ਗੈਸ ਸਿਲੰਡਰ ਧਮਾਕਾ ਮਾਮਲੇ ’ਚ 10 ਸਾਲ ਬਾਅਦ ਦੋ ਬਰੀ

ਇੱਥੋਂ ਦੇ ਪਿੰਡ ਫੈਦਾਂ ਵਿੱਚ 10 ਸਾਲ ਪਹਿਲਾਂ ਹੋਏ ਗੈਸ ਸਿਲੰਡਰ ਧਮਾਕੇ ਸਬੰਧੀ ਸਥਾਨਕ ਜ਼ਿਲ੍ਹਾ ਅਦਾਲਤ ਨੇ ਦੋ ਜਣਿਆਂ ਨੂੰ ਦੋਸ਼ ਸਾਬਤ ਨਾ ਹੋਣ ’ਤੇ ਬਰੀ ਕਰ ਦਿੱਤਾ ਹੈ। ਇਹ ਮਾਮਲਾ ਥਾਣਾ ਸੈਕਟਰ-31 ਦੀ ਪੁਲੀਸ ਨੇ ਦਸੰਬਰ, 2015 ਵਿੱਚ ਪਿੰਡ...

Tribune News Service

ਚੰਡੀਗਡ਼੍ਹ, 05:01 AM Nov 28, 2025 IST

ਇੱਥੋਂ ਦੇ ਪਿੰਡ ਫੈਦਾਂ ਵਿੱਚ 10 ਸਾਲ ਪਹਿਲਾਂ ਹੋਏ ਗੈਸ ਸਿਲੰਡਰ ਧਮਾਕੇ ਸਬੰਧੀ ਸਥਾਨਕ ਜ਼ਿਲ੍ਹਾ ਅਦਾਲਤ ਨੇ ਦੋ ਜਣਿਆਂ ਨੂੰ ਦੋਸ਼ ਸਾਬਤ ਨਾ ਹੋਣ ’ਤੇ ਬਰੀ ਕਰ ਦਿੱਤਾ ਹੈ। ਇਹ ਮਾਮਲਾ ਥਾਣਾ ਸੈਕਟਰ-31 ਦੀ ਪੁਲੀਸ ਨੇ ਦਸੰਬਰ, 2015 ਵਿੱਚ ਪਿੰਡ ਫੈਦਾਂ ਵਿੱਚ ਰਹਿਣ ਵਾਲੇ ਬਬਲੂ ਸ਼ਾਹ ਦੀ ਸ਼ਿਕਾਇਤ ’ਤੇ ਸੰਜੈ ਸ਼ਾਹ ਅਤੇ ਲਾਲੂ ਸ਼ਾਹ ਖ਼ਿਲਾਫ਼ ਦਰਜ ਕੀਤਾ ਗਿਆ ਸੀ। ਸ਼ਿਕਾਇਤਕਰਤਾ ਮੁਤਾਬਕ ਉਸ ਦੇ ਭਰਾ ਸੰਜੈ ਸ਼ਾਹ ਨੇ ਘਰ ਵਿੱਚ ਗੈਸ ਸਿਲੰਡਰ ਰੱਖਣ ਦਾ ਸਟੋਰ ਬਣਾ ਕੇ 11 ਗੈਸ ਸਿਲੰਡਰ ਰੱਖੇ ਹਏ ਸਨ, ਜਿੱਥੇ ਧਮਾਕਾ ਹੋਇਆ ਸੀ। ਇਸ ਦੌਰਾਨ ਉਸ ਦੀ ਪਤਨੀ ਤੇ ਬੱਚਿਆਂ ਦੇ ਸੱਟਾਂ ਵੱਜੀਆਂ ਸਨ। ਥਾਣਾ ਸੈਕਟਰ-31 ਦੀ ਪੁਲੀਸ ਨੇ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ। ਅਦਾਲਤ ਨੇ ਮਾਮਲੇ ਦੀ ਸੁਣਵਾਈ ਕਰਦਿਆਂ ਦੋਵਾਂ ਜਣਿਆਂ ਨੂੰ ਬਰੀ ਕਰ ਦਿੱਤਾ ਹੈ।