ਪੰਜਾਬੀ ਟ੍ਰਿਬਿਊਨ ਵੈੱਬ ਡੈਸਕ
ਚੰਡੀਗੜ੍ਹ, 7 ਦਸੰਬਰ
ਇਥੋਂ ਦਾ 39 ਵਰ੍ਹਿਆਂ ਦਾ ਵਸਨੀਕ, ਜੋ ਕਿ ਦੱਖਣੀ ਅਫਰੀਕਾ ਤੋਂ ਪਰਤਿਆ ਸੀ, ਉਹ ਕਰੋਨਾ ਦੇ ਨਵੇਂ ਸਰੂਪ ਓਮੀਕਰੋਨ ਤੋਂ ਪੀੜਤ ਨਹੀਂ ਹੈ। ਇਹ ਜਾਣਕਾਰੀ ਉਸ ਦੇ ਸੈਂਪਲ ਦੀ ਜਾਂਚ ਰਿਪੋਰਟ ਵਿੱਚ ਅੱਜ ਸ਼ਾਮ ਨੂੰ ਮਿਲੀ ਹੈ। ਉਹ 21 ਨਵੰਬਰ ਨੂੰ ਦੱਖਣੀ ਅਫਰੀਕਾ ਤੋਂ ਪਰਤਿਆ ਸੀ ਤੇ ਉਸ ਨੂੰ ਘਰ ਵਿੱਚ ਹੀ ਇਕਾਂਤਵਾਸ ਕਰ ਦਿੱਤਾ ਗਿਆ ਸੀ। ਉਸ ਦੀ ਆਰਟੀ-ਪੀਸੀਆਰ ਰਿਪੋਰਟ ਨੈਗੇਟਿਵ ਸੀ। ਕੋਵਿਡ ਨਿਯਮਾਂ ਅਨੁਸਾਰ ਉਸ ਦਾ ਮੁੜ ਸੈਂਪਲ ਲਿਆ ਗਿਆ ਸੀ ਤੇ ਪਾਜ਼ੇਟਿਵ ਸੈਂਪਲ ਜਾਂਚ ਲਈ ਦਿੱਲੀ ਦੀ ਲੈਬਾਰਟਰੀ ਵਿੱਚ ਭੇਜਿਆ ਗਿਆ ਸੀ ਜਿਥੇ ਉਸ ਨੂੰ ਓਮੀਕਰੋਨ ਨਾ ਹੋਣ ਦੀ ਪੋਸ਼ਟੀ ਹੋਈ ਹੈ। ਉਹ ਡੈਲਟਾ (ਬੀ.1.617.2) ਤੋਂ ਪੀੜਤ ਪਾਇਆ ਗਿਆ ਹੈ।