ਜਸਬੀਰ ਸਿੰਘ ਚਾਨਾ
ਫਗਵਾੜਾ, 6 ਮਾਰਚ
ਇੱਕ ਕਾਰੋਬਾਰੀ ਵੱਲੋਂ ਖ਼ੁਦਕੁਸ਼ੀ ਕੀਤੇ ਜਾਣ ਦੇ ਮਾਮਲੇ ਵਿੱਚ ਪੁਲੀਸ ਨੇ ਪੰਜ ਵਿਅਕਤੀਆਂ ਖਿਲਾਫ਼ ਧਾਰਾ 306 ਆਈਪੀਸੀ ਤਹਿਤ ਕੇਸ ਦਰਜ ਕੀਤਾ ਹੈ। ਥਾਣਾ ਸਦਰ ਦੇ ਮੁਖੀ ਰਮਨ ਕੁਮਾਰ ਨੇ ਦੱਸਿਆ ਕਿ 2 ਮਾਰਚ ਨੂੰ ਪੁਲੀਸ ਨੂੰ ਪਿੰਡ ਖਾਟੀ ਨੇੜਿਓਂ ਇੱਕ ਵਿਅਕਤੀ ਦੀ ਲਾਸ਼ ਮਿਲੀ ਸੀ। ਪਹਿਲਾਂ ਪੁਲੀਸ ਨੇ 174 ਤਹਿਤ ਕਾਰਵਾਈ ਕੀਤੀ ਸੀ ਪਰ ਬਾਅਦ ’ਚ ਮ੍ਰਿਤਕ ਦੇ ਬੈਂਗ ’ਚੋਂ ਮਿਲੀਆਂ ਲਿਖਤਾਂ ਦੇ ਆਧਾਰ ’ਤੇ ਹੁਣ ਧਾਰਾ ਤਬਦੀਲ ਕਰ ਦਿੱਤੀ ਹੈ। ਮੁਲਜ਼ਮਾਂ ਵਿਚ ਮਿਸ ਵਿੱਕੀ ਵਾਸੀ ਲੁਧਿਆਣਾ, ਹਰਪਾਲ ਟੈਂਪੂ ਵਾਲਾ ਵਾਸੀ ਲੁਧਿਆਣਾ, ਅਵੀ ਕੁਮਾਰ ਵਾਸੀ ਲੁਧਿਆਣਾ, ਸੰਜੀ ਵਾਸੀ ਲੁਧਿਆਣਾ, ਇਕਬਾਲ ਸਿੰਘ ਵਾਸੀ ਲੁਧਿਆਣਾ ਸ਼ਾਮਲ ਹਨ।