ਫੁਟਬਾਲ ਕੱਪ: ਉਦਘਾਟਨੀ ਮੈਚ ’ਚ ਸ਼ੰਕਰ ਬੀ ਜੇਤੂ

ਆਜ਼ਾਦ ਸਪੋਰਟਸ ਕਲੱਬ ਸ਼ਾਹਕੋਟ ਵੱਲੋਂ ਪਰਵਾਸੀ ਭਾਰਤੀਆਂ ਦੇ ਸਹਿਯੋਗ ਨਾਲ ਕਲੱਬ ਦੇ ਫੁਟਬਾਲ ਖਿਡਾਰੀ ਮੰਗਤ ਰਾਏ ਮੰਗੀ ਦੀ ਯਾਦ ’ਚ ਕਰਵਾਇਆ ਜਾ ਰਿਹਾ ਸ਼ਾਹਕੋਟ ਫੁਟਬਾਲ ਕੱਪ ਅੱਜ ਇੱਥੋਂ ਦੇ ਤਹਿਸੀਲ ਕੰਪਲੈਕਸ ਦੇ ਮੈਦਾਨ ’ਚ ਸ਼ੁਰੂ ਹੋ ਗਿਆ। ਟੂਰਨਾਮੈਂਟ ਦਾ ਉਦਘਾਟਨ ਮਾਰਕੀਟ ਕਮੇਟੀ ਸ਼ਾਹਕੋਟ ਦੇ ਸਾਬਕਾ ਵਾਈਸ ਚੇਅਰਮੈਨ ਯਸ਼ਪਾਲ ਗੁਪਤਾ ਨੇ ਕੀਤਾ। ਕਲੱਬ ਪ੍ਰਧਾਨ ਬੂਟਾ ਸਿੰਘ ਕਲਸੀ (ਕੌਂਸਲਰ) ਤੇ ਸਰਪ੍ਰਸਤ ਬਲਕਾਰ ਸਿੰਘ ਚੱਠਾ (ਚੇਅਰਮੈਨ ਮਾਰਕੀਟ ਕਮੇਟੀ ਮਹਿਤਪੁਰ) ਨੇ ਕਿਹਾ ਕਿ ਫੁਟਬਾਲ ਦੀ ਪਨੀਰੀ ਤਿਆਰ ਕਰਨਾ ਹੀ ਕਲੱਬ ਦਾ ਮਨੋਰਥ ਹੈ। ਉਦਘਾਟਨੀ ਮੈਚ ’ਚ ਸ਼ੰਕਰ ਬੀ ਨੇ ਨੂਰਪੁਰ ਬੇਟ ਨੂੰ ਹਰਾਇਆ। ਹੋਰ ਮੁਕਾਬਲਿਆਂ ’ਚ ਸੰਗੋਵਾਲ ਨੇ ਕੰਨੀਆਂ ਕਲਾਂ ਨੂੰ, ਸ਼ੰਕਰ ਨੇ ਬੋਪਾਰਾਏ ਨੂੰ, ਸਰਕਪੁਰ ਨੇ ਘਲੋਟੀ ਨੂੰ, ਚੱਕ ਮੁਗਲਾਣੀ ਨੇ ਜਾਰਜ਼ਪੁਰ ਨੂੰ ਅਤੇ ਸ਼ਾਹਕੋਟ ਨੇ ਬਾਠ ਕਲਾਂ ਨੂੰ ਹਰਾਇਆ।

ਇਸ ਮੌਕੇ ਪਵਨ ਅਗਰਵਾਲ, ਹਰਦੇਵ ਸਿੰਘ ਪੀਟਾ, ਜਤਿੰਦਰ ਪਾਲ ਸਿੰਘ ਬੱਲਾ, ਲਖਬੀਰ ਸਿੰਘ ਝੀਤਾ, ਆਸ਼ੂ ਗੁਪਤਾ, ਸੁਰਿੰਦਰ ਵਿੱਗ, ਵਿਜੇ ਵਿੱਗ, ਮਨਦੀਪ ਸਿੰਘ ਕੋਟਲੀ, ਸੋਨੂੰ ਮਿੱਤਲ, ਬਖਸੀਸ਼ ਸਿੰਘ ਝੀਤਾ, ਸਵਰਾਜ ਸੈਹੰਬੀ, ਕਾਲੀ, ਬਲਦੇਵ ਸਿੰਘ ਝੀਤਾ, ਧਰਮਿੰਦਰ ਪੱਪੂ, ਛਿੰਦਰ ਪਾਲ ਸਿੰਘ, ਕਰਨ ਗੁਪਤਾ ਅਤੇ ਕਨਵ ਅਗਰਵਾਲ ਆਦਿ ਮੌਜੂਦ ਸਨ।