ਰੁਜ਼ਗਾਰ ਮੇਲਾ 5 ਨੂੰ

ਸਰਕਾਰੀ ਉਦਯੋਗਿਕ ਸਿਖਲਾਈ ਸੰਸਥਾ (ਆਈ ਟੀ ਆਈ) ਜੀਂਦ ਵਿੱਚ 5 ਦਸੰਬਰ ਨੂੰ ਹੋਣ ਵਾਲਾ ਰੁਜ਼ਗਾਰ ਮੇਲਾ ਜ਼ਿਲ੍ਹੇ ਦੇ ਨੌਜਵਾਨਾਂ ਲਈ ਰੁਜ਼ਗਾਰ ਦੇ ਸੁਨਹਿਰੀ ਮੌਕੇ ਲੈ ਕੇ ਆ ਰਿਹਾ ਹੈ। ਆਈ ਟੀ ਆਈ ਦੇ ਪ੍ਰਿੰਸੀਪਲ ਨਰੇਸ਼ ਪੰਚਾਲ ਨੇ ਦੱਸਿਆ ਕਿ ਕੌਸ਼ਲ...

Pattar Parerak

ਜੀਂਦ, 03:43 AM Nov 29, 2025 IST

ਸਰਕਾਰੀ ਉਦਯੋਗਿਕ ਸਿਖਲਾਈ ਸੰਸਥਾ (ਆਈ ਟੀ ਆਈ) ਜੀਂਦ ਵਿੱਚ 5 ਦਸੰਬਰ ਨੂੰ ਹੋਣ ਵਾਲਾ ਰੁਜ਼ਗਾਰ ਮੇਲਾ ਜ਼ਿਲ੍ਹੇ ਦੇ ਨੌਜਵਾਨਾਂ ਲਈ ਰੁਜ਼ਗਾਰ ਦੇ ਸੁਨਹਿਰੀ ਮੌਕੇ ਲੈ ਕੇ ਆ ਰਿਹਾ ਹੈ। ਆਈ ਟੀ ਆਈ ਦੇ ਪ੍ਰਿੰਸੀਪਲ ਨਰੇਸ਼ ਪੰਚਾਲ ਨੇ ਦੱਸਿਆ ਕਿ ਕੌਸ਼ਲ ਵਿਕਾਸ ਤੇ ਉਦਯੋਗਿਕ ਸਿੱਖਲਾਈ ਵਿਭਾਗ ਹਰਿਆਣਾ ਵੱਲੋਂ ਕਰਵਾਏ ਜਾ ਰਹੇ ਇਸ ਮੇਲੇ ਵਿੱਚ ਸੂਬੇ ਅਤੇ ਹੋਰ ਰਾਜਾਂ ਦੀਆਂ ਕਈ ਨਾਮੀ ਕੰਪਨੀਆਂ ਸ਼ਿਰਕਤ ਕਰ ਰਹੀਆਂ ਹਨ। ਮੇਲੇ ਦਾ ਮੁੱਖ ਉਦੇਸ਼ 10ਵੀਂ, 12ਵੀਂ ਅਤੇ ਆਈ ਟੀ ਆਈ ਪਾਸ ਨੌਜਵਾਨਾਂ ਨੂੰ ਸਨਅਤੀ ਖੇਤਰ ਨਾਲ ਜੋੜ ਕੇ ਰੁਜ਼ਗਾਰ ਦੇ ਮੌਕੇ ਪ੍ਰਦਾਨ ਕਰਨਾ ਹੈ। ਇਸ ਦੌਰਾਨ ਆਟੋਮੋਬਾਈਲ, ਇਲੈਕਟ੍ਰੋਨਿਕਸ, ਇੰਜਨੀਅਰਿੰਗ, ਉਤਪਾਦਨ ਅਤੇ ਸੋਲਰ ਐਨਰਜੀ ਸਮੇਤ ਵੱਖ-ਵੱਖ ਖੇਤਰਾਂ ਦੀਆਂ ਕੰਪਨੀਆਂ ਹਿੱਸਾ ਲੈਣਗੀਆਂ। ਚੁਣੇ ਗਏ ਉਮੀਦਵਾਰਾਂ ਨੂੰ ਚੰਗੀ ਤਨਖਾਹ, ਭੱਤੇ, ਸੀ ਟੀ ਸੀ, ਹਾਜ਼ਰੀ ਐਵਾਰਡ ਅਤੇ ਹੋਰ ਸਹੂਲਤਾਂ ਦਿੱਤੀਆਂ ਜਾਣਗੀਆਂ।