ਨਾਲੀ ਵਿੱਚੋਂ ਮਿਲੀ ਨਵਜੰਮੇ ਬੱਚੇ ਦੀ ਲਾਸ਼

ਨਵਾਂਸ਼ਹਿਰ ਦੇ ਪਿੰਡ ਜਲਵਾਹਾ ਤੋਂ ਇੱਕ ਬਹੁਤ ਹੀ ਸ਼ਰਮਨਾਕ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਨਵਜੰਮਿਆ ਬੱਚਾ ਨਾਲੀ ਵਿੱਚੋਂ ਮਿਲਿਆ ਹੈ। ਇਸ ਘਟਨਾ ਨਾਲ ਪਿੰਡ ਜਲਵਾਹਾ ਵਿੱਚ ਮਾਹੌਲ ਗ਼ਮਗੀਨ ਹੋ ਗਿਆ।

ਇਸ ਘਟਨਾ ਦਾ ਪਤਾ ਉਦੋਂ ਲੱਗਿਆ ਜਦੋਂ ਪਿੰਡ ਦਾ ਇੱਕ ਵਿਅਕਤੀ ਨਾਲੀ ਸਾਫ਼ ਕਰ ਰਿਹਾ ਸੀ ਅਤੇ ਉਸ ਨੂੰ ਨਾਲੀ ਵਿੱਚ ਕੁੱਝ ਅਜੀਬ ਲੱਗਿਆ। ਜਦੋਂ ਉਸ ਨੇ ਦੇਖਿਆ ਤਾਂ ਉਹ ਕਿਸੇ ਬੱਚੇ ਦੀ ਲਾਸ਼ ਸੀ। ਇਹ ਬੱਚਾ ਪੂਰਾ ਵਿਕਸਿਤ ਹੋਇਆ ਸੀ, ਵਾਲ ਆਏ ਹੋਏ ਸਨ ਅਤੇ ਮੁੰਡਾ ਸੀ, ਜੋ ਕਿਸੇ ਨੇ ਗ਼ਲਤ ਜਾਂ ਨਜਾਇਜ਼ ਜਨਮ ਦੇ ਕੇ ਆਪਣੀ ਇੱਜ਼ਤ ਦੇ ਡਰੋਂ ਇਸ ਹਾਲਤ ਵਿੱਚ ਸੁੱਟ ਦਿੱਤਾ ਹੈ।

ਸੀਨੀਅਰ ਆਪ ਲੀਡਰ ਸਤਨਾਮ ਸਿੰਘ ਜਲਵਾਹਾ ਅਤੇ ਪਿੰਡ ਜਲਵਾਹਾ ਵਾਸੀਆਂ ਨੇ ਕਿਹਾ ਕਿ ਇਹ ਇੱਕ ਬਹੁਤ ਹੀ ਸ਼ਰਮਸ਼ਾਰ ਕਰਨ ਵਾਲੀ ਗੱਲ ਹੈ। ਉਨ੍ਹਾਂ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਇਸ ਘਟਨਾ ਦੀ ਤਹਿ ਤੱਕ ਤਫ਼ਤੀਸ਼ ਕੀਤੀ ਜਾਵੇ, ਦੋਸ਼ੀਆਂ ਵਿਰੁੱਧ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਵੇ ਅਤੇ ਕਤਲ ਦਾ ਪਰਚਾ ਦਰਜ ਕੀਤਾ ਜਾਵੇ।