ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 26 ਜੁਲਾਈ
ਮਹਿਲਾਵਾਂ ਵਲੋਂ ਸੰਯੁਕਤ ਕਿਸਾਨ ਮੋਰਚੇ ’ਚ ਭਾਗੀਦਾਰੀ ਵਧਾਉਣ ਦਾ ਹੋਕਾ ਦਿੰਦਿਆ ਜਮਹੂਰੀ ਕਿਸਾਨ ਸਭਾ ਬੈਨਰ ਹੇਠ ਡਾਕਟਰ ਗਗਨਦੀਪ ਕੌਰ ਪ੍ਰਿੰਸੀਪਲ ਕਿਲ੍ਹਾ ਰਾਏਪੁਰ ਦੀ ਅਗਵਾਈ ਹੇਠ ਸਿੰਘੂ ਬਾਰਡਰ ’ਤੇ ਰੋਹ ਭਰਿਆ ਪ੍ਰਦਰਸ਼ਨ ਕੀਤਾ। ਪ੍ਰਦਰਸ਼ਨ ਮੌਕੇ ਡਾ. ਸਤਨਾਮ ਸਿੰਘ ਤੇ ਸਮਾਜ ਸੇਵਿਕਾ ਕੁਲਜੀਤ ਕੌਰ ਗਰੇਵਾਲ ਲੁਧਿਆਣਾ ਨੇ ਪ੍ਰਦਰਸ਼ਨਕਾਰੀਆਂ ਨੂੰ ਸੰਬੋਧਨ ਕਰਦੇ ਕਿਹਾ ਕਿ ਸੰਯੁਕਤ ਕਿਸਾਨ ਮੋਰਚੇ ਵਲੋਂ ਮਹਿਲਾਵਾਂ ਵਲੋਂ ਜੰਤਰ ਮੰਤਰ ਕਿਸਾਨ ਸੰਸਦ ਦਿਲੀ ਵਿਚ ਹੋ ਰਹੀ ਹੈ ਤੇ ਦੁਨੀਆਂ ਨੂੰ ਹੋਕਾ ਦੇ ਰਹੀਆਂਂ ਹਨ।
ਉਨ੍ਹਾਂ ਕਿਹਾ ਕਿ ਜ਼ਰੂਰੀ ਵਸਤਾਂ ਦਾ ਕਾਨੂੰਨ ਰੱਦ ਹੋਣ ਨਾਲ ਔਰਤਾਂ ਨੂੰ ਆਰਥਿਕ ਆਜ਼ਾਦੀ ਮਿਲੇਗੀ। ਉਨ੍ਹਾਂ ਨੇ ਔਰਤਾਂ ਲਈ 50 ਪ੍ਰਤੀਸ਼ਤ ਸੀਟਾਂ ਸੰਸਦ ਵਿਚ ਰਾਖਵਾਂਕਰਨ ਦੀ ਮੰਗ ਕੀਤੀ, ਜਿਸ ਲੋਕਾਂ ਦੁਆਰਾ ਨਾਅਰੇ ਲਾ ਕੇ ਸਵਾਗਤ ਕੀਤਾ ਗਿਆ। ਪ੍ਰਦਰਸ਼ਨਕਾਰੀਆਂ ਤੋਂ ਬਿਨਾਂ ਕਵੀ ਜਗੀਰ ਸਿੰਘ ਤਰਨ ਤਾਰਨ, ਕਿਸਾਨ ਆਗੂ ਮੁਖਤਿਆਰ ਸਿੰਘ ਮਲਾ, ਜਰਨੈਲ ਸਿੰਘ, ਵਿਰਸਾ ਸਿੰਘ ਤਰੀਕਾ, ਅਵਤਾਰ ਸਿੰਘ ਬੁਟਾਰੀ, ਤਰਸੇਮ ਸਿੰਘ ਅੰਮ੍ਰਿਤਸਰ, ਮਨਜੀਤ ਸਿੰਘ ਤੇ ਕਰਮਜੀਤ ਕੌਰ ਨੇ ਵਿਚਾਰ ਪੇਸ਼ ਕੀਤੇ।