ਹੋਲੀ ਦੇ ਮੇਲੇ ’ਚ ਝਗੜਾ, ਕਈ ਪੰਜਾਬੀ ਫੜੇ

ਇੱਥੇ ਰਹਿੰਦੇ ਭਾਰਤੀ ਭਾਈਚਾਰੇ ਵੱਲੋਂ ਹੋਲੀ ਮੌਕੇ ਕਰਵਾਏ ਗਏ ਮੇਲੇ ’ਚ ਹੋਏ ਲੜਾਈ-ਝਗੜੇ ਮਗਰੋਂ ਪੁਲੀਸ ਨੇ ਦਰਜਨ ਦੇ ਕਰੀਬ ਪੰਜਾਬੀ ਨੌਜਵਾਨਾਂ ਨੂੰ ਫੜ ਕੇ ਕੇਸ ਦਰਜ ਕੀਤੇ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਹੋਲੀ ਸਬੰਧੀ ਕਰਵਾਏ ਗਏ ਮੇਲੇ ’ਚ ਵੱਡੀ ਗਿਣਤੀ ਲੋਕ...

patar prerak

ਸਿਡਨੀ, 05:18 AM Mar 06, 2026 IST

ਇੱਥੇ ਰਹਿੰਦੇ ਭਾਰਤੀ ਭਾਈਚਾਰੇ ਵੱਲੋਂ ਹੋਲੀ ਮੌਕੇ ਕਰਵਾਏ ਗਏ ਮੇਲੇ ’ਚ ਹੋਏ ਲੜਾਈ-ਝਗੜੇ ਮਗਰੋਂ ਪੁਲੀਸ ਨੇ ਦਰਜਨ ਦੇ ਕਰੀਬ ਪੰਜਾਬੀ ਨੌਜਵਾਨਾਂ ਨੂੰ ਫੜ ਕੇ ਕੇਸ ਦਰਜ ਕੀਤੇ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਹੋਲੀ ਸਬੰਧੀ ਕਰਵਾਏ ਗਏ ਮੇਲੇ ’ਚ ਵੱਡੀ ਗਿਣਤੀ ਲੋਕ ਪੁੱਜੇ ਹੋਏ ਸਨ। ਲੜਾਈ-ਝਗੜੇ ਦੀ ਸ਼ੁਰੂਆਤ ਡੀ ਜੇ ’ਤੇ ਆਪਣੀ ਮਰਜ਼ੀ ਦੇ ਗੀਤ ਵਜਵਾਉਣ ਨੂੰ ਲੈ ਕੇ ਹੋਈ। ਕੁਝ ਨੌਜਵਾਨ ਸਟੇਜ ’ਤੇ ਚੜ੍ਹ ਕੇ ਡੀ ਜੇ ਵਾਲਿਆਂ ਅਤੇ ਗਾਇਕਾਂ ’ਤੇ ਗੀਤਾਂ ਲਈ ਦਬਾਅ ਬਣਾਉਣ ਲੱਗੇ। ਸੁਰੱਖਿਆ ਕਰਮੀਆਂ ਨੇ ਸਥਿਤੀ ਕਾਬੂ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਨਾਕਾਮ ਰਹੇ। ਇਸ ਮਗਰੋਂ ਪੁਲੀਸ ਨੇ ਪਹੁੰਚ ਕੇ ਸਥਿਤੀ ਕਾਬੂ ਕੀਤੀ। ਪੁਲੀਸ ਨੇ ਦਰਜਨਾਂ ਨੌਜਵਾਨਾਂ ਦੇ ਵੇਰਵੇ ਲੈ ਕੇ ਕਈਆਂ ਨੂੰ ਹਿਰਾਸਤ ’ਚ ਲਿਆ ਹੈ। ਪੁਲੀਸ ਨੇ ਛੇੜਛਾੜ, ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਤੇ ਲੜਾਈ-ਝਗੜੇ ਸਬੰਧੀ ਕੇਸ ਦਰਜ ਕੀਤੇ ਹਨ।