ਰੰਧਾਵਾ ਨੇ 16 ਪੰਚਾਇਤਾਂ ਨੂੰ ਗ੍ਰਾਂਟ ਵੰਡੀ
23 ਵੱਖ-ਵੱਖ ਵਿਕਾਸ ਕਾਰਜਾਂ ਲਈ 2.55 ਕਰੋੜ ਰੁਪਏ ਦੇ ਚੈੱਕ ਸੌਂਪੇ
ਵਿਧਾਇਕ ਡੇਰਾਬਸੀ ਕੁਲਜੀਤ ਸਿੰਘ ਰੰਧਾਵਾ ਨੇ ਰੰਗਲਾ ਪੰਜਾਬ ਵਿਕਾਸ ਸਕੀਮ ਅਧੀਨ ਡੇਰਾਬਸੀ ਦੇ ਕਮਿਊਨਿਟੀ ਸੈਂਟਰ ਵਿੱਚ 16 ਗ੍ਰਾਮ ਪੰਚਾਇਤਾਂ ਨੂੰ 23 ਵੱਖ-ਵੱਖ ਵਿਕਾਸ ਕਾਰਜਾਂ ਲਈ 2.55 ਕਰੋੜ ਰੁਪਏ ਗ੍ਰਾਂਟ ਵੰਡੀ। ਵਿਧਾਇਕ ਕੁਲਜੀਤ ਸਿੰਘ ਰੰਧਾਵਾ ਨੇ ਦੱਸਿਆ ਕਿ ਇਹ ਰਾਸ਼ੀ ਕਮਿਊਨਿਟੀ ਸੈਂਟਰ, ਐੱਸ ਸੀ ਧਰਮਸ਼ਾਲਾ, ਗਲੀਆਂ ਨਾਲੀਆਂ, ਖੇਡ ਮੈਦਾਨ, ਸੀਵਰੇਜ, ਗੰਦੇ ਪਾਣੀ ਦੀ ਨਿਕਾਸੀ, ਪੀਣ ਵਾਲੇ ਪਾਣੀ, ਬੱਸ ਸਟਾਪ, ਓਪਨ ਜਿਮ, ਡਿਸਪੈਂਸਰੀ ਲਈ ਵਰਤੋਂ ਵਿੱਚ ਲਿਆਂਦੀ ਜਾਵੇਗੀ।
ਗਰਾਂਟਾਂ ਪ੍ਰਾਪਤ ਕਰਨ ਵਾਲੇ ਪਿੰਡਾਂ ਵਿੱਚ ਭਾਗਸੀ ਨੂੰ ਕਮਿਊਨਿਟੀ ਸੈਂਟਰ ਲਈ 15 ਲੱਖ ਰੁਪਏ, ਜਿਓਲੀ ਨੂੰ 18 ਲੱਖ ਰੁਪਏ, ਪਰਾਗਪੁਰ ਨੂੰ 23.10 ਲੱਖ ਰੁਪਏ, ਜਵਾਹਰਪੁਰ ਨੂੰ 12 ਲੱਖ ਰੁਪਏ, ਕਾਰਕੌਰ ਨੂੰ 20 ਲੱਖ ਰੁਪਏ, ਝਵਾਂਸਾ ਨੂੰ 15 ਲੱਖ ਰੁਪਏ, ਤ੍ਰਿਵੇਦੀ ਕੈਂਪ ਨੂੰ 15 ਲੱਖ ਰੁਪਏ, ਬਲਟਾਣਾ ਨੂੰ ਸੱਤ ਲੱਖ ਰੁਪਏ, ਬਾਕਰਪੁਰ ਨੂੰ 42 ਲੱਖ ਰੁਪਏ, ਰਾਮਪੁਰ ਬਾਹਲ ਨੂੰ ਪੰਜ ਲੱਖ ਰੁਪਏ, ਰਾਜੋ ਮਾਜਰਾ ਨੂੰ ਅੱਠ ਲੱਖ ਰੁਪਏ, ਪੰਡ ਵਾਲਾ ਨੂੰ ਅੱਠ ਲੱਖ ਰੁਪਏ, ਮੁਕੰਦਪੁਰ ਨੂੰ 35 ਲੱਖ ਰੁਪਏ, ਬਿਜਣਪੁਰ ਨੂੰ 20 ਲੱਖ ਰੁਪਏ, ਜੋਲਾ ਕਲਾਂ ਨੂੰ ਚਾਰ ਲੱਖ ਰੁਪਏ ਅਤੇ ਮਲਕਪੁਰ ਨੂੰ ਤਿੰਨ ਲੱਖ ਰੁਪਏ ਦੀ ਗ੍ਰਾਂਟ ਦਿੱਤੀ ਗਈ।
