ਐਸ.ਏ.ਐਸ.ਨਗਰ(ਮੁਹਾਲੀ): ਇੱਥੋਂ ਦੇ ਫੇਜ਼ ਤਿੰਨ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਵਿੱਚ ਬਲਾਕ ਖਰੜ ਤਿੰਨ ਦੇ ਪ੍ਰਾਇਮਰੀ ਸਕੂਲਾਂ ਦੇ ਖੇਡ ਮੁਕਾਬਲੇ ਸਮਾਪਤ ਹੋ ਗਏ ਹਨ। ਮੁਕਾਬਲਿਆਂ ਦੇ ਜੇਤੂਆਂ ਨੂੰ ਮਿਲਕਫੈੱਡ ਦੇ ਚੇਅਰਮੈਨ ਨਰਿੰਦਰ ਸਿੰਘ ਸ਼ੇਰ ਗਿੱਲ ਨੇ ਇਨਾਮ ਵੰਡੇ। ਜ਼ਿਲ੍ਹਾ ਸਿੱਖਿਆ ਅਫਸਰ ਸੁਸੀਲ ਨਾਥ ਤੇ ਪ੍ਰਿੰਸੀਪਲ ਸਲਿੰਦਰ ਸਿੰਘ ਨੇ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਲੜਕਿਆਂ ਦੀ ਕਬੱਡੀ ਵਿੱਚ ਝਿਊਰਹੇੜੀ ਸੈਂਟਰ ਪਹਿਲੇ, ਬਾਕਰਪੁਰ ਦੂਜੇ, ਲੜਕੀਆਂ ਵਿੱਚ ਬਾਕਰਪੁਰ ਪਹਿਲੇ ਤੇ ਸੈਂਟਰ ਫੇਜ਼ 2 ਮੁਹਾਲੀ ਦੂਜੀ ਥਾਂ ’ਤੇ ਰਹੇ। ਕਬੱਡੀ ਸਰਕਲ ਸਟਾਈਲ ਵਿੱਚ ਸੋਹਾਣਾ ਸੈਂਟਰ ਫਸਟ, ਖੋ-ਖੋ ਮੁੰਡੇ ਤੇ ਕੁੜੀਆਂ ਵਿੱਚ ਭਾਗੋਮਾਜਰਾ ਪਹਿਲੇ ਤੇ ਮੁਹਾਲੀ ਫੇਜ਼ ਦੋ ਦੂਜੇ ਸਥਾਨ ’ਤੇ ਰਹੇ। -ਖੇਤਰੀ ਪ੍ਰਤੀਨਿਧ