AIR India ਨੇ ਦੋ ਅਤੇ Indigo ਨੇ ਜੇਦਾਹ ਲਈ ਚਾਰ ਵਿਸ਼ੇਸ਼ ਉਡਾਣਾਂ ਚਲਾਈਆਂ
ਏਅਰਲਾਈਨ ਚਾਰ ਮਾਰਚ ਨੂੰ ਮੁੰਬਈ ਤੋਂ ਦੁਬਈ ਲਈ ਇੱਕ ਹੋਰ ਵਿਸ਼ੇਸ਼ ਉਡਾਣ ਵੀ ਚਲਾਏਗੀ
ਮੱਧ ਪੂਰਬੀ ਸੰਕਟ ਕਾਰਨ ਫਸੇ ਯਾਤਰੀਆਂ ਨੂੰ ਵਾਪਸ ਲਿਆਉਣ ਲਈ ਏਅਰਲਾਈਨਾਂ ਵਿਸ਼ੇਸ਼ ਉਡਾਣਾਂ ਚਲਾ ਰਹੀਆਂ ਹਨ। ਇਸੇ ਤਹਤਿ ਏਅਰ ਇੰਡੀਆ ਵੱਲੋਂ ਜੇਦਾਹ ਅਤੇ ਦੁਬਈ ਲਈ ਦੋ ਵਿਸ਼ੇਸ਼ ਰਾਹਤ ਉਡਾਣਾਂ ਚਲਾਈਆਂ ਜਾ ਰਹੀਆਂ ਹਨ। ਏਅਰਲਾਈਨ ਚਾਰ ਮਾਰਚ ਨੂੰ ਮੁੰਬਈ ਤੋਂ ਦੁਬਈ ਲਈ ਇੱਕ ਹੋਰ ਵਿਸ਼ੇਸ਼ ਉਡਾਣ ਵੀ ਚਲਾਏਗੀ। ਏਅਰ ਇੰਡੀਆ ਨੇ ਕਿਹਾ ਕਿ ਉਹ ਇਨ੍ਹਾਂ ਸੇਵਾਵਾਂ ਲਈ ਵੱਡੇ ਜਹਾਜ਼ਾਂ (Wide-body aircraft) ਦੀ ਵਰਤੋਂ ਕਰ ਰਹੀ ਹੈ ਤਾਂ ਜੋ ਵੱਧ ਤੋਂ ਵੱਧ ਯਾਤਰੀਆਂ ਦੀ ਵਾਪਸੀ ਨੂੰ ਸੁਖਾਲਾ ਬਣਾਇਆ ਜਾ ਸਕੇ। ਫਿਲਹਾਲ ਇਹ ਉਡਾਣਾਂ ਓਮਾਨ, ਸਊਦੀ ਅਰਬ ਅਤੇ ਮਿਸਰ ਦੇ ਹਵਾਈ ਮਾਰਗਾਂ ਰਾਹੀਂ ਲੰਬੇ ਰਸਤੇ ਤੈਅ ਕਰ ਰਹੀਆਂ ਹਨ।
ਇੰਡੀਗੋ ਨੇ ਵੀ ਜੇਦਾਹ ਲਈ ਚਾਰ ਵਾਪਸੀ (repatriation) ਉਡਾਣਾਂ ਚਲਾਈਆਂ ਅਤੇ ਮੱਧ ਪੂਰਬ ਸੰਘਰਸ਼ ਕਾਰਨ ਫਸੇ ਯਾਤਰੀਆਂ ਨੂੰ ਵਾਪਸ ਲਿਆਉਣ ਲਈ ਦੇਰ ਬਾਅਦ ਮਸਕਟ ਲਈ ਇੱਕ ਹੋਰ ਉਡਾਣ ਚਲਾਉਣ ਦੀ ਯੋਜਨਾ ਬਣਾਈ ਹੈ।
ਏਅਰਲਾਈਨ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਸਥਾਨਕ ਸਥਿਤੀ ਅਤੇ ਲੋੜੀਂਦੀਆਂ ਮਨਜ਼ੂਰੀਆਂ ਦੇ ਆਧਾਰ 'ਤੇ ਚਾਰ ਮਾਰਚ ਨੂੰ ਯੂ.ਏ.ਈ. (UAE) ਦੇ ਸ਼ਹਿਰਾਂ ਲਈ ਵੀ ਵਾਪਸੀ ਉਡਾਣਾਂ ਚਲਾਉਣ ਦੀ ਕੋਸ਼ਿਸ਼ ਜਾਰੀ ਹੈ।
ਮੌਜੂਦਾ ਸਥਿਤੀ ਕਾਰਨ ਮੱਧ ਪੂਰਬ ਅਤੇ ਯੂਰਪ ਲਈ ਉਡਾਣਾਂ ਮੁਅੱਤਲ ਕਰਨ ਤੋਂ ਬਾਅਦ, ਇੰਡੀਗੋ ਨੇ ਕਿਹਾ ਕਿ ਉਹ ਮਸਕਟ (ਓਮਾਨ), ਜੇਦਾਹ, ਮਦੀਨਾ (ਸਾਊਦੀ ਅਰਬ) ਅਤੇ ਐਥਨਜ਼ (ਗ੍ਰੀਸ) ਲਈ ਕੁਝ ਚੋਣਵੀਆਂ ਉਡਾਣਾਂ ਨੂੰ ਮੁੜ ਸ਼ੁਰੂ ਕਰੇਗੀ।
ਏਅਰਲਾਈਨ ਇਨ੍ਹਾਂ ਚਾਰ ਮੰਜ਼ਿਲਾਂ ਲਈ ਕੁੱਲ 26 ਉਡਾਣਾਂ ਚਲਾਏਗੀ। ਇੰਡੀਗੋ ਨੇ ਕਿਹਾ, "ਬਾਕੀ ਸਾਰੇ ਸਟੇਸ਼ਨਾਂ ਲਈ, ਇੰਡੀਗੋ ਸਥਿਤੀ ਦੀ ਨੇੜਿਓਂ ਨਿਗਰਾਨੀ ਕਰ ਰਹੀ ਹੈ ਅਤੇ ਆਪਣੇ ਕੰਮਕਾਜ ਨੂੰ ਹੌਲੀ-ਹੌਲੀ ਬਹਾਲ ਕਰਨ ਲਈ ਸਥਾਨਕ ਸਲਾਟਾਂ ਅਤੇ ਪਰਮਿਟਾਂ ਲਈ ਸਬੰਧਤ ਅਧਿਕਾਰੀਆਂ ਨਾਲ ਕੰਮ ਕਰ ਰਹੀ ਹੈ।"
3 ਮਾਰਚ ਦੀਆਂ ਵਾਪਸੀ ਉਡਾਣਾਂ ਦੇ ਸਬੰਧ ਵਿੱਚ, ਏਅਰਲਾਈਨ ਨੇ ਕਿਹਾ ਕਿ ਅਜਿਹੀਆਂ ਚਾਰ ਉਡਾਣਾਂ ਹੁਣ ਜੇਦਾਹ ਦੇ ਰਸਤੇ ਵਿੱਚ ਹਨ ਅਤੇ ਇੱਕ ਉਡਾਣ ਅੱਜ ਦੇਰ ਬਾਅਦ ਮਸਕਟ ਲਈ ਚਲਾਏ ਜਾਣ ਦੀ ਵੀ ਉਮੀਦ ਹੈ।
