ਮਨਧੀਰ ਸਿੰਘ ਦਿਓਲ
ਨਵੀਂ ਦਿੱਲੀ, 7 ਮਈ
ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ ਆਪਣੀ ਰਿਹਾਇਸ਼ ’ਤੇ ਕਰੋਨਾ ਦੇ ਸਬੰਧ ਵਿਚ ਇਕ ਉੱਚ ਪੱਧਰੀ ਬੈਠਕ ਕੀਤੀ। ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਦਿੱਲੀ ਵਿੱਚ ਆਕਸੀਜਨ ਦੀ ਸਥਿਤੀ ਕੰਟਰੋਲ ਵਿੱਚ ਆ ਰਹੀ ਹੈ, ਇਸ ਲਈ ਆਕਸੀਜਨ ਦੀ ਘਾਟ ਕਾਰਨ ਇਕ ਵੀ ਮੌਤ ਨਹੀਂ ਹੋਣੀ ਚਾਹੀਦੀ। ਆਕਸੀਜਨ ਦੀ ਸਪੁਰਦਗੀ ਦੀਆਂ ਸਾਰੀਆਂ ਰੁਕਾਵਟਾਂ ਨੂੰ ਦੂਰ ਕੀਤਾ ਜਾਵੇ। ਬੈਠਕ ਵਿਚ ਮੁੱਖ ਮੰਤਰੀ ਨੇ ਇਸ ਤੱਥ ’ਤੇ ਭਾਰੀ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ ਕਿ ਘਰ ਇਕੱਲਤਾ ਹੋਣ ਦੇ ਸਾਰੇ ਮਰੀਜ਼ਾਂ ਨੂੰ ਅਜੇ ਵੀ ਉਨ੍ਹਾਂ ਦੇ ਘਰ ਔਕਸੀਮੀਟਰ ਨਹੀਂ ਦਿੱਤੇ ਜਾ ਰਹੇ। ਕੇਜਰੀਵਾਲ ਨੇ ਕਿਹਾ ਕਿ ਇਹ ਨਿਸ਼ਚਿਤ ਕੀਤਾ ਜਾਣਾ ਚਾਹੀਦਾ ਹੈ ਕਿ ਘਰ ਦੇ ਇਕੱਲੇ ਰਹਿਣ ਵਾਲੇ ਸਾਰੇ ਮਰੀਜ਼ਾਂ ਨੂੰ ਉਨ੍ਹਾਂ ਦੇ ਘਰਾਂ ਵਿੱਚ ਔਕਸੀਮੀਟਰ ਮੁਹੱਈਆ ਕਰਵਾਏ ਜਾਣ। ਵੱਧ ਤੋਂ ਵੱਧ ਆਕਸੀਜਨ ਨੂੰ ਬਚਾਉਣਾ ਹੈ। ਮੁੱਖ ਮੰਤਰੀ ਨੇ ਘਰ ਇਕੱਲਿਆਂ ਰਹਿਣ ਵਾਲੇ ਸਾਰੇ ਮਰੀਜ਼ਾਂ ਨੂੰ ਔਕਸੀਮੀਟਰ ਉਪਲੱਬਧ ਕਰਾਉਣ ਦੀਆਂ ਸਖ਼ਤ ਹਦਾਇਤਾਂ ਦਿੱਤੀਆਂ। ਦਿੱਲੀ ਦੇ ਸਾਰੇ ਹਸਪਤਾਲਾਂ ਨੂੰ ਆਪਣੇ ਬਿਸਤਰੇ ਵਧਾਏ ਜਾਣ ’ਤੇ ਹਰ ਜ਼ਿਲ੍ਹਾ ਕੁਲੈਕਟਰ ਆਪਣੇ ਖੇਤਰਾਂ ਵਿਚ ਨਵੇਂ ਆਕਸੀਜਨ ਬਿਸਤਰੇ ਦਾ ਪ੍ਰਬੰਧ ਕਰੇ, ਨਾਲ ਹੀ ਹਰ ਡੀਐੱਮ ਇਹ ਨਿਸ਼ਚਿਤ ਕਰੇ ਕਿ ਦਿੱਲੀ ਵਿਚ ਆਕਸੀਜਨ ਦੀ ਘਾਟ ਕਾਰਨ ਕਿਸੇ ਦੀ ਮੌਤ ਨਾ ਹੋਵੇ।
ਮੁੱਖ ਮੰਤਰੀ ਨੇ ਕਿਹਾ ਕਿ ਹੁਣ ਜਦੋਂ ਦਿੱਲੀ ਨੂੰ ਢੁੱਕਵੀਂ ਮਾਤਰਾ ਵਿਚ ਆਕਸੀਜਨ ਮਿਲ ਰਹੀ ਹੈ ਤੇ ਆਕਸੀਜਨ ਬਹੁਤ ਮਹੱਤਵਪੂਰਨ ਹੈ, ਇਸ ਲਈ ਇਸ ਦੀ ਵਰਤੋਂ ਬਹੁਤ ਜ਼ਿਆਦਾ ਕੁਸ਼ਲਤਾ ਨਾਲ ਕੀਤੀ ਜਾਣੀ ਚਾਹੀਦੀ ਹੈ। ਆਕਸੀਜਨ ਨੂੰ ਕਿਸੇ ਵੀ ਤਰ੍ਹਾਂ ਬਰਬਾਦ ਨਾ ਕੀਤਾ ਜਾਵੇ। ਆਕਸੀਜਨ ਪਲਾਂਟ ਦਿੱਲੀ ਪਹੁੰਚਦਿਆਂ ਹੀ ਤੁਰੰਤ ਲਗਾਏ ਜਾਣ। ਇਨ੍ਹਾਂ 48 ਆਕਸੀਜਨ ਪਲਾਂਟਾਂ ਦੀ ਆਕਸੀਜਨ ਉਤਪਾਦਨ ਸਮਰੱਥਾ 40 ਮੀਟਰਿਕ ਟਨ ਹੈ। ਇਸ ਨਾਲ ਦਿੱਲੀ ਦੀ ਆਕਸੀਜਨ ਸਪਲਾਈ ਵਿਚ ਹੋਰ ਮਦਦ ਮਿਲੇਗੀ। ਸਾਨੂੰ ਇਕ ਲੰਮੀ ਮਿਆਦ ਦੀ ਯੋਜਨਾ ਬਣਾਉਣੀ ਪਏਗੀ। ਵਿਸ਼ੇਸ਼ ਸਟੋਰੇਜ ਸਮਰੱਥਾ ਬਣਾਉਣ ਦੇ ਨਿਰਦੇਸ਼ ਵੀ ਦਿੱਤੇ।
50 ਬੈੱਡਾਂ ਵਾਲੇ ਨਿੱਜੀ ਹਸਪਤਾਲਾਂ ਨੂੰ ਆਕਸੀਜਨ ਦੇ ਪ੍ਰਬੰਧ ਖੁਦ ਕਰਨ ਦੇ ਹੁਕਮ
ਫਰੀਦਾਬਾਦ (ਪੱਤਰ ਪ੍ਰੇਰਕ): ਐੱਨਸੀਆਰ ਦੇ ਸ਼ਹਿਰ ਗੁਰੂਗ੍ਰਾਮ ਵਿੱਚ ਹੋਈ ਆਨਲਾਈਨ ਬੈਠਕ ਦੌਰਾਨ ਡੀਸੀ ਡਾ. ਯਸ਼ਪਾਲ ਨੇ ਇਸ ਸਨਅਤੀ ਸ਼ਹਿਰ ਦੇ 50 ਜਾਂ ਵੱਧ ਬਿਸਤਰਿਆਂ ਵਾਲੇ ਨਿੱਜੀ ਹਸਪਤਾਲਾਂ ਨੂੰ ਆਕਸੀਜਨ ਦੇ ਪ੍ਰਬੰਧ ਖ਼ੁਦ ਹੀ ਕਰਨ ਲਈ ਕਿਹਾ ਹੈ। ਇਸ ਬਾਬਤ ਹਸਪਤਾਲ ਪ੍ਰਬੰਧਕਾਂ ਨੂੰ ਪੱਤਰ ਵੀ ਭੇਜ ਦਿੱਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਗੁਰੂਗ੍ਰਾਮ ਵਿੱਚ 6 ਆਕਸੀਜਨ ਪਲਾਂਟ ਲਾਉਣ ਦੀ ਯੋਜਨਾ ਉਲੀਕੀ ਗਈ ਹੈ। ਪ੍ਰਸ਼ਾਸਨ ਵੱਲੋਂ ਸੀਐੱਸਆਰ ਤਹਿਤ ਪਲਾਂਟ ਲਾਉਣ ਦੇ ਉਪਰਾਲੇ ਵੀ ਜਾਰੀ ਹਨ। 50 ਕੰਸਨਟਰੇਟਰ ਮਿਲ ਚੁੱਕੇ ਹਨ ਤੇ 250-300 ਅਗਲੇ ਹਫ਼ਤੇ ਦੌਰਾਨ ਮਿਲਣ ਦੀ ਉਮੀਦ ਹੈ। ਉਨ੍ਹਾਂ ਦੱਸਿਆ ਕਿ ਮਰੀਜ਼ਾਂ ਦੀ ਗਿਣਤੀ ਮੁਤਾਬਕ ਸਰਕਾਰ ਵੱਲੋਂ ਰੈਮਡੇਸਿਵਿਰ ਟੀਕੇ ਦਾ ਕੋਟਾ ਜਾਰੀ ਕੀਤਾ ਜਾਵੇਗਾ ਤੇ ਸਿਵਲ ਸਰਜਨ ਵੱਲੋਂ ਹਸਪਤਾਲਾਂ ਨੂੰ ਵੰਡਿਆ ਜਾਵੇਗਾ। ਰੋਹਤਕ ਪੀਜੀਆਈ ਦੇ ਡਾ. ਧਰੁਵ ਚੌਧਰੀ ਦੀ ਅਗਵਾਈ ਹੇਠ 3 ਮੈਂਬਰੀ ਕਮੇਟੀ ਮਰੀਜ਼ ਦੀ ਪਰਚੀ ਦੇਖ ਕੇ ਟੀਕਾ ਜਾਰੀ ਕਰੇਗੀ ਜੋ ਇਸੇ ਹਸਪਤਾਲ ਤੋਂ ਭੇਜਿਆ ਜਾਵੇਗਾ।