ਕਿ ਉਸ ਦੇ ਪਿਤਾ ਜਰਨੈਲ ਸਿੰਘ ਨਾਲ ਪਿੰਡ ਕਿਸ਼ਨਪੁਰ ਦੇ ਸੁਰਿੰਦਰ ਕੁਮਾਰ ਨੇ ਕੈਨੇਡਾ ਦਾ ਵਰਕ ਪਰਮਿਟ ਲਈ ਸੁਰਿੰਦਰ ਕੁਮਾਰ ਨੂੰ 72,000 ਰੁਪਏ ਐਡਵਾਂਸ ਲਏ ਸਨ ਪਰ ਬਾਅਦ ’ਚ ਉਸ ਨੇ ਨਾ ਤਾਂ ਕੈਨੇਡਾ ਦਾ ਵੀਜ਼ਾ ਲਗਵਾ ਕੇ ਦਿੱਤਾ ਅਤੇ ਨਾ ਹੀ ਪੈਸੇ ਵਾਪਸ ਕੀਤੇ। ਇਸ ਪ੍ਰੇਸ਼ਾਨੀ ਕਾਰਨ ਉਸ ਦੇ ਪਿਤਾ ਦੀ ਹਾਰਟ ਅਟੈਕ ਨਾਲ ਮੌਤ ਹੋ ਗਈ। ਇੱਕ ਹੋਰ ਮਾਮਲੇ ਵਿੱਚ ਪਿੰਡ ਠਠਿਆਲਾ ਦੇ ਕਪਿਲ ਕੁਮਾਰ ਨੇ ਪੁਲੀਸ ਨੂੰ ਦੱਸਿਆ ਕਿ ਚੱਕ ਗੁੱਜਰਾਂ (ਹੁਸ਼ਿਆਰਪੁਰ) ਨਿਵਾਸੀ ਜਸਵਿੰਦਰ ਸਿੰਘ ਨੇ ਉਸ ਨੂੰ ਲਬਿਨਾਨ ਦਾ ਵਰਕ ਪਰਮਿਟ ਦਿਲਾਉਣ ਦੇ ਨਾਂ ’ਤੇ 1.30 ਲੱਖ ਰੁਪਏ ਲਏ ਪ੍ਰੰਤੂ ਨਾ ਤਾਂ ਉਸ ਨੇ ਉਸ ਨੂੰ ਲਬਿਨਾਨ ਭੇਜਿਆ ਅਤੇ ਨਾ ਹੀ ਉਸ ਦੇ ਪੈਸੇ ਮੋੜੇ।