ਨੋਇਡਾ, 8 ਅਗਸਤ
ਔਰਤ ਨਾਲ ਮਾੜਾ ਵਿਵਹਾਰ ਕਰਨ ਦੇ ਦੋਸ਼ ਹੇਠ ਸਿਆਸੀ ਆਗੂ ਸ੍ਰੀਕਾਂਤ ਤਿਆਗੀ ਵੱਲੋਂ ਉੱਤਰ ਪ੍ਰਦੇਸ਼ ਦੇ ਨੋਇਡਾ ਸਥਿਤ ਉਸ ਦੀ ਰਿਹਾਇਸ਼ ਦੇ ਬਾਹਰ ਬਣਾਏ ਗਏ ‘ਗੈਰਕਾਨੂੰਨੀ’ ਨਿਰਮਾਣ ਨੂੰ ਢਾਹ ਦਿੱਤਾ ਗਿਆ ਹੈ। ਤਿਆਗੀ ਅਜੇ ਫ਼ਰਾਰ ਹੈ। ਨੋਇਡਾ ਅਥਾਰਿਟੀ ਦੇ ਕਾਰਜਕਾਰੀ ਅਧਿਕਾਰੀ ਪ੍ਰਵੀਨ ਮਿਸ਼ਰਾ ਨੇ ਪੀਟੀਆਈ ਨਾਲ ਗੱਲਬਾਤ ਦੌਰਾਨ ਦੱਸਿਆ ਕਿ ਸੋਮਵਾਰ ਸਵੇਰੇ ਕਰੀਬ 9 ਵਜੇ ਨੋਇਡਾ ਅਥਾਰਿਟੀ ਦੇ ਐਨਫੋਰਸਮੈਂਟ ਦਸਤੇ ਨੇ ਸ਼ਹਿਰ ਦੇ ਸੈਕਟਰ‘93ਬੀ ਸਥਿਤ ਓਮੈਕਸ ਗਰੈਂਡ ਸੁਸਾਇਟੀ ਵਿੱਚ ਪਹੁੰਚ ਕੇ ਸ੍ਰੀਕਾਂਤ ਤਿਆਗੀ ਦੇ ਗਰਾਊਂਡ ਫਲੋਰ ਵਾਲੇ ਅਪਰਾਟਮੈਂਟ ਦੇ ਬਾਹਰ ਬਣੇ ਨਾਜਾਇਜ਼ ਨਿਰਮਾਣ ਨੂੰ ਢਾਹ ਦਿੱਤਾ ਗਿਆ ਹੈ। ਇਸ ਮੌਕੇ ਭਾਰੀ ਪੁਲੀਸ ਬਲ ਤਾਇਨਾਤ ਸੀ। ਉੱਧਰ, ਨੋਇਡਾ ਪੁਲੀਸ ਨੇ ਤਿਆਗੀ ’ਤੇ 25000 ਰੁਪਏ ਦਾ ਇਨਾਮ ਰੱਖ ਦਿੱਤਾ ਹੈ। -ਪੀਟੀਆਈ