cyber crime cell: ਪੁਲੀਸ ਨੇ 250 ਮੋਬਾਈਲ ਲੱਭ ਕੇ ਮਾਲਕਾਂ ਨੂੰ ਸੌਂਪੇ

ਬਰਾਮਦ ਕੀਤੇ ਗਏ ਹੈਂਡਸੈੱਟਾਂ ਵਿੱਚ ਐਪਲ, ਸੈਮਸੰਗ, ਵਨਪਲੱਸ, ਵੀਵੋ, ਓਪੋ, ਰੈੱਡਮੀ, ਰੀਅਲਮੀ ਅਤੇ ਸ਼ਿਆਓਮੀ ਵਰਗੇ ਪ੍ਰੀਮੀਅਮ ਅਤੇ ਮਿਡ-ਰੇਂਜ ਬ੍ਰਾਂਡ ਸ਼ਾਮਲ ਸਨ। ਇਹ ਡਿਵਾਈਸ ਸਾਈਬਰ ਕ੍ਰਾਈਮ ਸੈੱਲ ਵਲੋਂ ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਦੇ ਨਾਲ-ਨਾਲ ਕਈ ਹੋਰ ਰਾਜਾਂ ਤੋਂ ਟਰੇਸ ਕੀਤੇ ਗਏ ਸਨ।

ਬਰਾਮਦ ਕੀਤੇ ਫ਼ੋਨ ਮਾਲਕਾਂ ਨੂੰ ਸੌਂਪਦਿਆਂ ਐੱਸ ਐੱਸ ਪੀ ਗੌਰਵ ਤੂਰਾ ਨੇ ਦੱਸਿਆ ਕਿ ਇਹ ਬਰਾਮਦਗੀ ਤਕਨੀਕੀ ਨਿਗਰਾਨੀ ਤੇ ਸੈਂਟਰਲ ਇਕੁਇਪਮੈਂਟ ਆਈਡੈਂਟਿਟੀ ਰਜਿਸਟਰ ਸਿਸਟਮ ਰਾਹੀਂ ਸੰਭਵ ਹੋਈ ਹੈ।

ਐੱਸ ਐੱਸ ਪੀ ਨੇ ਨਾਗਰਿਕਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਮੋਬਾਈਲ ਫੋਨ ਗੁੰਮ ਹੋਣ ’ਤੇ ਤੁਰੰਤ ਨੇੜਲੇ ਸਾਂਝ ਕੇਂਦਰ ਵਿਖੇ ਰਿਪੋਰਟ ਦਰਜ ਕਰਵਾਉਣ। ਉਨ੍ਹਾਂ ਕਿਹਾ ਕਿ ਲੋਕ ਸੀ ਈ ਆਈ ਆਰ ਪੋਰਟਲ ਰਾਹੀਂ ਵੀ ਗੁੰਮ ਹੋਏ ਡਿਵਾਈਸਾਂ ਦੀ ਰਿਪੋਰਟ ਕਰ ਸਕਦੇ ਹਨ ਤੇ ਬਰਾਮਦਗੀ ਦੀ ਸਥਿਤੀ ਨੂੰ ਟਰੈਕ ਕਰ ਸਕਦੇ ਹਨ। ਨਾਗਰਿਕ ਗੁੰਮ ਹੋਏ ਮੋਬਾਈਲ ਫੋਨਾਂ ਨਾਲ ਸਬੰਧਤ ਕਿਸੇ ਵੀ ਸਹਾਇਤਾ ਲਈ ਸਾਈਬਰ ਕ੍ਰਾਈਮ ਸੈੱਲ, ਕਪੂਰਥਲਾ ਨਾਲ ਵੀ ਸੰਪਰਕ ਕਰ ਸਕਦੇ ਹਨ। ਮੋਬਾਈਲ ਮਾਲਕਾਂ ਨੇ ਆਪਣੇ ਗੁੰਮ ਹੋਏ ਮੋਬਾਈਲ ਫੋਨ ਮਿਲਣ ’ਤੇ ਕਪੂਰਥਲਾ ਪੁਲੀਸ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਐੱਸ ਪੀ ਮਾਧਵੀ ਸ਼ਰਮਾ ਵੀ ਸ਼ਾਮਲ ਸਨ।